سجل حضورك ببيت شعر

[آل يذوه]

دخيلك ما أبي تبدي السنه هذي جروح جداد ،
_____________ قديم الصبر .. يا معنى معاي وغيبتك ضدي !

سنه حلوة .. إذا شفتك قريب وخلق الله أبعاد :
_____________ معاك أضيع في عز الكلام أقول : من قدي ؟

خبر عنّك يدمّرني يشتت كل ( حروف الضاد ) !
_____________ حسافه ، كنت بكتب لك لقيت الوقت مايمدي

تبي تسافر ؟ تخليني على شانك ، أحب بلاد .. .
_____________ فمان اللـه إذا ودّك [ تسافر ] بس ما ودي :

يموت النوم فـ ( غيابك ) ويخلق للسهر ميلاد ،
_____________ أنا وشلون أغمضها عيوني ؟ وإنت مو عندي !

حبيبي طفلي الأكبر بكوا من غيبتك { أولاد } ،
_____________ يبونك تشعل شموع السنه و أتضايق بـ ردي .

يسارك جرح لكن في يمينك لي دوا وضماد ،
_____________ غيابك يومي الأسود وشوفك حلمي الوردي !

تخيّل كثر ما ( أحبك ) شعور الشوق فيني زاد :
_____________ شعلت النار من شوقي ولاحسّيت في بردي !!

أنا مو قصدي يابختك لأنك زرت كل بلاد ..
_____________ يابخت بلاد زارتها عيونك هذا هو قصدي ،

تطيح دموع ماترجع وأبي ترجع لي يالله عاد ..
_____________ حزين اليوم أطالع [ صورتك ] وإيدي على خدي !​

​

 

[آل يذوه]

من عيوني .. .
لا توصيني عليك !
لانزل دمعك حبيبي ،
بـ أمسحه .
حتى ( قلبي ) لو لقيته .. .
ما يبيك ؟
قبل لا يجرح شعورك ،
بـ أجرحه !
كيف ما أكتب كلام الحُب فيك ؟
عطني عيب بـ قلبك ،
وما أمدحه .
ياللي ربّي في جمالك مبتليك !
إنت في :
قلبي [ ورود ] مفتحه .
ويل منهو من ورى عيني :
يجيك ،
كل من فكّر ( يضرك ) بـ أمسحه .. .
دام صرت أغلا البشر لي ؟
ماعليك ،
إللي يلمِس لك طرف ؟
راح أذبحه !​

​

 

[آل يذوه]

إللي علَّمني " الوقوف " أشوى ما و..صـا/حبي
_______ و إنت واقف ليه تَحْبي ؟ آخر دروبك : رجوله !

كنت ساكت . . . لين جرحي من إيدينك . . . صـاح/بيّ
_______ و الله مو لايق عليك , تلبس ثياب الـ [ رجوله ]

بسألك .. قبل النهايه يا مُمثِّل ( صاحبي )
_______ إللي مثلك كيف يخدع ؟؟ والأوادم يخـ - رجوله !!​

​

 

[آل يذوه]

يا ضمى " غيري " أشوفك / إنتـــ ! مائي .
.............. و إللي ودَّه ( ياخذك ) ؟ ياكل هوى
يا وطن . . . أعلنت حبي , و إنتمـائي
.............. و دنيتي : تفداك : يا - كل الـ هوى .... !​

​

 

[آل يذوه]

عطني " القيادة " , وإنت .. : غمّض عيونك
وتمتع بـ رحلة غرامي . . . على الهون . . .

عجزت أعيش بـ عمري هذا / بدونك !
ويّاك أنا إما ( أكون ) أو فـ ( لا أكون )

موشرط من صان الأوادم ؟ " يصونك "
مافيه بـ قلوب البشر { قلب مضمون }

بعض الكلام إن جاك . . . سكّر أذونك
لو خان تعبيرك ترى الصمت :: ملسون ::

عني الكثيير يسولفوا و / يسألونك
قالوا لك إني ~ ساحرك وإنت مجنون ~

من خان لـ أجلك ,’, مو ضروري ,’, يخونك
لـ أني لـ أجل [ عينك ] أنا خاين – عيون !!​

 

[آل يذوه]

موَّت غيابك
سوالفـ في [ حشاي ] !
كيف ترضى غيبتك تقسى علي ؟!

ماني متخيِّل أشوفك مو معاي !
ياللي تسوى في عيوني " كل شي " !

الشتا , فرقى عيونك يا دفاي !
ما يموت الحُب / ونبض القلب حي !​

​

 

[آل يذوه]

أنا غصبٍ علي عايش
. . . . , غصب متحمِّل طعونك
يجيني سهمك الطايش و أضمه لـ خاطر عيونك !​

​

 

[آل يذوه]

كل يوم قلبي يفكِّر , داخل الـ " حصَّه "
يا إستاذة الحُب وش تفسير أحلامي ؟

فيني من الحظ .. يا , إستاذتي : غصَّه
خِتَمْت كل " الدراسه " بمنهَج آلامي

ياليت بعضي معاي و عندي الفرصَه
أنساها , وأقدر أعيش فـ باقي أيَّامي

في فَتْنِي [ البنت ] هذي حيل مختصَّه
من أعلى راسي لأسفل واطي أقدامي

تدخل حياتي , بلا إستئذان أو رخصَه
حتَّى ولو هي سبايب / جرحي الدامي

يا إستاذه .. قولي لها الشَّعَر لا تْقِصَّه
طويل يبقى , وقولي لـ عينها : نااامي

القلب نصَّه غلا والـ " ها " في نصَّه
يعني [ غلاها ] على النصين مترامي

تسرق قلوبٍ ولكن ماهي بـ ( لِصَّه )
غريبه .... لكنَّها تستوطن أوهامي ..:

في عينها تقول : تسمَح لي بهالرقصَه ؟
ومن [ وجهها ] صرت ألمَح كل إلهامي

يغار قلبي عليها ,,,,, وإفهموا القصَّه
ما أبي يسولف معاها .. شخص قدامي​

​

 

[غيثة السحايب]

من قال: ابخضع بعد صدك وألبيك .؟؟,,
ماهو باأنا اللي فيه نفسً خضوعه ,,!

يامرخصه من كان ميت ويغليك ,,!
لعيون منهو مانثر لك دموعه ,,,

قد (كنت) احبك واعشقك موت وابيك
قد (كنت) ركز ,,! (كنت) داخل ضلوعه

قد (كنت ,!, كنت) وكنت كلمه لماضيك
وفي حاضري مالك سكك في ربوعه !!

 

[مس كلوزر]

لو قدرت أنساك ما بسألك وينك
ببتعد والله يعوّضني حنانك
البلا في قلبي الله لا يهينك
من رحلت ودمعته تبكي زمانك
وين بلقالي حنين إلاّ حنينك
وين يهنالي مكان إلاّ مكانك
من يعوّضني نعومة وجنتينك
وين بلقى عود يسوى خيزرانك
البخت يشرق على مشرق جبينك
والفرح مايزهر إلاّ في جنانك
وان لفى نسناس من ماضي سنينك
جاب لي طيب الغلا من زعفرانك
تسقط أمالي على راحت يمينك
وارتجي من بعد أمان الله أمانك
وان حصلّي والتقت عيني بعينك
بترك الدنيا لجل ضحكة ثمانك
تدري انته ليش جيت أسألك وينك؟
ماقدرت أنساك وعوّض حنانك

 

[صقر قريش]

هاج الغرام وسبب اسقام***** في ضامر العاشق الملهوف

كل السبايب نسل الاكرام***** الي في الحسن فايق وموصوف

 

[غيثة السحايب]

والعاشق اللي بالغدر صار يعنيك ,,!
خله يفيدك دام مالي رجوعه ................

اببتعد والحب ماله على يديك ,,
إلا الشقى \ والضيم \ ودنيا خدوعه

 

[مس كلوزر]

ابي كفن اصافحها ولا اندم
ابي شخصن يلملمني من احزاني

 

[مس كلوزر]

من بين الناس حبيتك من بين الناس
وبكل احساس اغليتك وبكل احساس
حبك جرى بدمي نساني كل همي
وانته حياتي من بين كل الناس

 

[سعيد راشد البادي]

يآ‘إ خـألقَ الجنَ و الأنسىآ‘إنَ ** إرجؤكَ فيَ حـألتيَ تسآ‘إعدَ
لوَ مـأإ مخىآ‘إفي من الرحمنِ ** بذكـرٍ بأإسـمـكَ اناَ وسآ‘إجـدَ​

 

[سعيد راشد البادي]

يا قلبي يا كاتم الأسرار ** يلي معك اكتم اسراري
شلون بعد قد الي صار ** تقول لنـأس اسراري​

 

[مس كلوزر]

ودة بلب القب صابي
ومن العرب بازم طليبي
ليله هنا والنوم طابي
وانا ع حر اللهيبي
ياما عن افروضي سهابي
واسال ولا حدن يجيبي
مابي عسرن همن ولابي
ياغير همي من حبيبي

 

[آل يذوه]

مآبقى بًـ النِفس ْ" حِآجِه " : تشَِتهيًهآ..!
غِيرّ [ حِلمْ ] , يِطمًن الخآِطرٍ .. علًيِه ..!​

​

 

[آل يذوه]

الله لو تدري عن الشوق يا زين

والا عن المشتاق وش في ضميره

والله ما زليت لحظة عن العين

صورة خيالك في عيوني اسيرة

الله لو تسمح ظروفي لي الحين

وافرح بشوفتك لو ثواني قصيرة​

​

 

[آل يذوه]

و إذا تشوف إن الجفا شي عادي
أنا الجفا عندي ( ذبحني ) وانا حيّ !!​

​