سجل حضورك ببيت شعر

[غيثة السحايب]

خلاص صبري تعـدى كـل هقواتـي ,,
اتعبت نفسي ( اعزيهـا .. وعللها ) ’’

ابيك تنسى وتمد ح كـل ( زلاتـي) ,,
بعض البشر صعب مانقـدر نزعلهـا ’’

والحين جيتك ابمسح كـل غلطاتـي ,,
دنياي دونـك وربـي ماتحملهـا ’’

 

[آل يذوه]

كيك وعسل لكن ماهو في صحـون
ودعاك من عين الحسود غطاك لـه ​

الله لايعطـيـه نــاسً ينضـلـون
ويستر علية مـن النحـل لا ياكلـه ​

الوصف والتعبير في وصفه يهـون
غير اطلب الله يستجيب دعـاك لـه ​

وعذال قلبـك فـي محبتـه يهبـون
سكينهم عـن قطـع حبلـه حاكلـه​

 

[راعي صوغة]

لاهنت يـا راس الرجاجيـل لاهنـت
لاهان راس(ن) في ثرى العود مدفون

و الله ما احطّك بالقبـر لكـن آمنـت
باللي جعل دفن المسلميـن مسنـون

 

[غيثة السحايب]

ضاقت وساع الفيافي والوعد متن السفينه

للطريق اللي دعاني بعد أمان الله وأمانه

لاتناديني وصوني قلــبك الله لايهـينه

لايراهن في رجوعي لجل مايخسر رهانه

ليه ما أرحل عن غرامك بعد ماذقت الغبينه

أذكريلي شي واحد يستحق أقعد عشانه

 

[آل يذوه]

اللي يعاملك بأدب .. بأسلوب راقي عاملـه
ماهوب معقوله يشيب الراس في سن الشبـاب
واللي يشيلك في عيونه .. داخل عيونك شله
ماهو بمنطق يطلب الما وانته تسقيه السـراب
واللي يدخلك بخفوقه .. في خفوقك دخلـه
ماهوب حق يحب ويضحي ماتحسب له حساب

 

[غيثة السحايب]

ياغايـبـه وان كــان فيـهـا جمـالـه
تجمّـلـي يــاام الـحـلا والظـفـايـر




بالله شوفـي صاحـبـك كـيـف حـالـه
شوفيه فـي غيبتـك وشلـون صايـر ؟!

 

[راعي صوغة]

كم ظالم(ن) عاداك و اعفيت و احسنت
و اخلفت ظن جموع ناس(ن) يظنون

شلت الامانه حافظ(ن) مـا تهاونـت
شفنابك رجال(ن) على النفس يقوون

 

[دلع الزهــور]

مهما " قلبي " مر به .. غيرك وطاف ~
مايخونك قلب علمته { وفا ..
ايه " أحبك " وهذي مافيها خلاف
إمسك إيدي وحس فيها العاطفه }
........ ما أخاف " البرد " لو غيري يخاف !
كيف أحس البرد ! وطيفك لي {دفا

 

[~آللهم آغفر لي ولوآلدي~]

فقدت ,, الصوت والنبره ,, وهرجٍ يشرح الخاطر ..؟؟؟؟؟
,,,,,,,,,, ////// علامك ,, ياطويل العمر ,, تبطي ,, ماتراسلنا ...!!!!! ​

 

[آل يذوه]

استأذنك .. بسافـرايـام .. وآجيـك
وان طالـت ايّـام السفـر .. لاتحاتـي
حتى ولـو طوّلـت .. مانـي بناسيـك
ياللي بدونك .. ويش تسـوا حياتـي؟
تامر على حاجه؟؟ .. بودّعـك واليـك
عسى عوّض الايـام .. فـي المقبلاتـي
حتى يدي .. ماودّهـا تفـارق يديـك
ساكت .. وانا اشوف البلا في سكاتـي
ماشفتني لارحت منك .. التفـت فيـك
بـلاي والله (( روحتـي والتفـاتـي))
لكن قبـل مـاروح .. ودي اوصيـك
وانت الوحيـد اللـي يقـدّر وصاتـي
لاحدٍ سالك .. وقالك ((وين مغليك؟؟))
قلـه: "لـوازم لاقضـاهـا بيـاتـي"
وان طروا النسيـان .. مانـي بناسيـك
يـاراس مالـي فـي الحيـاه .. وغناتـي
وان طروا السلـوان .. مانـي بساليـك
طيفك معي حتـى وانـا فـي صلاتـي
قلبي .. وهـو قلبـي اذا مـرّ طاريـك
لولا ضلوعـي .. كـان عـزوا مماتـي
لو جض صدري .. كان يمديـه ياتيـك
ويبـات عنـدك .. ويهنـى بالمبـاتـي
انا .. وقلبي .. والغلا .. ساكـنٍ فيـك
وانته .. وقلبك .. والغلا .. وسط ذاتـي
غلاك .. مثل الحكـم عنـد المماليـك
اكبر طموحـي .. لا .. كـل امنياتـي
شف فـي غيابـي ايّ حاجـه تسليـك
لاني بعدك .. اسلى مـع (( ذكرياتـي))
احـاول اذكـر .. اي شـيٍ يطريـك
"واقول هو سوا .. وانـا ذي سواتـي "
كني مـوادع .. كـل شـيٍ حواليـك
وكني حسبت حساب ((حزة وفاتـي))
احب .. لاني مقدر انسـاك .. وآبيـك
ولا اقـدر اخليـك .. ياللـي تحاتـي
معنى احب .. وماقدر انسـى واخليـك
((يعني بدونك ويش تسـوا حياتـي؟))​

 

[~آللهم آغفر لي ولوآلدي~]

لملمت احساسك شعورك

وقلبك خلاص بتسافر

زين التفت لحظه

عطني جروحك بس

خلها تسليني بغيابك

الكافر وخذ النظر مني

وخبّه مع اشيائك

ما ابي اشوف الناس

وشلون اشوف الناس

وشوفي معك سابق ​

 

[آل يذوه]

يجيب السفــــر طآريك يآحي ذا الطاري
وأنا بين تغميض العيون ومدامعها

غريب السفر والأغرب إحساسه الناري
ياكم ناس فرقها وكم ناس جمعها

فـ على الرغم من كمية الكبت الإجباري
يبين شعـــــور النآس لما توآدعها

وانا لا بكيت البكي جهدي وإصراري
أحس إني انظف خلق ربي وأروعهآ

ترى الشآعر ليا حب ينجـــــن ويمآري
مثل من معه ثروه ويبغى يوزعها

أحبــــــــك وإذا ماكنت داري انا داري!!
أنا كل يوم اقولهـــــا لو ماتسمعها

حبيبي .. حبيبي للوفــــــآء بايع وشاري
تخون النفوس مالقت شي يمنعهآ

هداياي كتبي..بآقي أغراضي..أشعاري
إذا انّا افترقنـــــــا طآلبـــك لاتقطعها

تبرع بها لو ما أنت راغب ولاضاري
لعل وعسى تلقى لها ناس تنفعها​

 

[~آللهم آغفر لي ولوآلدي~]

بالله قلي شعوري هذا وش يعني
...........// طمني الله يطمن همك وخوفك

بيني وبينك ترى اللي صدق ضيعني
...........//ان انت فـ آخر لقا شارح لي ظروفك

مدري وش اقول لكن تدري اسمعني
...........//خابرك وافي وابيك تتم معروفك

ان كنت ناوي تسافر لا تودعني
...........//بس انتبه لا تسافر قبل ما اشوفك​

 

[آل يذوه]

قبل السفر ودي بنظرة أخيره

أعيش فيها باقي العمر وأموت​

 

[~آللهم آغفر لي ولوآلدي~]

كان ودك بالفراق .. ابشر عسى عمـرك طويـل
.......... // لاتـردد وانـت لـك كلمـه ولـك امـر ٍ مطـاع


لـي عليـك انّـك تبّـت بكلمـة ٍ تشفـي الغليـل
.......... //ولك عليّ انـي لأوّقـف وقفـة الرجـل الشجـاع​

 

[آل يذوه]

محبتك في فؤادي مالها آخر

مهما افترقنا وغبت أنت عن أنظاره

أنت حياتي ويومي وأمسي وباكر

وانت المطر والشجر الشمس وأقماره​

 

[~آللهم آغفر لي ولوآلدي~]

كم تعلّم مـن شديـد البـدو وش معنـى الرحيـل
.........// وكم تعلّم من غروب الشمـس وش معنـى الـوداع​

وكم تعلّم من سحاب الصيف وش معنـى الحصيـل
.........// وكم تعلّم من ليـال البـرد وش معنـى الضيـاع​

ايه انا هذا طريقي ( موحش ..وصعب .. وطويل )
.........// وانت لامنـك تعبـت .. العالـم فجوجـه وسـاع​

​

 

[آل يذوه]

يامن وداعه لي مثل نزعة الروح

لو كانها مرّه فلا بد منها​

 

[~آللهم آغفر لي ولوآلدي~]

اعتبرنـي فـي بدايـة سكّـتـك عـابـر سبـيـل
..........//و رح وانا قلبي معك من ويـن وجّهـت الشـراع


يكفي اني لاانذكرت فـي سالفـة عشّـاق .. قيـل
..........// عاشر احبابه شجـاع .. وفـارق احبابـه شجـاع​

 

[آل يذوه]

حبه مثل حلـم بمنامـي لفانـي
و الا مثل بـرقً بسمانـا لمحنـاه
أبيه يذكر وش خذا من زماني ..
ضحيت من شانه أدور على رضاه​