حكايتك في المنتدى ....^^

[دلوعه ابوها]

سورنيام سمعينه حكايتج

 

[قطوة البريمي]

جيه دورج انتي هب سورينام هع هع

 

[منى الروووح]

ماعرفنالهن يتعازمن
يلا كتبن بسرعه

 

[أم أحمـد]

ولا يهمكم ومن عيوني


^___^





_كيف بدات رحلتك(حكايتك) مع المنتدي وكيف وصلت له؟

لا بدايه ولا هم يحزنون كنت مره اكلم نايف السعيدي جاان اقوله شوو تسوى قال ماشي يالس على المنتدى جاان اقوله بس انت مب موجود قال لا مب هالمنتدى واحد ثاني جاان يعطيني الرابط وشاركت واللحين انا موجوده شحالكم ^^


_منتدى (( محافظة البريمي)) ماذا يمثل لك؟؟

يمثل لي ما بقول بيتي الثاني اطلع كذابه بس يمثل لي وايد اشيااء فيه تعرفت على اخواان واخواات ولا اروع ^__^

_هل تفكر في المنتدي وانت خارجه والي اي درجه.......وبما تفكر؟

افكر بنسبه 12% الحمدلله على كل حااال

_ما أول شئ تفعله عند دخولك المنتدي....(بشرح لو سمحت)؟
اول ما ادش اشيك على التنبيهاات ادش المواضيع او ارد على النااس الي يرمسوون في ملفي او اقبل طلباات الصداقه المهم عقب ادش المنتدى العاام اطووف على المواضيع اخذلي لفه يعني عقب اظهر على الحوار وبعدين قيم الجواال ^^ وبعدين الأقسام الأداريه لي قصه معهم ^__*[ واختمهاا بصفحه المتواجدين الأن لو حصلت حد دااش موضوع مهم ادش ويااه لو عنوان جذبني ادش ادري من راقب النااس هماا بس شوو اسوي ما اصبر اهم صفحه في المنتدى هع هع هع /COLOR]


_من هم الثلاثه الذي يشغلون تفكيركـ وانت خارج المنتدي؟

الله يسلمج وبصراحه محد
__من الثلاثه الذي تبحث عنهم وانت في المنتدي؟

مممممم بعد محد بس ردي الحاال يوم اشووفه في المتواجدين استانس المحيط الهادي ^^ وينك ياا محيطنااا


_من الذي يسعدك عند مروره في موضوع لك ويعلق((يكتب رد)) فيه؟

بصراحه اي واحد يكتب حرف في موضوع لي يسعدني او موضوع انا اتابعه في مواضيع تراا وايد احب اتابعهم ^__*

_ هل احببت او هل اعجبت باحد في المنتدي من الجنس الاخر
ارجو عدم ذكر اسماء......

الجواب مو اسم العضو بس يكون يا نعم يا لأ؟؟

مممم نوووو
_موضوع تمنيت ان تكتبه لكنه موجود باسم عضو آخر؟

ممممم موضوع المسابقه شهر بلا منقوول بس عثاري كتبها ^__^
_ رسائله خاصه الي مين ترسله وماذا تقول له

او ماذا تقول او الى مين؟؟

الي كل من غاب ^___^ وينكم والله المنتدى ما يسوى يليااكم خاصه حق حزب السحالي والتماسيح شوو محد تم غيري _

ما هو الشئ الذي يقلق في المنتدي؟

يووم يدش واحد ويتم يرد ردود مب اوكيه ويطرش رسايل السموحه على الي بقوله بس وسخه
_اصعب موقف مرة عليك ولا تقدر ان تنساه؟

في المنتدى مممم اتحفظ عن ذكر الموقف ولو وايد عندكم فضوول دشوو ملفي في موضوع مره نزلته بقلمي الممزوج بالألم في قسم الحوار هذاا كان اصعب موقف
_لحظه مرت عليك في المنتدي ولم تنساها ألي اليوم من شدة الفرح او الحزن؟

نفس الموقف

_اي القسم التي ترتاح فيه وتحب ان تكون((تشارك)) فيه ......


الشعر والقصيد
واي قسم الذي تبدع فيه؟

العاام ^__^
_عضو معاك في المنتدي تريد ان تقول له شئ!!
الشي الذي تريد قوله بدون اسم العضو؟

اسفه ما صارت وانتي قلتيها سوء فهم والسموحه ^__^ انا اسفه
_هل تريد ان تقول شئ قبل ان تغادر؟

شكراا لك على الجهوود الحلوه

وربي لا هانج

وان شاااء الله الموضوع ما يوقف هنه

وبنت ابووها بتنزل حكايتهاا


والسموحه

ومتابعه

احترامي

سويرة

_من هو العضو الذي ترشحه او تورطه بعدك كي يشرفنا في الموضوع ويحكي حكايته؟

 

[منى الروووح]

لووووووول
حكايتج حكايه
هههه
يلا نتريا الكل بس وينه اللي يابج ويانا ماله شوف
عسى المانع خير

 

[أحلا مبرقعه]

موضوع غااااااااااااوي.....................

 

[حلوة مكحلة]

الموضوع غاية في الجمال والروعة

 

[منى الروووح]

متااااااااااابعين ..
في انتظاااار العضو التالي..

 

[أم أحمـد]

متابعه


احترامي


سويرة

 

[Mshaks]

يالله بسرعه وراكم نااااس

 

[ღ أ”أ£أ¦أژ ღ]

مرحباا الساع

عالية متعالية .. موضوع روووووعة

مشكورة و ما قصرتي

لا حرم


[ متآآآبعهــ ..~

 

[أم أحمـد]

اختار شموخ


^^

احترامي


سويرة

 

[ღ أ”أ£أ¦أژ ღ]

_كيف بدات رحلتك(حكايتك) مع المنتدي وكيف وصلت له؟​

اممممممممـ أنا عرفت المنتدى من أختي ( البرنسيسة )
عيبها وشاركت فيه و خبرتني عنه ،، وشاركت ^^​

_منتدى (( محافظة البريمي)) ماذا يمثل لك؟؟​

بيتي الثاني ،، احس انه كلنا عايلة وحدة
طبعاً من ادخله ارتاح نفسياً ​

و يكفي انه شايل اسم البريمي
بآمانه هو المنتدى الوحيد اللي يستحق أني أكون عضوه فيه​

_هل تفكر في المنتدي وانت خارجه والي اي درجه.......وبما تفكر؟​

شيء أكيد أني أفكر فيه ..
المنتدى دومه فـ بالي
اممممممممـ افكر بـ وايد أشياء لو ايلس من اليوم لين باجر ارمس ما بخلص​

_ما أول شئ تفعله عند دخولك المنتدي....(بشرح لو سمحت)؟​

- أول ما أدخل أشوف إذا كانن عندي تنبيهات .
- بعدها اشوف منو آخر عضو مسجل فـ المنتدى .
- اشوف المتواجدين .
- ادخل لوحة التحكم .
- و بعدها جديدنا .​

- ... ألخ​

_من هم الثلاثه الذي يشغلون تفكيركـ وانت خارج المنتدي؟​

واااااااااااااايد لا واحد و لا اثنين و لا ثلاثة
أكثر شيء افكر بالأعضاء اللي شايلين المنتدى فوق روسهم هعهع​

__من الثلاثه الذي تبحث عنهم وانت في المنتدي؟​

امممممممممممـ بعد وايد
بس أكثر شيء مديرنا هع .. لأني أشوفه مختفي​

_من الذي يسعدك عند مروره في موضوع لك ويعلق((يكتب رد)) فيه؟​

أكيد الكل و بدون استثناء​

_ هل احببت او هل اعجبت باحد في المنتدي من الجنس الاخر
ارجو عدم ذكر اسماء......​

الجواب مو اسم العضو بس يكون يا نعم يا لأ؟؟​

امممممممممـ إذا تقصدين الإعجاب
اللي اللي اللي بالي بالج​

لا ​

_موضوع تمنيت ان تكتبه لكنه موجود باسم عضو آخر؟​

امممممممم وايد .. بس اللي اذكره هع
كيف انلون التوبيكات .. سبقتني منى الروووووووووح لووول​

_ رسائله خاصه الي مين ترسله وماذا تقول له​

او ماذا تقول او الى مين؟؟​

رسالة لكل الأعضاء اللي فـ المنتدى​

* جزء من النص مفقود *​

atch_sal:
_ما هو الشئ الذي يقلق في المنتدي؟​

اممممممممم اخاف ادخل و ألقى حد من الأعضاء عافس المنتدى عمداً
و مقصده الوحيد اممممممم شرات ما يقولون يخرب المنتدى ​

ووووووو بعد انسحاب عضو من الأعضاء له بصمة فـ المنتدى​

_اصعب موقف مرة عليك ولا تقدر ان تنساه؟​

ههههههه وااااااااااااااااايد​

( أسرار ما بخبركم )​

_لحظه مرت عليك في المنتدي ولم تنساها ألي اليوم من شدة الفرح او الحزن؟​

_اي القسم التي ترتاح فيه وتحب ان تكون((تشارك)) فيه ......​

واي قسم الذي تبدع فيه؟​

الأقسام اللي احب اشارك فيهن اممممم معرض التصاميم و القسم الفرعي اللي فيه ( الرسم و الفنون اليدويه )​

+ ​

البريمي الترفيهي​

+​

عدسات المبدعين​

وفـ زمن من الأزمان كان ( السفر و السياحة )​

_عضو معاك في المنتدي تريد ان تقول له شئ!!
الشي الذي تريد قوله بدون اسم العضو؟​

لــ .....​

ليه الحقيقة تعتر كذب ونفاق؟!
ليه الصراحة بالمحبةجريمة ؟!
ليه الوفا معدوم من الاعماق ؟!
ليه المشاعر مالها قيمة ؟!​

_هل تريد ان تقول شئ قبل ان تغادر؟​

هيه ^^​

سورينام .. دبووووووووه ما عليه هع​

عالية متعالية .. مشكورة ع الموضوع الكشوخي​

_من هو العضو الذي ترشحه او تورطه بعدك كي يشرفنا في الموضوع ويحكي حكايته؟​

لحظة بفكر وبرد​

//​

شموخ​

​

 

[ღ أ”أ£أ¦أژ ღ]

بااااااااااك

بعد ما جلبنا صفحات الموضوع هع

قررت أني اختااااااااااااار



خفوقة ( طية قدر )

//

فـ انتظارج

 

[ذات أثر]

الله يهديج يا شموخي

عاد مب اختيار .. ان شااء الله

^^!

ترقبوا قصة وفاتي لوول

 

[أم أحمـد]

في انتظارج طيووه


^^


شموخه


شوو نسوي

انتي ييتي على بالي هع هع هع


احترامي للجميع

ومتابعه


احترامي

سويرة

 

[حشيمة القلب]

يلا طيوووه نترياج فديتج


نشوف قصة حياتج خخخخ

 

[عالية متعالية]

يلا طيه قدر .....
نتريا حكايتج .....

 

[ذات أثر]

السلام عليكم ورحمة الله و بركاته ..

حيا الله عربانا .. شحاآلكم ..؟!

ان شااء الله تمااااااااامز ..

[

]

مممممممم .. يله بنسمعكم قصة حياتي لوولز ..

نبدا على بركة الله ..

~+~+~+~+~

كيف بدات رحلتك (حكايتك) مع المنتدي وكيف وصلت له؟

بدايتي .. قصة عريقة حفرها الزمن <--+ بدت تتفلسف !
احم .. صراحة انا سمعت عن منتدى البريمي مليون مرة خ خ خ وما كنت اهتم
و اقول فخاطري شو يدخلني عرض !!
بعدين يات [ بنت البريمي ] كل يوم تخبرني عنه .. وعن السوالف اللي فيه
و طبعا خافق طاااااف .. بس تسمع السوالف و تضحك ..
و بعدين مرة كنت فاتحة الماسنجر و فجأة تيني وحدة من ربيعاتي
من أم القيوين نك نيمها ( نور الصباح ) <---+ متعرفه عليها طبعاً من منتدى ثاني ..!
و اشوفها تقلب لي صور يهاآآل فالماسنجر و تقول لي شرايج فيهم
طبعا هي تعرفني باسم [ المروج ] <---+ ترا كل الشركات تابعه حقي لوول !
الموهيم قالت لي : مروجي تعرفين منو هذا ؟؟ شكله وايد كيوت !
<---+ تستهبل الاخت ..!
خافق احساس : ؟؟!
هذا سعود .. شوي سوي عندج ؟؟!
كح .. كح
طبعاً هي حطت لي هالصورة مالت سعود ..و هي تعرفه انه اخوي ..!

انا مصورتنها و موزعتها فقط حق العيلة .. شو يوصلها عندها ؟!!
نور الصباح : هع .. يبتنها من هالرابط .. مب انتي اللي حاطتنها ؟.؟!
خافق احساس : لا اصلا هذي فقط حق العيلة مب ناشرتنها
نور الصباح : غريبة .. عيل طالعي هنيه ..
و عطتني الرابط ..
دخلت خافق الرابط ..( خافق مب أنا لوول ) و عقب دورت الصورة و لقيت الصورة باسم
بنت البريمي .. و بعدها ضحكت .. بس عصبت بنفس الوقت
لانه ما احب أي صورة بدون توثيق <---+ عقدة خفوقية !!
رجعت للمحادثة ..
خافق احساس : هييييييه هذي بنت خالووه حاطه الصورة بس برمسها عقب !!
نور الصباح : اها يعني تقرب لج .. انزين طالعي هالرابط و الله
كشخة ..!
عطتني الرابط ..
خافق دخلت الرابط و كان موضوع
( رحلة شباب المنتدى 2 )
و مررت على الموضوع على السريع ..
عقب دخلت لركن ( البريمي لعدسات المبدعين )
و شفت المواضيع الموجودة فيه
لـ [ بصمة ابهامي ، الارجنيتيني البار ، نوخذة البريمي .. الخ ]
و بعدها قعدت اتريا [ بنت البريمي ] تحدر الماسنجر ..
و لين ما تدخل الاخت .. قررت خافق المشاركة فالمنتدى
و لكن شو النك اللي بتختاره ؟؟!
فكرت فعدة مسميات من مسمياتي السابقة
[ المروج ، شعشبونة ، همس الطفولة ، همس المشاعر ، الوجه الطفولي ، .. الخ ]
بعدها قالت لا ابا يديد ..
فاحترت بين 3 مسميات ..
واحة القرآن
أحلم بالمستحيل
و خافق احساس
و عقب اخترت خافق احساس
و شاركت فالمنتدى كان بتاريخ
13-7-2008م
و كتبت اول مواضيعي مال الترحيب
( جيرانكم .. داشة عرض )
عقب دخلت بنت البريمي ..
و *جزء من نص مفقود*
و تفاهمناآآ و قلت لها خلاص بطرش لهم بعدلون الصورة ..
و بعدها ما عرفت وين اسير
لانه لازم يكون عندي 20 مشاركة عسب اقدر ارسل رسالة خاصة
فرحت لقسم الترفيه .. <---+ اكتشفت انه ما ينعدن المشاركات !
رحت اشارك في اكثر من ركن و شديت حيلي لين وصلت 20
و عقب رحت اراسل مراقبة الركن العدسات
و اكتشف بالنهاية انه مانعة الرسايل توصلها !!
انصدمت و رجعت لـ[ بنت البريمي ] .. وفيني خيبة أمل !!
اقترحت لي اراسل ارباب [ عثاري ] .. و بعدها رحت و طرشت له
الصورة عسب يعدلها .. المضحك فالسالفة .. رد عليه على اني ولد !!
بس طنشت ما صلحت المعلومة على اني ما بكمل وياكم ..!
.....( * جزء من نص مفقود * )
بسكم تعبت !!

_منتدى (( محافظة البريمي)) ماذا يمثل لك؟؟
واجد غالي كما الذهب [

]

_هل تفكر في المنتدي وانت خارجه والي اي درجه.......وبما تفكر؟
تبون الصراحة .. درجة تفكيري مثل اليبل
اول ما شاركت كان منخفض ..
عقب كان ما يغيب عن خاطري يعني ارتفع
حالياً .. دخلت ولا ما دخلت عادي .. يعني منخفض !!
و يبقى السؤال : هل يمكن انه يستوي يبل ثاني ؟؟!

[

]

_ما أول شئ تفعله عند دخولك المنتدي....(بشرح لو سمحت)؟
اول حاجة اطالع التنبيهات
ارد على الرسايل و الطلبات
اسير لوحة التحكم و اشيك على المواضيع المشترك بها
اروح المتواجدون
ارجع لقسم العدسات المبدعين
اشيك على عيالي
و اعطي كل واحد مرضعته .. كح كح ..
و عقب اروح مال المشرفين .. اقرا المواضيع !
و بعدها اذا فيه وقت انطلق فالساحة الميدانية


_من هم الثلاثه الذي يشغلون تفكيركـ وانت خارج المنتدي؟
وايد اشياءات .. ليتها ثلاثة بس !!

_من الثلاثه الذي تبحث عنهم وانت في المنتدي؟
معلومة يديدة
الراحة النفسية
* جزء من نص مفقود *

_من الذي يسعدك عند مروره في موضوع لك ويعلق((يكتب رد)) فيه؟
استانس يوم اشوف الاعضاء يردون على موضوعي بدون عزايم !!

_ هل احببت او هل اعجبت باحد في المنتدي من الجنس الاخر
ارجو عدم ذكر اسماء......

الجواب مو اسم العضو بس يكون يا نعم يا لأ؟؟

يا نعم يا لأ
فاختار نؤ ..!

[

]

_موضوع تمنيت ان تكتبه لكنه موجود باسم عضو آخر؟
مممم وايد ..!

_ رسائله خاصه الي مين ترسله وماذا تقول له

او ماذا تقول او الى مين؟؟
ما فيني بارض اطرش حق حد
ادريبكم تبون تخسروني رصيد لوول
[

] <---+ شحفانة ترمسكم !!

_ما هو الشئ الذي يقلق في المنتدي؟
*جزء من نص مفقود*

_اصعب موقف مرة عليك ولا تقدر ان تنساه؟
لا تعليق

_لحظه مرت عليك في المنتدي ولم تنساها ألي اليوم من شدة الفرح او الحزن؟
لا تعليق

_اي القسم التي ترتاح فيه وتحب ان تكون((تشارك)) فيه ......

واي قسم الذي تبدع فيه؟

خ خ خ
عدسات المبدعين [

] .. كح كح ..
الشعر .. الخواطر .. التصميم ..
.. و بقية الاقسام نحاول نترك بصمة فيها !!

_عضو معاك في المنتدي تريد ان تقول له شئ!!
الشي الذي تريد قوله بدون اسم العضو؟
[ 1 ]
مشتاااااااااقة
[ 2 ]
احبك فالله
[ 3 ]
الله يسامحج
[ 4 ]
شكراً
[ 5 ]
يحفظج ربي
[ 6 ]
هذي آخرتها .؟!
[ 7 ]
حسافة يروح الوقت عالفاضي
[ 8 ]
اعتذر
[ 9 ]
صدمتيني
[ 10 ]
تستاهلي أكثر
[ 11 ]
صدقتِ ..!
[ 12 ]
ما بنساج يالغلا .. وراح تبقى الذكرى الطيبة بيننا ..!
[ 13 ]
يزاج الله خير
[ 14 ]
ليش كل اللي بنيناه ينهدم بلحظة ؟!
[ 15 ]
وداعاً
( عاد اختاروا انتو بكيفكم .. لوول )

_هل تريد ان تقول شئ قبل ان تغادر؟

من كثر الحكي اللي عندي
افضل السكوت ..!
اعتذر عن عدم التصريح ببعض الاشياء هع
خفت الحبر يخلص لوول !!
و فيه خلل فالارسال هع <---+ اونــه !!

[

]

_من هو العضو الذي ترشحه او تورطه بعدك كي يشرفنا في الموضوع ويحكي حكايته؟
بما انه كبرياء رجعت .. فاختيار موجه لها !!
[

]

~+~+~+~+~

و سموحتكم .. خافق احساس ..!​

 

[أم أحمـد]

يا ربي يا خافق


بياض الويه عليج


^^

ومتابعه


وغالي كما الذهب << دووم تسرقهاا هع هع هع هع



احترامي


سويره