دلع بن كعب على كرسي الاعتراف

[سعود الظاهري]

:: ::
:: بسم الله الرحمن الرحيم ::
:: ::
السلام عليكم ورحمة الله وبركاته​

,,,​

مساء

الورد

كثر مابالكون

ورد..

مساء المحبه كثر ماتسكن قلوبنآ
المحبه
تحيه معطره أحيكم بهآ أحبتي ..
نجتمع هنآآ دوم لـ نلقتي ونرتقي بكم ..،

وضيفنآ لهذآ الأسبوع سيمكث لمدة أسبوع كامل ​

​

واليوم نستضيف الاخت

دلع بن كعب

​

أخواني الاعزاء يرجى مشاهدة القوانين على الرابط
http://www.buraimi.net/vb/showthread.php?t=3370​

ولا يحق للعضو ان يسأل باكثر من عشر أسألة
فحيآج الله أختي فـ هذآ المكآن ،،
أتمنالج أقآمه سعيدهـ،،
وآتمنى من الجميع المشآركه لنتعرف ع ضيفنآ عن قريب ،،

همسة :تنتهى فترة الاستضافة ​

​

26/1/2009

​

:: ::
:: والسموحة ::
:: ::
~:●الـظاهـري ●:~.​

​

 

[الكعبية]

مرحبا بني كعب
منور الكرسي بوجودج ختيه


1- البطاقة الشخصية؟؟

2- كيف عرفتي المنتدى؟؟

3- موقف استوالج وما تسينه؟؟

4- شو الي عيبج فالمنتدى؟؟

5- شو رايج فيني ؟؟

بس هالاسئله الي عندي

والسمووووحه

 

[دلع بني كعب]

تسلمين يالغاليه

1- البطاقة الشخصية؟؟
*دلع بني كعب
* مواليد 1989
*عمري 19 سنه
*طالبة (ثنوية عامه )

2- كيف عرفتي المنتدى؟؟
* قالت لي عنه بنت ولد عمتي..
3- موقف استوالج وما تسينه؟؟
*واايد مواقف استوت ليه بس اللي ما انساه فحياتي يوم سافرت تايلند ..4- شو الي عيبج فالمنتدى؟؟
*ااعضاء المنتدى ماشاء الله عليهم سواء إداره او مشرفين او مراقبين

5- شو رايج فيني ؟؟
*رايي فيج ...المشكله انا ما حب اقول حق حد رايي فيه .. بس ما اقول غير ما شاء الله عليه
حبوبه وطيبه .. الله يحفظج من كل شي ان شاء الله ..

 

[روح آلذيــــب]

اووووووووووووه ,. الدبه على الكرسي خفي عليه طشونه لاتمجنيله أشوف ريله منفقعه هههههههه

يلا شو بنسألج شو ياربي ..؟

اوكي

(1) تحبيني ؟
(2) شو رايج فيني ؟
(3) شو رايج بشخصيتي فالمنتدى وفالواقع ؟
(4) شو يعنيلج المنتدى الحين ؟
(5) ليش أسلوبج فالمنتدى غير عن الواقع ؟
(6) شو الشي اللي تبينه وللحين ماقدرتي تييبينه ؟
(7) منو من الأعضاء اللي تحطينهم فمرتبة التميز ؟
(8) منو الأعضاء اللي تهتمين لمواضيعه وردوده ؟
(9) أحلى موقف صار لج فالمنتدى ؟
(10) رساله توجهينها لي اذا قررت أبتعد عن المنتدى مره ثانيه ..؟ ^ِ^

وسلامتج أدري ثقلت عليج ..

 

[غٌَ ـلآ بُنٍيً گـ عُ ــبُ]

حيج بنت الخاله ع الكرسي <<< هع لا تعصبين




علومج وشو الهبه ع الكرسي عسى انج مستانسه بس






ما عليه ما بطول عليج منوره الكرسي وزود النور لي لووووول


1)اكمل الفراغات :<< امتحان مب كرسي الاعتراف

1 - ماتخيل المنتدى بدون .........<< كتبيني انا << شحاته اشكره

2 - المنتدى عباره عن .........

3 - لو بيدي لحذفت قسم .....


2)شو هو الشي اللي سويتيهـ وندمتي عليهـ .؟


3) لونج المفضل؟؟

4)حلم حياتج؟؟

5)اسواء عاداتـج و افضلها؟؟

6)لمن تفضين كل اسرارج؟؟

7)لمن تضحكـين وانتي تبكين؟؟


برجع لج بس اخاف ان سؤال يتحرقص في خاطري
​

 

[دلع بني كعب]

ونتي دووم اسئلتج جيه ويا راسج
ما تعرفني تسألين اسئله سهله وما تحرجني

يالله بجاوب على الاسئله ..

(1) تحبيني ؟
* اممم ممم اشك اني احبج هه هه فديتج اكيد احبج (2) شو رايج فيني ؟
* شو يعني بيكون رايي فيج خبله
ههههه ههه هه (سوري بس ما حب اقول حق حد احب احتفظ برايي للآخرين لنفسي )(3)
شو رايج بشخصيتي فالمنتدى وفالواقع ؟
* بصرااحه فرق فالمنتدى وفالواقع احب شخصيتج فالمنتدى لانج تكونين عاقله ومأدبه هه هه اما الواقع فخليها على الله (4)
شو يعنيلج المنتدى الحين ؟
* المنتدى صار لي بيتي الثاني وما اتخيل فيوم اني اتخلى عنه او ابعد
(5) ليش أسلوبج فالمنتدى غير عن الواقع ؟
* ماردي احس ان اسلوبي فالمنتدى او الواقع نفس الشي ما يتغير
(6) شو الشي اللي تبينه وللحين ماقدرتي تييبينه ؟
* الحمدلله كل اللي اتمناه صار لي مابقى شي غير الليسن
(7) منو من الأعضاء اللي تحطينهم فمرتبة التميز ؟
* غلا بني كعب , الارجنتيني البار , خافق احساس , فراوله شقيه ,واايد بعد بس ما اذكر حد غيرهم
(8) منو الأعضاء اللي تهتمين لمواضيعه وردوده ؟
* اهتم لمواضيع كل الاعضاء
(9) أحلى موقف صار لج فالمنتدى ؟
* صار لي موقف محرج فالمنتدى اول ما سجلت فيه بس ما بقوله (فضيحه )
(10) رساله توجهينها لي اذا قررت أبتعد عن المنتدى مره ثانيه ..؟ ^ِ^
* لو فكرتي تبتعدين من المنتدى مره ثانيه بطيح بج مرافس ببطنج هه هههه هههه

 

[دلع بني كعب]

لاتقولين بنت الخاله <<< اشك فعمري وفأمي ههه هههه هه
والله مستانسه اني على كرسي الاعتراف ونفس الوقت خايفه من الاسئله

يالله خليني اجاوب على اسئلتج


1 - ماتخيل المنتدى بدون ( والله كل الاعضاء غالين علي وما اتخيل اي واحد يفارق المنتدى )

2 - المنتدى عباره عن ( المنتدى بيتي الثاني طبعا )

3 - لو بيدي لحذفت قسم ( بحذف قسم همس القوافي << نذله ما عرف شي عن الشعر )

2)شو هو الشي اللي سويتيهـ وندمتي عليهـ .؟ (ماحس اني سويت شي وندمت عليه لين الحين وان شاء الله ما اندم بعد )

3) لونج المفضل؟؟ ( الازرق)
4)حلم حياتج؟؟ ( اخلص الثنويه العامه واكمل دراسه فجامعه زايد )

5)اسواء عاداتـج و افضلها؟؟ ( اسوأ عاداتي يوم اكون مضايجه او زعلانه اشوف جدامي شياطين ..ههههههههههههه
افضلها يوم اكون طبعا فرحانه ومستانسه )
6)لمن تفضين كل اسرارج؟؟ ( طبعا ما في حد غيرج فديتج انتي وام سعيد الله يخليكم لي )

7)لمن تضحكـين وانتي تبكين؟؟ (ام سعيد )

 

[السَعيدي]

أولا اشكر الأخ الظاهريس على مجهوده الكبير والرائع في إضهار الفعاليات بالشكل المطلوب

وبعد اشكر الاخت دلع بني كعب على الموافقه للجلوس على الكرسي
واشكرها لانها ذكرت اسمي
هع هع

بس هذا ما يغفرلها من اسألتي
لازم اتعبها
هع هع

1- منو من الاعضاء يقربولج؟
2- بما انج ثانويه عامه كم ساعه تذاكري في اليوم؟؟
2- كيف كان اول اختبار وجم تتوقعي اتيبي فيه؟؟
كيف كانت متابعتج لكاس الخليج؟ وهل كنتي تتوقعي فوز عمان بالكاس؟؟
4- لو قالولج تدفعي 10000 ويعطوج الليسن توافقي؟؟

الحين بسني وعقب بنردلج​

 

[دلع بني كعب]

شو هااا الارجنتيني انا قلت بحط اسمك عشان ترحمني من الاسئله بس ما شي
فايده
امري لله بجاوب على الاسئله


- منو من الاعضاء يقربولج؟
* غلا بني كعب, الدماني, شوق بني كعب, روح الذيب
2- بما انج ثانويه عامه كم ساعه تذاكري في اليوم؟؟
بصراحه ما اذاكر الا اذا كان علي امتحان
كيف كان اول اختبار وجم تتوقعي اتيبي فيه؟؟ * ما كان سهل لانه استنتاجي وفيزيا بعد اتوقع ان شاء الله 85
كيف كانت متابعتج لكاس الخليج؟ وهل كنتي تتوقعي فوز عمان بالكاس؟؟
*ما كنت اتابع واايد الا اذا لعبت الامارات وعمان
* ما كنت اتوقع ان عمان تفوز على السعوديه
4- لو قالولج تدفعي 10000 ويعطوج الليسن توافقي؟؟
* لا طبعا 10000 بحطهن فمخباي احسن لي هع هع

 

[دلع بني كعب]

يالله انا بخذ بريك بعد كل هااي الاسئله ولي عوده
واللي عنده اسئله يحطها
وانا بجاوب ماعندي شغل اليوم يالس حق اسئلتكم

 

[غٌَ ـلآ بُنٍيً گـ عُ ــبُ]

يا ويلج من الدماني نسيتي تطرينها ويانا انا وشوق وروح الذيب لووووووووووووول

 

[أبو سلطااان]

هلااا و الله نورتي و الكرسي لايق عليج كشخه ... هع
ما فينا ع المقدمات عصر السرعه ...
نبداْ الأسئله التسخين ... هههه
1 _ عطينا أفضل 3 مواقف حصلت بحياتج بالتفصيل الممل

2 _ و ين تقضي وقتج لما تكوني و عند منو : فرحانه , حزينه , معصبه , ملانه , يوعانه

3 _ هل حسيتي يوم : بالغرور , الفشل , النصر , الغضب

4 _ شيء مستحيل و سويتيه و تغلبتي عليه ؟

5 _ لو يرد الزمن كم سنه تبينه يرد ؟

6 _ حد تحبين تقولي له ما بخاطرج و شو ؟


و بث لنا عوده ..​

 

[دلع بني كعب]

الله يسامحك شو هالاسئله الصعبه
هه ههه ه هه هذا وانا موصتنك جيه


_ عطينا أفضل 3 مواقف حصلت بحياتج بالتفصيل الممل

* اول موقف يوم كان عمري 15 سنه كنت مسافره تايلند ويا امي واخوي
وصار الوقف الساعه 4 العصر كنت راجعه الغرفه روحي ولحقني وااحد الله يهديه كان سكران
وتميت اصيح وتبت بعدها اظهر روحي * الموقف الثاني السنه الماضيه شهر 12 كنت طالعه البدع ويا اهلي وظهرت ويا اخوي بالدراجه فليل
وجلبني من على العرقوب وبعد صحت لان الدراجه طاحت فوقي
* الموقف الثالث كان يوم الاربعاء طلعت ويا اخوي البدع وخلاني اسوق الاستيشن مالته واول مره العب بالسياره جيه على العرقوب
وجااان اطير السياره من على العرقوب وحصلت لي هزبه محترمه بس طبعا ما صحت هالمره ههه هههه هه

2 _ و ين تقضي وقتج لما تكوني و عند منو : فرحانه , حزينه , معصبه , ملانه , يوعانه

* فرحاانه فالبيت ويا اهلي ولا فبيت خالتي عن غلا
* حزينه فغرفتي وروحي
*معصبه فالصاله ويا الكمبيوتر مالي يحليله
*ملانه اظهر من البيت اتمشى ويا اخواني ولا ابوي
*يوعاانه طبعا ايلس روحي فالمطبخ ولا الغرفه عشان اكل على راحتي


_ هل حسيتي يوم : بالغرور , الفشل , النصر , الغضب

* ما حسيت الا بالغضب


_ شيء مستحيل و سويتيه و تغلبتي عليه ؟

*والله ما ادري بس لي عودة لسؤال مره ثانيه


5 _ لو يرد الزمن كم سنه تبينه يرد ؟

* ياليت والله لو يرد الزمن

_ حد تحبين تقولي له ما بخاطرج و شو ؟

*مافي شي بخاطري لين الحين


السمووحه منك
بس انحرجت من اسئلتك
طلعت مب هين بو سلطان

 

[ابن الجنيبي]

هلا دلع بني كعب

1/ هل تحافظين على اداء الصلاة بوقتها دون تاخير

2/ هل تبرين والديك وتصلين ارحامك

3/ هل تشعرين بالفقراء والمساكين وتحاولي ان تمدي لهم يد العون

4/ هل لك ورد يومي من قرائة القران الكريم

5/ هل تحاسبين نفسك قبل ان تنامي على ماحدث لك خلال اليوم

..... واخير اسال الله لك التوفيق والنجاح

 

[كبـــــــريـاء]

بداية نرحب بك في كرسي الاعتراف (دلع بني كعب) ،،

شربي القهوة عقب بسألج (ريحي اعصابج فالبداية) ،،

اعرف ما تشربين بس شربي هالمره (غصب) ،،


1.ما هو تعريفك للعقل الباطن؟ (العقل الباطن لدلع بني كعب)!!(سؤال صعب صح)؟؟؟


2. كل انسان يحب التحدى هل انتي من هذا النوع ؟ وما هو اكبر تحدي ف حياة دلع بني كعب ؟


3. ثالث ثانوي مرحلة انتقالية لحياة جديده مختلفة عن المرحله السابقة !!!! اوجزي لنا ما حققته فالمراحل الثلاث ؟!! (الابتدائي ، الاعدادي ، الثانوي) ،،

4. خير الكلام ما قل ودل !!! ما هي حكمتك فالحياه ؟؟؟
5. كلمة توجهينها لكبرياء ؟


تحياتي :
كبــــــــرياء

 

[دلع بني كعب]

حيااك الله اخوي


1/ هل تحافظين على اداء الصلاة بوقتها دون تاخير
* مب كل الصلوات اصليها بوقتها اتأخر فصلاتي بعض الاحيان

2/ هل تبرين والديك وتصلين ارحامك
* شي اكيد طبعا

3/ هل تشعرين بالفقراء والمساكين وتحاولي ان تمدي لهم يد العون
*طبعا

4/ هل لك ورد يومي من قرائة القران الكريم
* لابعض الاحيان

5/ هل تحاسبين نفسك قبل ان تنامي على ماحدث لك خلال اليوم
* لازم احساب نفسي كل يوم قبل ما انام

 

[دلع بني كعب]

تسلمين فديتج كبرياء
وبعدين منو قالج اني ما اشرب القهوه انا
امووت على القهوه

1.ما هو تعريفك للعقل الباطن؟
* سؤالج صعب عورني راسي ماعرف شو اقولج
*مافهمت شو اللي بضبط تقصدينه او اللي تبين تعرفينه خبريني شو اللي تبين تعرفينه من العقل الباطن

2. كل انسان يحب التحدى هل انتي من هذا النوع ؟ وما هو اكبر تحدي ف حياة دلع بني كعب ؟ *طبعا احب التحدي واكبر تحدي كان فحياتي هو دراستي
3. ثالث ثانوي مرحلة انتقالية لحياة جديده مختلفة عن المرحله السابقة !!!! اوجزي لنا ما حققته فالمراحل الثلاث ؟!! (الابتدائي ، الاعدادي ، الثانوي) ،،
* هههههههههه سؤال محرجه اول بدايتي ف مرحلة االابتدائيه طبعا كنت شاطره واحب الدراسه
* اما الاعداديه قل مجهودي فالدراسه وفي صف ثالث اعدادي ما اهتميت ابدا لين رسبت ههه ههه ههه بس كانت مرحله حلوه
* الثنويه بديت اعقل شوي شوي واهتم بدراستي بس الله العالم من النتيجه
4. خير الكلام ما قل ودل !!! ما هي حكمتك فالحياه ؟؟؟

*احرص على اللي دايم الدوم شاريك واحذر من اللي لاقسى الوقت باعك ..
5. كلمة توجهينها لكبرياء ؟
* كل عام ونتي بخير واتمنالج مزيد من التقدم والنجاح

 

[ولد شيوخ]

احم احم

درب درب تراني وصلت خخخخخخ فتحولي المجاااااال عندي اسئله واااايد لانه مطلوب عليه بحث تفصيلي عنج خخخخخ

بس لي رجعه فالاسئله

 

[دانة غزر]

مساء الخير

شحالج اختى علومج وشو مسويه؟؟؟؟؟؟؟؟


- احلى قناه تلفزونيه عندج؟؟؟؟؟؟؟؟

-احلى اسامي بنات عندج؟؟؟؟؟؟؟؟؟؟؟


ولي رجعه

 

[عالية متعالية]

هلا والله ​

شحالج ؟؟؟!!​

شخبارج ؟؟!!
مقبلات اول شي كح كح كح
.​

.​

يلا تفضلي وجاوبي ع الاسئله ....​

جم اخت و اخو عندج ..؟​

و منو اقرب شخص لج بالعايله ..؟​

اذا تضايقتي وين تروحين .؟ و لـ منو تشكين ..؟​

عطيني نبذة عنونه عن شخصيتج برا النت ..؟​

شو نقطة ضعفج ..؟​

شو حلمج وانتي صغيرة ! .. و هل تتوقعين انه بيتحقق ؟ و ليش !​

أي دوله تتمنين تزورينها ..؟ و لو فرضنا انج زرتيها .. بتاخذين منو وياج ؟​

شو اكثر شي جذبج بالمنتدى , و خلاج تسجلين فيه ؟​

منو من الاعضاء اللي كنتي ودج تتعرفين عليه اول ما سجلتي ..؟​

و اخيرن نختم مجلسنا بـ سلبياتي و ايجابياتي؟؟؟؟!!! ​

:​

سمحيلي طولت عليج الغاليه .. ^_^ ​