الصالونات الرجالية ومحلات الحلاقة بمحافظة البريمي _

[اليوبيل الماسي]

أخي اليوبيل الماسي أشكرك على هذه اللفته الطيبه

موضوعك فعلاً يستحق المتابعه من قبل المسؤولين ولكن....

إذا أخبرتك بأن معظم محلات الحلاقة المتواجده في محافظتنا الحبيبه أصحابها من البلديه

يعني بكل أمانه وللأسف شكلياً إحنا نعمل تفتيش (( على الفقير )) أما محلاتنا انتبهوا صوبها لا تمرون

كم من محلات مخالفه ولا يقتصر الأمر على محلات الحلاقه

عندك المواد الغذائية ... حدث ولا حرج

المطاعم ... قمة الحساسيه ولا حركة لساكن

وغيرها الكثير

تبي الصراحه خذ الحل من عندي :

(( إشتر لك عدة الحلاقه ومتى ما عزمت روح وحلق وإنت مطمن ))

تسلملي على مرورك اخوي الغافري وتسلم على التوضيح على اصحاب المحلات اذا هم موظفين البلدية وهم موظفين الرقابة الصحية يعني ليش هالسكوت لي ماله اي معنى ، وعدم التقيد بالقوانين !!!

على العموم شكراً جزيلاً على التوضيح ياخوي الغافري ولك اجمل تحية _

 

[اليوبيل الماسي]

يسلموا اخووي ع الطرح
مووضوع مهم وهو النظافه
والنظافه لازم تكوون بكل مكان
ومثل ماقال ابو سلطان
دام انه مايقدرون يووفرون لكل شخص حاجاته للحلاقه
ليش مايبهن وياه مثل المشط والمقص
بس الا شياء الثانيه شو راح يسون فيها ؟؟؟
اتمنى ان تكوون رقابه خاصه للحلاليق

تسلميلي على مرورج اختي منى الروح وصح كلامج انه لازم تكون رقابة خاصة من قبل الجهات الحكومية _

لج اجمل تحية مني _

 

[اليوبيل الماسي]

انا منقهر من ربعي يلي يصبغون لحاهم ويخسرون المخاسير

بس زين تفيدهم بمعلومات الصبغه والمواد الكيماويه يلي فيها
ونتريا بعد الأخت قمر تحللنا هذي الماده ونشوف شو داخلها عشان يتأكدون الشباب .​

وبخصوص الحلاقه بالفعل اخوي العزيزي الاشياء يلي يستخدمها الحلاق مشتركه من فوطه ومقص ومشط..​

أما انا عن نفسي فتراني أحلق بــ خمس دراهم ...ويرتبني الحلاق ترتيب على كيفه...​

ولكن بخصوص العقم هذي مشكله لا اعتقد حلها سيكون بقرار نقرره في يوم وليله لأنه يحتاج إلى تطبيق وتعب وعلم ودراسه وكشوفات ورقيه تثبت هذه الاشياء..ومن بعدها التحرك بإعلانات التوعيه والتشديد لأهميه هذا الموضوع.​

شكرا لك يا فريقنا المميز على كل جديد تطرحه لنا وبصراحه قايم بدور كبير جدا والله ...يعطيك العافيه.​

عثاري​

الله يعافيك من كل شر يا اخوي عثاري ، وتسلملي على مرورك وتعليقك على هذا الموضوع وبحاول ازيد من الحلول لهذي المشكلة لعل وعسى تنفع الشباب ، ولك اكبر واجمل تحية من عندي _

 

[اليوبيل الماسي]

مشكور اخوي ع الموضوع

بصراحة موضوع مهم

بس انا من رأيي انه كل واحد يكون له ادواته الخاصه

واما سالفة الصبغ كلهم يعرفونه انه كيماوي

ومشكور ع الموضوع

تسلملي على مرورك ياخوي آل عزان وفعلا صحيح كلامك _ من الأفضل انه كل شخص يكون عنده ادواته الخاصة _

وبالنسبة للصبغ انا اقولك انه مب كل الناس يعرفون انه كيماوي ، ولكن حد من الناس يسويه بحسن نية عباله إنه حنا هندي لأني الوحيد لي يعطي لون اسود وطبيعي _

ولك اجمل تحية ياخوي _

 

[اليوبيل الماسي]

ان يينا للحق وايد اشياء قاموا يسوونها الشباب مب من شغلهم والي هو الخيط والوكس البنات ما يسوون هالاشياء والشباب وايد يهتمون في هالسوالف

عيل من متى الحناء حق الرياييل ولا ها حمام البخار وما ادري شو

ما اقول الا يالله بالستر

والله يعين بعد ما نشوف يوم من الايام الحلاليق يسوون مكياج

تسلمين غلا بني كعب على مرورج وبصراحة نورتي الموضوع بهالرد ، وفعلاً صدقج فيه شباب يسوون خيط ويشلون الحواجب بس للأسف إنه شكلهم يضحك _

بس البخار على فكرة تراه مفيد عشان مسامات الجلد والمفروض كل شخص يسويه ما عدا لي عنده الحساسية او البشرة الحساسة ، لأنه يطلع كل الدهون لي في الجسم_

وبالنسبة لسالفة المكياج فيه مكياج رجالي بعد بس مش في بلادنا بس حاس انه بيي البلاد اذا تم السكوت عن طريق الشعب والحكومة _

لج اجمل تحية وتسلميلي على مرورج _

 

[اليوبيل الماسي]

موضوع جميل ومهم

تسلم اخوي على الطرح

والله الصالونات مشكله سوا صالونات
البنات ولا الشباب
فالعين والبريمي نفس الشي
انا انصح كل اللي يروحون الصالونات
ان تكون عندهم عده خاصه
محد يستخدمها غيره
والله الواحد ما يعرف اذا الادوات المستخدمه معقمه ولا لا

تسلمين اختي دلع بني كعب على مرورج الجميل ، بصراحة نورتي صفحتي _

 

[اليوبيل الماسي]

تسلم أخوي ع الموضوع ...

ديروا بالكم شباب لازم تشترطون ع الحلاق يغيرلكم كل الأدوات قبل لا يستخدمها فيكم..

بعدين الصبغه السوداء قبل لا تكون مضره هي حرام..

والله يكون فعون اليميع...

تسلميلي على مرورج النير _ وفعلا الأصباغ وبالذات من هالنوع مضرة لإحتوائها على مواد كيماوية وحكمها الشرعي حرام _

 

[اليوبيل الماسي]

ستلم ياخوي على هذي الفته
الطيبة منك


والف شكر

ومثل ما قالوا الاعضاء يكون كل واحد واغراضة احسن

تسلميلي على مرورج اختي الفاضلة _

 

[اليوبيل الماسي]

بالفعل يا أخي انا االاحظ هالشي وفيه مشكلة اخرى وهي ان الجماعة (خان وجماعته) ما يرضون الا (بالبخشيش) ولازم أقل شي ريال واحد.
ولكن من وجهة نظري ان السبب في هذا هو احنا لاننا ندفع لهم .
ولكن أريد ما اظلمهم كثير لإأنا الاحظ ان محلات الحلاقة في البريمي متطورة واكثر نظافة مقارنة بالعاصمة مسقط.

مشكور اخوي على مداخلتك الطيبة وصح هن نظيفات من ناحية الديكور والنظافة العامة بس الموضوع لي اقصده انا نظافة الادوات العامة قوم مشط وفرشاة ومقص _

 

[طبيب الحب]

والله احسن حل و هاذا الشي انا مسونه بعد اني شاري عده حلاقه بروحي خاصه بي و كل ما اروح الحلااااق اخذها وياي

 

[اليوبيل الماسي]

والله احسن حل و هاذا الشي انا مسونه بعد اني شاري عده حلاقه بروحي خاصه بي و كل ما اروح الحلااااق اخذها وياي

تسلم على مرورك ياخوي نورت الصفحة _

 

[VIP]

موظوع في منتها الاهميه وللاسف الرقابه معنا زفته اتمنا الصحه والسلامه للجميع والحل الوحيد انه كل شخص يشتري عدة حلاقه خاصه فيه وحده ويشلها معه كل مايروح الحلاق

 

[مظلوم البريمي]

موضوع ممتاز للنقاش

( اليوبيل الفضي)
هالله هالله فينا بطيحلنا سووووقنا

 

[السَعيدي]

بسم الله الرحمن الرحيم​

اولا أشكر الأخ اليوبيل الماسي على الطرح المميز والقضية الحلوه​

بالنسبة لقضية النظافه
من وجهة نظري أشوف حلاقاتنا في البريمي أنظف بكثير من أماكن كثيره وحتى أنظف من دول ثانيه
وهالحلاليق تلائم الكل
انت تختار الخلاق الي ترتاحله
أنا شخصيا أحلق في حلاق بدون ذكر الاسم ولكن الحمدلله قمة في النظافه وكل شي معقم ولا مره شفت شي ضايقني​

أما بالنسبة للأسعار​

صحيح صارت مبالغه في بعض الأسعار
وهالشي يعود إلى قلت المراقبه ووضع القوانين​

يعني أول يوم نبي نحلق خنجر مدرج
يحلقها بخمس والحين يقولك بعشر
لكن مهما يكون ما بتوصل حتى 3 ريال
وبعدين مب كل الشباب يستخدمون البخار وما ادري شو وشو
هذي بس الناس المتفيقه​

وبالنسبة للحنا
انا مره مسكت الكيس الي فيه الحنا وجلست اقرا المكتوب عليها لاحظت انه طبيعي وما فيه اي كيماويات
ولكن للعلم الحنا هذا اكثر من نوع
ولازم نختار النوع المناسب طبعا للي يريد يسوي​

أما بالنسبة للأدوات المستخدمه في الحلاقه​

الأفضل ان كل واحد يحتفظ بعدته ويشلها معاه كل ما سار يحلق​

المحلات تعقم لكن مهما يكون اكيد فيه ثغرات والتعقيم مش لذاك الزود زين
اما المكاين الي يعقم هو الجزء الامامي الي يحدد قياس الشعر
ولكن المعظم ما يعقم​

تبقى المساله حرص شخصي​

الي يهتم بنفسه ما بيجيه شي​

يعني الواحد مب لازم يسلم نفسة للحلاق والي يريد يسويه فيه سواه​

اخوي​

انت تحدد الي تباه ومحد يحددلك​

وشكرا​

 

[وقباوي]

الحل الذي أقترحته أنا هو وضع صناديق في الحلاق مثل صناديق البريد يخصص لكل عميل يريد ذلك يخصص له صندوق يضع فيه أغراضه أو مثل ما قال الأخوان كل واحد يشل عدته عنده
أنا فعلا لا أذهب للحلاق عندي أدواتي الخاصة وأحلق في البيت فقط أذهب في الشهرين مرة واحدة وذلك لحق شعر الرأس وبالمرة أحلق اللحية

 

[اليوبيل الماسي]

موظوع في منتها الاهميه وللاسف الرقابه معنا زفته اتمنا الصحه والسلامه للجميع والحل الوحيد انه كل شخص يشتري عدة حلاقه خاصه فيه وحده ويشلها معه كل مايروح الحلاق

تسلملي الغالي على المرور ونورت الصفحة _

 

[اليوبيل الماسي]

موضوع ممتاز للنقاش

( اليوبيل الفضي)
هالله هالله فينا بطيحلنا سووووقنا

ياريال وين اطيح سوق حد انا ههههههههههههههه _ نورت الصفحة الغالي _

 

[اليوبيل الماسي]

بسم الله الرحمن الرحيم​

اولا أشكر الأخ اليوبيل الماسي على الطرح المميز والقضية الحلوه​

بالنسبة لقضية النظافه
من وجهة نظري أشوف حلاقاتنا في البريمي أنظف بكثير من أماكن كثيره وحتى أنظف من دول ثانيه
وهالحلاليق تلائم الكل
انت تختار الخلاق الي ترتاحله
أنا شخصيا أحلق في حلاق بدون ذكر الاسم ولكن الحمدلله قمة في النظافه وكل شي معقم ولا مره شفت شي ضايقني​

أما بالنسبة للأسعار​

صحيح صارت مبالغه في بعض الأسعار
وهالشي يعود إلى قلت المراقبه ووضع القوانين​

يعني أول يوم نبي نحلق خنجر مدرج
يحلقها بخمس والحين يقولك بعشر
لكن مهما يكون ما بتوصل حتى 3 ريال
وبعدين مب كل الشباب يستخدمون البخار وما ادري شو وشو
هذي بس الناس المتفيقه​

وبالنسبة للحنا
انا مره مسكت الكيس الي فيه الحنا وجلست اقرا المكتوب عليها لاحظت انه طبيعي وما فيه اي كيماويات
ولكن للعلم الحنا هذا اكثر من نوع
ولازم نختار النوع المناسب طبعا للي يريد يسوي​

أما بالنسبة للأدوات المستخدمه في الحلاقه​

الأفضل ان كل واحد يحتفظ بعدته ويشلها معاه كل ما سار يحلق​

المحلات تعقم لكن مهما يكون اكيد فيه ثغرات والتعقيم مش لذاك الزود زين
اما المكاين الي يعقم هو الجزء الامامي الي يحدد قياس الشعر
ولكن المعظم ما يعقم​

تبقى المساله حرص شخصي​

الي يهتم بنفسه ما بيجيه شي​

يعني الواحد مب لازم يسلم نفسة للحلاق والي يريد يسويه فيه سواه​

اخوي​

انت تحدد الي تباه ومحد يحددلك​

وشكرا​

مشكور اخوي الارجنتيني على تفاعلك مع هالقضية وفعلا مثل ما قلت انت تحدد لي تباه ومحد يحددلك وانا هاذا لي ابغيه يوصل حق الشباب ، وبالنسبة لطرق التعقيم في محلات الحلاقة الراقية والصالونات بحط الطرق والشروط الواجب اتباعها حق الناس لي ما ياخذون عدتهم وياهم _ بتكون في الفقرة الأخيرة من هالموضوع_

 

[اليوبيل الماسي]

الحل الذي أقترحته أنا هو وضع صناديق في الحلاق مثل صناديق البريد يخصص لكل عميل يريد ذلك يخصص له صندوق يضع فيه أغراضه أو مثل ما قال الأخوان كل واحد يشل عدته عنده
أنا فعلا لا أذهب للحلاق عندي أدواتي الخاصة وأحلق في البيت فقط أذهب في الشهرين مرة واحدة وذلك لحق شعر الرأس وبالمرة أحلق اللحية

نورت صفحتي اخوي وقباوي وفعلاً هذا بعد حل ، وضع كابينات في الحلاق وكل زبون له ادواته في الحلاق ، تسلم ياخوي على هاي الفكرة _

 

[السَعيدي]

أمس كنت احلق عند الحلاق الي اتعامل وياه
وكنت اركز أكثر على المحل بسبب هالموضوع
ما شاء الله ما عليه كلام
بس المشكله إنه يدخن

ولكن يدخن برا ولما يرجع ينظف ايده ويغسل بمعقم


​