سجل حضورك ببيت شعر

[مس كلوزر]

مجبور ابرحل عنك مجبور
مجبور ابين لك خطاياك
كم قلت لك لاتعصي الشور
حب الي يحبك ويهواك

 

[آل يذوه]

لا تزيـد المواجـع خلـني جـد نسيت .. لا تجلـــب بقلبـــي صفـــحـة الـــذكريـات
انتهى الحب وانت من حياتي انتهيت .. كـــل منـــا تخيـــر لــه طــريـــج الــحياه
مـا أريـد أتذكـر مـاضــــي بـه شقيت .. منيتــي بــس أنـــــسى ما تعــــدى وفات
لا ذكـرتك حبيبـي من فــوادي بكيت .. وامطر الدمع الأحمـــر وجنتــي و الشفاه
ليتني ما عرفتك وليتنـــي مـا هويت .. ولا رسـمتــك بعينــي أجمــــل الأمنيــات
ولا جعلت القصيـدة تبكـــي بكل بيت .. ولا كتبــت المشــاعر مــن فــــؤاد وذات
اعتبرنـي محبـن في غرامـــك وفيت .. أبــعـدتـه الليالــي عـن عيـونـك ومــــاك
أو مجـرد خيالك غــاب عنك وسليت .. مر في النوم وأصبح في نهارك شـــتات
بعد ما نته بغيري يا حبيـــبي رضيت .. ابتـعـــد عـــــن حـيــاتي مـا تفيــد لـعزاه
اطلـب الله بقربـه يســــعدك ما حييت .. واطلــب الله لقلـبي عــنك صبــر وســلاه

 

[مس كلوزر]

ياعسى عمرك مديد وتحيا ايامك سعيد
ولو انا عنك بعيد ومن فراقك منقهر

 

[آل يذوه]

أنــا ونّيــت يــوم اللّيـل دنــا ،، ونيــن اللّـــي بعـــلاّتــه حـزينــا
صبرت وكان كثر الصّبــر ظنّا ،، على هامــش مسير العاشقينا
شــرات اللّي بعـلاّتـــه يحنّا ،، رسوم الحـبّ في قلبـــهـ دفيـنا
وكــم طبّع بحركم من سفنّا ،، ونسبـــح في لجاجـهــ مخطرينا
خيــالك دايـــم ماغـاب عنّــا ،، وطيفـك في منامـي يا الظّنينــا
ولحظــه من عيـونك يذبحنّا ،، بصفّــيــن الـهــدب والحــاجــبينا
أنا والله لـو ما انـت المضنّـا ،، وتملكنــي عهـــود مــن ســـنينا
لغنّي بالهــوى في كـل فنّا ،، وبيعـهـــ بيــع نــاس مـرخــصينا

 

[مس كلوزر]

كان قلبك يافتوني طاوعك تنسى حبيبك
انا ببقى مع شجوني وانت روح الله حسيبك
بس تاكد ياعيوني ان غدى غيري نصيبك
انته ويايه وبدوني مابي مكروه يصيبك

 

[آل يذوه]

والله اني من غيابك يا أعز الناس تالف
ما تعرف انه ابتعادك يالغلى ايأثر عليه

لانه قلبي يا وليفي عند غيرك ما يوالف
اشعر براحه اذا شفتك واحس بجاذبيه

عن سوالفك وكلامك ما تعوضني السوالف
لك تشد القلب همسات و مشاعر داخليه

روحك و روحي يجمعهن على اللقيا تآلف
كل ما شفتك تجدد دافع الاشواق فيه

 

[آل يذوه]

لين جسمي يندفن تحت الرمالي وارتحل من دنيتي واصبح دفينا
لك سلامي يالضنا ختم المقالي عد ما نسنس هوى الغربي زفينا

 

[مس كلوزر]

والله اني احبك رغم كل الظروف
رغم كل المتاعب والاسى والجراح

 

[آل يذوه]

جذبتني بالوان خط الحيا فيك ،،، لونت عمري بالمحبه وذاتي
مثل الندى للورد بالقلب طاريك ،،، ربيع عمري شوفتك ياغناتي

 

[مس كلوزر]

اشوفك غير عن الاول اشوفك دوم متكدر
حدرام تكدر الخاطر وتترك فالعيون جروح

 

[آل يذوه]

نسـاير الوقت و اثر الوقت متحدي
يطرح ويجرح و نار الموت مشبوبه

لا وا عساها سحابة صيف وتعدي
الهاجس اللي يلوف القلب ويلوبه

احل و ارحل ودمعي ما وطى خدي
حتى لو الروح مسلوبه ومنهوبه

ورث ورثته .. ورثه ابوي من جدي
ماهين نفسي ورا اللي ينفخ جنوبه

حتى لو ان الظروف تسير في ضدي
لابد ترجع ظروف الوقت مغلوبه

 

[مس كلوزر]

مثل مالك فهالدنيا سوايه
انا مالي سواك انسان غالي
لأنك اول واخر منايه
واول حب واخر ودادي

 

[آل يذوه]

أحـبك والوله تـنزف طعـونه .. ماوصـل لـ اقصـاي

تخيّـل كيف يرحـل بي مـداك ويشعـل اشجـاني

وتخيّـل قلبي بدونـك .. وبسـمة تسـتفزّ بكــــاي

وجـودٍ من عدم حبــــك .. يشـتتني وينـعاني

أنـا اللي قلبي لك لهفـة .. أزفّـه من غرق يمنـــاي

وامدّه لك وصـال .. وهـاك كلّـي يا مـدى ازماني

سقـيت عروقي بجـرحـك .. واظنـك فاهـمٍ معـناي

إلى منّـي رحـلت .. وكـل هــمٍّ يسـكن اوطـاني

تـرى كـلٍ يروح .. إلا حنينـك والولـه والنـــاي

إلى منّـه عزف لي لهـفتك .. واسـقاني الحــاني

ياليتـك لوتجـي واتشوف بعيـونك حنيـن خطـاي

لـ سـاقنّـي لدربك شـوق .. وردّني ضمــا ثاني

تمنيـت الوداع .. وكـل هـمٍّ يمحـي اللي جــاي

وصـار وداع حـبي لك .. وصـالٍ شــكّل الواني

أبرقى واشـرب فراقـك .. وحـاول تنتشي فرقـاي

كثـير الحـزن لكنـي .. قدرت اوصـل لـ عنواني

حبيبي والوصـال وداع .. جمره حدّني لـ اقصـاي

تخيّـل كيـف يسـري بي غلاك .. ويوقـظ احزاني

 

[مس كلوزر]

احبك يابعد كل هالملا
وحبي لك لاشك انته غير

 

[آل يذوه]

حيرتني ما بينك وبين البعاد
ما ادري تباني انت والا مقفي

عطني اجابه واضحه دون تعداد
والك الوعد باعلام لجلك ترفي

انا على رجواك منصاب بسهاد
قرر وبرر يا الغلا دون لفي



^
^

بقلمي ..~

 

[مس كلوزر]

أحبك حب من الخاطر
وانا مخلص لك بحبي
وحبك فالجدى جدام

 

[الموج العالي]

امنتك الله ياحبيبي ابا ارحل ...
يمكن غيابي يعرف الشوق قلبك..
اذا رحلت اليوم ارجوك اسال..
خلي الوصل لو يوم من طبع طبعك...

 

[على هونك]

مااااااااااااال اول شعر الحين اناشييد .

 

[~آللهم آغفر لي ولوآلدي~]

إنسـان ..غايـب .. وإحتوانـي .. حضـوره ..؟؟؟؟؟
,,,,,,,, ////// ميـزت .. لونـه .. رغـم .. تعتيـم .. الألـوان ..!!!!!



في داخلـي .. موجـود .. صافحـت .. نـوره..؟؟؟؟؟
,,,,,,,, ////// وعجزت .. الاقي له .. على الارض .. عنوان ..!!!!! ​

 

[آل يذوه]

ما دام قبري محتضن راس مرقـــــاب * على كثر ما تقدرون ادفـــــنـــــونــي
لو ماني بذيب انهشت عظمي اذيــاب * لو ما عرفت اثبت وجودي لغونــــي
لو ما سكنت اعيونهم مت بــغـــيــــاب * لو ما قدرت امحي ورقهم محونـــي
اصبحت الأصعب لانهم كانو اصحاب * جننتهم لانــــهـــم ......جــــنـــنــوني