سجل حضورك ببيت شعر

[السنـافي]

كل العيون اللي تشوفك تودك
ويا حظ عين اللي عيونك توده
^_^​

 

[آل يذوه]

و إذا نشدني فلان عنّك .. تلعثمت !
.. .. .. .. .. ما أدري أخاف الدمع يفضح حنيني

أتذكّرك و أستلطف الحزن و الصمت
.. .. .. .. .. و آغطي عيوني .. براحة يديني !!

يمكن إذا خايلت زولك ... تبسّمت !
.. .. .. .. .. قدرت أخبّي من الأوادم - حنيني​

 

[آل يذوه]

المشكله .. لا صرت يا فلان .. هايم !
.. . .. . .. تبغي وصال فلان - و فلان سالي !

العالم تصلي العشا و إنت - صايم ..
.. . .. . .. في يديك تمره و تحتري فالزوالي​

​

 

[!الـغ ـروب!]

هـذا الـزمـن حـاكم وأنـا فيـه محكــوم
.... مــاهمنــي كبــر الفضــا و أتســاعه

مــدام دمعــي جــف والقلــب مصـدوم
.... بقــول للأحـزان سمعــ (ن) و طــاعه

ومــدامني عشـــت الــزمن دوم محـــروم
.... شيصيــر لوضـاقت علـــي كـل ســاعه؟​

 

[آل يذوه]

جروحنا : سرٍّ فضحنا .. و حنّا !
.. .. .. .. .. للسر : طفلٍ ضيّعه ؛ كثرة البذخ

نضحك .. يالين دموعنا يفضحنّا
.. .. .. .. .. و نتحرّا إن دموعنا للفرح نسخ !

ما ندري إن دموعنا يوم ينّا ..
.. .. .. .. .. تبي تعلمنا بإن الزمن .. وسخ​

​

 

[!الـغ ـروب!]

ارسم الضحك صوره من مشاعر جليد

..............والشقا في حياتي ليل ماله فجـر !!​

 

[آل يذوه]

من يوم ما شدّيت للبعد .. قافي !
.. .. .. .. أنفدت كل أصنام حبّك و دمرت ..

قلبي و لكن مدري وش عاد خافي ؟
.. .. .. .. كل ما بقول أنساك ثرني تذكرت !​

​

 

[السنـافي]

تحبني ولا تحب الدراهم ؟
اختارلك وحدة علشان ما اضيع
علاقتن ما تنبني بالتفاهم
حتى تحت نور القمر يمكن تميع
تراها للحب الحقيق تراهم
مشجعين احساسهم دون تشجيع
صغيرهم يدري بقيمت غلاهم
لا يمكن تحصله معروض للبيع​

 

[!الـغ ـروب!]

يا سؤاله جاوبه من هو بقاله
.............يحضن ظلاله مثل عين وهـــدب
وعن سؤاله يساله حتى سؤاله
.......كيف ينسى اللي يحب . . اللي يحــب​

 

[نسايم ريف]

اعشقــــــــــــك يـآأعظم حقيير

ستشير القلب دامك تشعـر إنـك مستشـار
ولاتظن عيوني أبدا غيـر عينـك تستشيـر

لاتحسـب إنـي أراوغ أو أمانـع أي قـرار
دام حبك بي خيالي خل يصيـر اللـي يصيـر

والقنـاع اللـي لبستـه مايغيـر هالمسـار
كل واحد في غرامه يمتلـك قلـب وضميـر

جيت لك موت وتحدي .. لو تبي جيت إنتحار
المهم إبقى عشانـك دام حبـك بـي خطيـر

كيفها عيونك حبيبـي لـو تناظـر بإحتقـار
دام أنا بعينك حقيره أعشقك يا أعظـم حقيـر

خلها تطـول المسافـه مـا أمـل الإنتظـار
دام أشوفك في خيالي عاشـقٍ مالـه نظيـر

ودامها صارت تحدي ما أحب لعـب الصغـار
وأبتدي أقنع عيوني بس تشوفك هـي كبيـر

وأعلن سيوف التحدي وأرفعك فـوق الكبـار
وكل شامخ في طريقك أجبره يبقـى صغيـر

وساحة الشعر بمداها تصبح لعينـك قطـار
كلها تهون لقصيدك بـس تهنـى بالمسيـر

دوم أنا أبقى قويه .. بـس أحـس بإنكسـار
تدري وش يعني شموخٍ داخله يبقى كسير ؟؟

تدري وش يعني عظيمٍ .. تشعره بالإنهيار ؟؟
تدري وش يعني غرامٍ مابه إنسانٍ يغيـر ؟؟

تدري وش يعني حبيبٍ راح عنك وإستدار ؟؟
تدري وش يعني بروده يشعلك نار السعير ؟؟

كلها تهون لعيونك وأشعـر إنـي بإنتصـار
وأمسك النـار بيدينـي ولا أفكـر بالمصيـر

دامك المـوت الحقيقـي ياحـلاة الإحتضـار
تزرع الشوك بطريقي أمشي وأتخيـل حريـر

التحدي هو غرامـي ولا أعـرف الإنحـدار
ولذة السكر هوايه تخجـل الوضـع المريـر

شفتني كيف أنتهي بك شفتني ياأحلى مـرار
لجلـك أجبـر هالمربـع ياعذابـي يستديـر

ولجلك عيـون البرايـا كلهـا منـي تغـار
وكل ماسافر مدينه خافقـي لعينـك سفيـر

تمطر الدنيا غيـومٍ برقهـا يضـوي شـرار
والصحاري كلها لـك وردةٍ وسـط الغديـر

والمسافه لـو بعيـده مـا أمـل الإختصـار
ماتهـم الجاذبيـه دام أنـا لعينـك أطـيـر

كلهم قالوا غريبه وين عقلك .. كيف طـار ؟
قلت أنا للـي خذانـي وإبتعـد عنـي كثيـر

يستشير الكـون لكـن مايفيـد المستشـار
هو عقب نظرة عيوني .. به عيونٍ يستشير ؟


​

وســلآمتكـــــــــــم .... رآآق لي ...

 

[!الـغ ـروب!]

ودنا بالطيب بس الزمن جحاد طيب
كلما تخلص مع الناس كنك تغشها
يدك لا مدت وفاء لا تحرّى وش تجيب
كان جاتك سالمة حب يدك وخشّها ​

 

[نسايم ريف]

انـا زعـلان منـك حيـل وشايـل لـك بقلـبـي عـتـاب
واتـمـنـى تحمـلـنـي مـثــل مـــا اتـحـمـل عـتـابــك


ترى بعض الصراحة جرح وثقل ونرفزه واعصاب
ابـي تسمـع كلامـي زيـن وتـمســك زيـن اعصـابـك


تعاهـدنـا انــا وانـتـه عـلـى إنـــا نـكــون احـبــاب
واحبـابـك هــم احبـابـي واحبـابـي هـــم احـبـابـك


وش الــي غـيـرك فجـأه تكـلـم واذكــر الأسـبــاب
انـا بسمـع كـلامـك زيــن وبسـمـع زيــن اسبـابـك


رغـم كـل الخطـاء منـك فوجهـك مـا قفـلـت الـبـاب
ويـوم اخطيـت فـي حقـك قفـلـت فوجـهـي ابـوابـك


رخصـت الغالـي لعيونـك حنيـت لخـاطـرك ارقــاب
رضـيــت احنـيـهـا ارقـابــي ولا تحنـيـهـا ارقـابــك


كفايـه تمتحنـي هــم وخــل مــن ذم فيـنـي وعــاب
ترى من عاب في غيـرك ولـو طـال الزمـن عابـك


ولا تفكر في يـوم انسـاك او يشغلنـي عنـك غيـاب
انــا اتنفـسـك اهــواك وفـيــك امـــوت واحـيـابـك


انـا مـا شـوف احـد غيـرك جمـيـل بفـتـنـتـه جــذاب
انـا إعجـابـي فيـك اعمـى يفـوق اعجـاب اعجـابـك


انـا مهـمـا قـسـى قلـبـي بكلـمـه مـنـك احـسـه ذاب
انا من زود عشقـي لـك عشقـت العطـر فـي ثيابـك


انـا ياليـت مـغـرم فـيـك انــا كـلـي فغـرامـك شــاب
احـسـك جــزء مــن روحــي ولا اتـحـمـل غـيـابـك


ولا قد طـاب لـي جرحـك ولـو جرحـي لذاتـك طـاب
عجـزت اقـدر اشـوف الدمـع بـل اطـراف اهـدابـك


ولـكـن كـــل شـــي إلا جـــزاة الـصــد بالـتـرحـاب
إذا صـديــت تـرحـابـي تـــرى بــاصــد تـرحـابــك


ولانـي مرتـضـي ذلــي ولــو كــان الـهـواء غــلاب
إذا مـاكـان تـرضـا بـي حـشـاء لا يمكـن ارضـا بـك


ولانــي قــادر اتحـمـل عشـانـك غـرسـت الأنـيـاب
انـا كـلـي غــدى مـجـروح مــن غـرسـات انيـابـك


تجافيـنـي ولا هـمـك ولا تحـسـب لــي أي حـسـاب
وانا من زود عشقي لك اصونك واحسـب حسابـك


ألآ يـا قـسـوة الصـدمـه تجـيـنـي مـنــك الأصــواب
وانا الي كنت اقول الجـرح إذا مـا صابنـي صابـك


أمـانــه قـــول وش بـقـيّـت لـلـعــذال والأغــــراب
اذا هــذا مـعـي طبـعـك اجــل وش حــال اغـرابــك


تـمـرد كــان يحـلـى لــك تعـيـب فطيبـتـي وتغـتـاب
ولكـنـي تــراي اكـبــر مـــن انـــي يـــوم اغـتـابـك


حقيـقـه اكتشـفـت انــك سخـيـف بطبـعـك الـكـذاب
وانـي كـنـت لــك لعـبـة سخيـفـه تـشـبـه الـعـابـك


انـا عيبـي غبـي طـيـب وضـنـي فـيـك والله خــاب
ولا قـــد كـنــت اتـوقــع تـجـافـي يـــوم اصـحـابـك


انا جيتك بطيب الطيب وفيـك الطيـب ابـد مـا جـاب
ابـي تعذرنـي هـا القـسـوة لأن الطـيـب مــا جـابـك

 

[آل يذوه]

أشره عليك و تحسب اني مجافيـك
و أغيب عنك و تحسب انـه تغلّـي
ما هو جفا يا صاحبي يوم ما أجيك
ما لي بغيـرك يـا بعـد كـل مـن لـي
لا و الـذي سـواك مـحـد يجـاريـك
غــلاك مــا خـلّـى لغـيـرك مـحـلّـي
طيفـك ينادينـي و روحـي تنـاديـك
و اللي يدور بخاطري ما حصل لّي
لا مرضيٍ نفسي و لا قادر ارضيك
و اليوم من بعض الغلا جيـت كلّـي
مـا جيتـك الا قـابـلٍ كــل مــا فـيـك
يـا صاحبـي مـا بالعواطـف تسـلّـي
شف ويـن تفكيـرك بخلـك موديـك
و ان كـان بـه شـئ بخاطـرك قلّـي
ليا صرت تعرف قيمتك عند مغليك
و انك على عرش الخفوق متعلّـي
أبـيــك تـعـلـن لـلـعـواذل تـحـديــك
واني حبيبك و انت شوقي و خلّـي


...​

​

 

[آل يذوه]

قبلْ (( المفـارق ))..حـطَّ نفسـك مكَاني
.. وانظـر كما تنظــَـر لعيـنـــآك ..، عيني ..
بتشـوف كيف ، تموت بعــض الآمـــآنـي
.. والحظّ ،.. يآخذ لقمْــتي من يديــــني​

​

 

[!الـغ ـروب!]

أبُكَيُتِنَيْ وَأنُاِ أحِسُبَكْ تِكُرَة بُكَاِي

................... َأثِرُكْ تِلَذِذ فِيْ دِمُوَعُيْ وَأنُاِ أبُكَي
​

 

[نسايم ريف]

الصدر ضايق والجفن سد عالي
يحبس وراه أسرار وأحزان ودموع



أجلس مع أخواني وكنّي لحالي
أتصنّع البسمات والقلب موجوع



وأنا كذا من سبعة ايام حالي
من بعد ذاك إللي هجرته من اسبوع



مرت عليه ازمان هو راس مالي
ويمشي معي دايم على السمع والطوع



ياكان يعشقني ويعشق ظلالي
وياهو في موق العين والقلب مطبوع

أذكر مواقف بيننا في خيالي
ثم اتبسّم وأكتم الدمع واللوع

مليت من تمثيل دور المثالي
إللي يشوف الشوق والحب ممنوع

صحيح أكابر لو الأحزان فالي
وأتظاهر الشبعه وانا ميتٍ جوع

لكن إذا حنيت لأنسان غالي
طبعاً بحس بحالة الضيق والروع

تبغى الحقيقة عاد؟ ماكنت ابالي
كنت أحسب أنه يشبه الغير فالنوع

ويوم ن فقدته قلت شللي جرا لي؟
وقام الخفوق إيوّن وابصوت مسموع

وشفت الليالي غير ذيك الليالي
شفت المجرة لكن البدر منزوع

أحيان أعزز في لقاه إحتمالي
وأحيان احس أن الأمل صار مقطوع

 

[!الـغ ـروب!]

على الله ما ندري غيب الأيام وش يخفي
مصير الزمان يدور ويبيّن الخافي
وطرد السراب يهون مع طردة المقفي
لو انك مع ارضٍ قاحلة والقدم حافي
​

 

[!الـغ ـروب!]

اه يــاحـظ جــدلـي لـــو بــشـي قـلـيـل !!
................مـاخـبرتك كـريـم مـيـر مـافـيك حـيـله

حـملي الـلي اشـيله فـوق مـتني ثـقيـل
.............كـل مـاجيت احـطه عـارضتنـي جميله

​

 

[نسايم ريف]

أنواع الحـــــــــــــــب



حبٍ يشيّب صاحبه ما بَعَدْ شاب - وحبٍ يشيب وصاحبه في شبابه

وحبٍ يغيب وصاحبه ما بَعَدْ غاب - وحبٍ يدوم وصاحبه في غيابه

وحب يذوّب خافقٍ ما بعد ذاب - وحبٍ يداوي صاحبه من عذابه

وحبٍ يتوّب خافقٍ ما بَعَدْ تاب - وحبٍ يزيدك رغبةٍ في الكتابه

وحبٍ حياته كلّها لوم وِعْتاب - وحبٍ حقيقي ما يضرّك عتابه

وحبٍ بلا معنى وحبٍ بلا اسباب - يبدا غريب وينتهي في غرابه

وحبٍ ضعيفٍ مثل حبرٍ على كْتاب - تمحيه دمعه في ثواني كآبه

وحبٍ قويٍ مثل قصرٍ له ابواب - لو هبّ عاتيْ الريح ما اهتز بابه

وحبٍ بداية رحلته نظرة اعجاب - واخر مطافه مثل يومٍ بدا به

وحبٍ يعيش بداخل قْلوب الاحباب - وحبٍ يشيع وكل حَيٍ درى به

وحبٍ مقامه في ضلوع الصَدِر طاب - وحبٍ يعدّي مثل مرّ السحابه

وحبٍ على قبره نعق بوم وغْراب - وحبٍ تغنّى به لحون الربابه

وحبٍ بمقدارٍ وحبٍ بلا حْساب - وحبٍ بمعروفٍ وحبٍ نهابه

وحبٍ يعيش أهله وسط داره اغراب - ويموت قهر ويندفن في ترابه

وحبٍ غدا سرّه سوالف للاجناب -وحبٍ يموت وصاحبه ما حكى به

وحبٍ يشيب وصاحبه ما بَعَدْ شاب - وحبٍ يشيب صاحبه في شبابه

 

[آل يذوه]

أنــا ونّيــت يــوم اللّيـل دنــا ،، ونيــن اللّـــي بعـــلاّتــه حـزينــا
صبرت وكان كثر الصّبــر ظنّا ،، على هامــش مسير العاشقينا
شــرات اللّي بعـلاّتـــه يحنّا ،، رسوم الحـبّ في قلبـــهـ دفيـنا
وكــم طبّع بحركم من سفنّا ،، ونسبـــح في لجاجـهــ مخطرينا
خيــالك دايـــم ماغـاب عنّــا ،، وطيفـك في منامـي يا الظّنينــا
ولحظــه من عيـونك يذبحنّا ،، بصفّــيــن الـهــدب والحــاجــبينا
أنا والله لـو ما انـت المضنّـا ،، وتملكنــي عهـــود مــن ســـنينا
لغنّي بالهــوى في كـل فنّا ،، وبيعـهـــ بيــع نــاس مـرخــصينا​

​