ما إحترمتك يوم , لجل إني أهينك ..
ــــــــــــــــــــــــــ إنت أصلا ً منت كفو ٍ لإحترامي ..
كل ما نجمي لمع في وسط عينك ..
ـــــــــــــــــــــــــــ ليه تظلمني و تقول إني حرامي .. !
أسألك بالله , وش مكسب سنينك .. ؟
ـــــــــــــــــــــــــ دام ما صرت بـ حياتك شخص سامي .. !!
ياخي تكفى واللي يرحم والدينك .
ــــــــــــــــــــــــ فكر بأي شي , إلا إنهزامي ..
من زمان الضحك , مبطي فاقدينك ..
ــــــــــــــــــــــ وين حظك جابك الليله أمامي .. !!
ناقد الغفله , عسى الله لا يهينك ..
ـــــــــــــــــــــــــــ لا تشرفنا , و لا عاشت لـ اسامي ..
شوف لك أي دور غير اللي بيدينك ..
ـــــــــــــــــــــــــــ ياخي مو لايق تعيش إنك عصامي ..
روح لا تخبز على راسي عجينك ..
ـــــــــــــــــــــــــ بـ الشعر لا تعتقد إنك إمامي ..
ما أشوفك شي , لجل إني أهينك ..
ـــــــــــــــــــــــــــــــــ إنت أصلا ً منت كفو ٍ لإحترامي ..
