سجل حضورك ببيت شعر

[على هونك]

واليوم لآ سسآئل ولآ نشـآد . . الله أككبر هآ المخآليق ينسون,,!

 

[أزهار البريمي]

غيابك ذبح فيني مفاهيم الأشواق
وأسقى عروقي للفراق وزرعني
وأنا أدري أنك تملك أحساس وأخلاق
أحساسك اللي من عروقي نزعني
شو فيك ما تفهم؟؟؟
ترا صدق (مشتاااااق)
وسيف الثواني في غيابك طعني

 

[طيــر ويحـب سجـانه]

اضحك وكني رايق البال خالي..
والناس تحسدني وانا اموووت بسكات
اقضي نهاري بالمزح والتسالي
واسهر بليلي في هموم ومعانات
غريبه هالدنيا على كل حالي
الحزن دام والفرح بس لحظات.. "

 

[طيــر ويحـب سجـانه]

دنيا غريبه.. واخر الدرب عنوان..
والعمر رحله والتجارب رحايل
وانا كثر مالي من الناس خلان
اللي صفولي بالشدايد قلايل..
مرات ربك يرزقك خوه انسان
واحد ويسوي في عيونك قبايل.. "

 

[طيــر ويحـب سجـانه]

أكبر قهر لاضاع عمرك ورا انسان
تبي غلاه وهو يبي انسان ثاني

 

[طيــر ويحـب سجـانه]

مــــا قلتلك هالوقت قاســــــــي ودوار ..
تشين لو زانت ليالي دهرهــــــــــا
هذا انــت غبت وفرقت بيننا الاقــــدار ..
جت منك والاحلام كلن خسرهــــا
انـت السبب يامرخص كل ماصـــــــار ..
احساسك الميت هو اللي دمرهــــا

 

[طيــر ويحـب سجـانه]

ما كلفت نفسك تسالني عن أحوالي..
ماتدري إن التجاهل يجرح شعوري ..
أغيب وأرجع وذكرك دوم ع بالي..
وإنت غيابي يشابه عندك حضوري..
مسموح خذ راحتك يا حضرة الغالي..
ما أقدر أعاتبك دامه انتهى دوري

 

[طيــر ويحـب سجـانه]

لاصارت هذي علومك راح تخسرني
ماعمر احد راح من كيفه و ناديته
عند الكرامة ابيعك و انت خابرني
الله وكيلك ترى كل شي مريته
كانه هجر بالسلامة روح اهجرني
" " " " اخوي لا صد عني ماترجيته " " " "

 

[طيــر ويحـب سجـانه]

يا صاحبي صبري على البعد محدود!!
وماهو صحيح إن الصبر من صفاتي..
تدري أعزك موت وأموت بك زود..
وأغليك أكثر لو أحس بغلاتي..
أوعدني أن الوصل ما عاد مفقود..
((وأوعدك))
لحظة..
ما تفارق ...(حيــــاتــــي)

 

[طيــر ويحـب سجـانه]

ليه احرق اعصابي ... وافتح للتعب بابي
انا ادري ومتاكد .. حضوري يشبه غيابي

 

[طيــر ويحـب سجـانه]

ما هو جفى لو شفتني عنك أبطيت ..
عمر الجفا ما راود النفس يمك ..
باسم الغلا ساكن وبالقلب حليت ..
بأقصى خفوقي مسكنك يوم ضمك ..
لا ما تخلى عنك لو غبت وأبطيت ..
غلاك يسري مثل ما سار دمك ..

 

[طيــر ويحـب سجـانه]

ابـي اعيـش بـدنيتـي دون خـلان
مثـل الطيـور الـي بهـالجـو حـرة
ابـي اطـوي سنيـن بهـا ضيـم واحـزان
وامسـح جـروح داخلـي مستمـرة
ولانـي علـى الـي راح بـاكـي ونـدمـان
كلـه مقـدر لـي بخيـرهـ وشـرهـ ؟؟؟؟؟

 

[طيــر ويحـب سجـانه]

اللي تحبه يارفيقي وتغليـــــــــــه ..
لو غاب عنك من تحط بمكانـــه
لو كل واحد نسى جرح غاليـــــه ..
ماكان به غالي تذكر زمانــــــــه
خله عشان الوقت لابد يربيـــــــه ..
عشان يعرف قيمتك مو عشانـــه
الكون واسع لاتجاري خطاويــــه ..
يلقي بدالك وانت تلقى مكانـــــــه

 

[طيــر ويحـب سجـانه]

ماعاد ينفع لو تعذرت ورجعـــــــــــت ..
فات الاوان وقل قدرك وشانــــــــــك
وشلون اسامح وانت في الود قصــرت ..
وبعت الرفيق اللي وفالك وصانــــــك
والحين جاي تقول نادم وفكــــــــــرت ..
خل المحبه وانت خلك مكانــــــــــــك

 

[طيــر ويحـب سجـانه]

منك نتعلم لعبت الصد ونصــــــــــد ..
مادام قلبك والليالي علينـــــــــــا
منك نتعلم كيف مانحفظ الـــــــــــود ..
(( وتشوف منا ماتسويه فينــــــــا ))
والحين لازم تاخذ المسأله جـــــــــد ..
علمتنا نقسى وشفنا قسينـــــــــــا

 

[طيــر ويحـب سجـانه]

الشوق ياخذني لحضرة جنابك
والدمع طاح ولا لقى له مناديل
خذني معك لو صفحه بكتابك
أو ضمني وسط العيون المضاليل
تدري وش اللي هزني في غيابك
إنك بعيد وما تجيني المراسيل

 

[طيــر ويحـب سجـانه]

لا تنصدم اذا قلت انا اليوم مـا أبيك
القلب عافك و انتهى اليوم دورك
اعميتني بحبك عسى الله يعميك
ورميتني يا شين بـ أعمق بحورك
يالله توكل لا تجيني و لا أجيك
يـالله حبيب أمك قوم رتب امورك

 

[طيــر ويحـب سجـانه]

امسح الدمعة ترى ضعفك قوي
انهزم قدام ضعفك يا غلاي
امسح الدمعة بعمري لو تبي
عطني احزانك وخذ مني هناي

 

[طيــر ويحـب سجـانه]

سو الي براسك ولاتذكر اسباب
لاصرت بايعني توكل على الله
مابيني وبينك مشاريه وعتاب
شف دربك الي جيت منه تدله

 

[طيــر ويحـب سجـانه]

من رحل عني وانا احس بـ صدآع
وكل مااتذكره فيني يزيد ..
بس ياراسي تراه انسآن بآع
انت توجعني وهو عايش سعيد