قصه وقصديه قالتها وحدة بيوم عرس حبيبها

[بريمي_السعودية]

فيه قصيدة قالتها وحدة بيوم عرس حبيبها
صراحة هذي القصيدة من احزن القصايد واجمل القصايد الي قراتها
وانا انقلهاااا لكم على طاري الزواج بثانيه لان الحبيبه يمكن تكون اشد الماً من الزوجه عند زواج حبيبها

جاني الخبر يا صاحبي واظلم الكـــــــون
قـــــــدام عــينـي ثـم نــطقـت الــشــــهـاده


على العــمــوم اقــولـها الـف مـلـيــــــــون
مــبـروك مــن قــلـب شكـــالــك ابـعــاده


مــبروك لا يهمــك سواليف وضـنـــــون
مـن عــاشــق يــهـديـــك فـــرحة فـــؤاده


ســو الــفرح اليــوم وابليس مـــلعــــــون
واللــي يــشــب الـــنار يــجني رمـــــاده


انـــا اول الــــعـالم على الصاله يلفــــون
اول مــــعـازيم الـــــفـــرح والــحــــداده


ابشر انا برقص على العرس بالهــــون
كـــــل يـــــعـبـر فـــرحــتـه بــاجتهـــاده


لــــو الـــبلا رقــــصي يقولون مزيـــون
الـــمــشكلــه الــقـلــب يــفـضـــــح وداده


يـــوم الـعذارى في دخــولـك يغنــــــون
وعــروستك باحلى ثــواني السعــــــاده


كــنت اتــمنــى بـــدالها والـله اكــــــون
واحـط انـا كـفي تحت راسك وســـــاده


واشلون ابكتم صرختي يوم تمشــــــون
تـــكــفى ..خــذنــي للعروسه قـــــــلاده


حتــى مــعـازيـم الفرح قامو يمشـــــون
واصبــحت انــا وحدي بدون استفــــاده


وطـــفو عــلي الــنور مــن غير يـدرون
قــصر الــفرح يـا قـبر(.........) ومهـاده

وصــيتي لـو جــاك بــنت وانــا امــون
سمــيتــها لك (.......) قــبل الــــــولاده​

ليتني اعرف اسمها !!!

 

[المجهول]

تسلم أخي ع الطرح
قصيدة جمالية من ناحية العتاب والحزن
بارك الله فيك

 

[أم أحمـد]

والله كنت بصيح

مؤثر ويسلمووو


على النقل الحلووو

واحترامي


سويره

 

[دبدوبة خصب]

صعب الواحد يفارق انسان يحبه
بس هاي الدنياا
تسلمو يمينك اخويه

 

[روح السعيدي]

قصيدة جميلة لقصة رائعه ولكن من الصعب تصور الموقف لما فيه من الصعوبة
يسلمووووووووووو

 

[بريمي_السعودية]

الله لا يفرق حبيب عن حبيبه ، والقصه والقصيده واقعيه مؤلمه بس لها لذه من شدت الموقفطلع منك كلامات ومعاني كلمات لا تصدق

دمتم سالمين

 

[أبو سلطااان]

قصيده جميله و كلمات تكسر الخاطر ..
يعطيكـ العافيه أخوي ع الأختيار الرائع ...