.. الشاهد الأول ..

[شامس الشامسي]

لاتدعي الحب وين الحب وأنت وين

والا المحبوب مايجوى فراق محبوبه ثواني

مادام قلبك صار يسكنه شخصين

ماهو أنا إلي يشاركني فيك ثاني

أقوى على الموت بحد السكاكين

ولا أقوى غيري يعوض مكاني

ماينشرى الحب بكراسي السلاطين

تكفيه نبضة قلب تشعره بالاماني

ماني متلهف علي مورد الخدين

لهفتي لمن يروي حنانه من حناني

والا الحبيب إلي مايفهمني بنضرة العين

بتركه والله يعوضني بحد يسواني

ماني من إلي يرخص الزين بالشين

ولا أبيع من حبني فيوم وهواني

لأن الحبايب بينهم عهد مكين

ملزوم يوفي به لوطال الزماني

صحيح أنها كلمه من حرفين

لكن عند الوفي وزنها أطناني

ولني عارف أنها كلمه بحدين

ماقولها زيف ولايكذب بها الساني

أعوذ بالله من أبليس وعياله الشياطين

عن يزل الساني على ربعي وخلاني

والا نفسي تراودني بين الحين والحين

أهدم إلي بناه مع غيري في ثواني

تزورني الفرحه وأنا بين نارين

نار الوفا ونار كيف ينساني

كيف أوفي له ومر على جرحي سنتين

ليش قلبي على كرهه عصاني

تعرفون ليش ياقارئين شعري والسامعين ؟!

كنت الشاهد الأول (فعقد القرآني )
×××××××××××××××××××××

أخوكم شامس الشامسي

 

[سمو الامير]

لا تزعل ياالشامسي بس ابياتك مكسره - انصحك تقرا شعر وايد وتحفظ وتسمع شلات عشان تعرف توزن ابياتك - بعدين لازم اتجيب صور شعرية جديده في كل قصيده تكتبها عشان تملك السامع - دمت بود

 

[شامس الشامسي]

تسلم سمو الامير... وكلن له وجهة نظر
ومشكور على والمرور

أخوك شامس الشامسي

 

[الذيب الابيض]

صح لسانك اخوي شامس وماعليك زود
قصيدة جميله ورائعه..
يكفي انه نابعه من احساس ومشاعر
تقبل مروري ... ويعطيك العافيه

 

[غريب الاحساس]

يعطيك الف عافية ع القصيدة الجميلة ..

ومثل ما قال اخي الكريم " سمو الامير " لازم توزن ابيات شعرك الجميل .. وهذا من وجهه نظري .. والسموحه ..

ننتظر جديدك ..

تقبل تحياتي " غريب الاحساس " ..

 

[ملاكـ ♥ الروح]

ولا أبيع من حبني فيوم وهواني

لأن الحبايب بينهم عهد مكين

ملزوم يوفي به لوطال الزماني

صحيح أنها كلمه من حرفين


تسلم ياشامس الشامسي ...........كلماتك روعة

 

[شامس الشامسي]

تسلمون على الردود الطيبه والتواصل الجميل
وربي لاهانكم ويعطيكم الف عافية ع المرور

 

[غربة الروح]

يعيني شو هالأبيات الحلوه ...
الله يوفجك أخويه ..

 

[أبو سلطااان]

تسلم الغالي ع الكلمات و الأبيات الجميله ...
قصيده رائعه و إلى الأمام بنتظار كل ما هو جديد ...
يعطيك العافيه ...

 

[شامس الشامسي]

مشكورين على المرور الجميل والعطر
وربي لاهانكم ويعطيكم ألف عافيه

 

[غٌَ ـلآ بُنٍيً گـ عُ ــبُ]

صح لسانك وربي لا هانك ولا هان منطوقك

 

[شامس الشامسي]

تسلمين على المرور الجميل والعطر
نورتي صفحتي

 

[سِكًـآرِيُبِ]

بصراحه بصراحه لاتزعل اخوي بس الصراحه مطلوبه وانا اشوف انه هالقصيده وااااااااااااااااااااااااايد حللللللللللللللللللللوه

تسلم ولاتحرمنا من جديدك

 

[gmar]

صح لسانك اخويه

وبانتظار القادم الأجمل ،،

الله يعطيك ألف عافية ،،

 

[بصراااحة]

ماشاء الله ..

تسلم الغالي ع الكلمات الرائعه ..

 

[شامس الشامسي]

تسلمون على التواصل الطيب والجميل
ويعطيكم ألف عافيه..