كلمـة من عندي وبيـت شعـر من عنـدك

[المجهول]

السلام عليكم


تقريبا شفت هالفكره في منتدى من المنتديات
وحبيت انقلها لمنتدانا لأنها أعجبتني

وأي واحد يمووووووت فالشعر مثلي بتعجبه هالفكرة ..

والفكره تتلخص في انه انا اقول مثلا كلمة

واللي بعدي يقول بيت شعر تحتوي هالكلمةواعتقد حتى الموضوع مبين من عنوانه

المهم ما أريد اكثر بالكلام وراح ابدأ انا واحط الكلمة

وهي





هلا​

 

[أبو سلطااان]

موضوع حماسي أتمنى التفاعل ...
هــلا بورده حضور الحفل ... هــلا يا نور هالحفله
هــــلا برقه ســـــعاده طفل ... هــــلا يا عذبه الطله

لي بعدي ...
حياتي

 

[بريمي_السعودية]

الذيب يالذيب ياريت نشوف الحماس ويثبت الموضوع

ابو سلطان صبحك بالخير والمسرات وعن كلمة حياتي اقول :

مريت جدار بيتكم وقريت عن ذكريات مـــكتوبه
هزت فيني الذكرى نقش اسمي واسمك في حياتي
لو تدري يا حياتي اني حياتي كلها تفداك يا حياتي
ولجلك اقــدم التـحيه وتحيا حـياتك وحــياتي​

للبعدي ::::النفود

 

[المجهول]

ما هقيت ان البراقع يفتنني ....* لين شفت ظبي النفود مبرقعات
الله اكبر يا عيون ناظرني ....* فاتنات ناعسات ساحرات
في هواهن يا سعد كيف طرحني ....* راح عمري في مودتهن فوات
كان مما صابني ما عاجني ....*الوكاداني خطير بالمات
يا سعد خبر ظريف الطول عني ....*كان وده لي بعمر في الحياة
من نظرني بس اهوجس به واوني ....* ما تركني هاجسي لو في مباتي


القمر

 

[بريمي_السعودية]

تسلم تسلم يالذيب اي والله ما هقيت ان البراقع يفتنني

القمر (تحدونا على الكلمات الرومنطقيه ) تفضل اخوي :

الهم والضيق والدنيا هدام وبني
ياصاحبي أحسك المتضايق المنقهر

يا والله تقول وشهو فيك لو تعزني
مادمت صاحب وغالي فانت تامر أمر

آسف إذا شفت فيك الشوق شخصٍ(ن)غني
وآسف إذا أنّي تخطيت الخطوط الحمر

تدري وش إنته إلى روحي (الغرام الهني)
وتدري وش أنته إلى كبدي إدمان الخمر

شفت الفروق التي بين القطف والجني
نفس الفروق التي بينك وبين القمر​

الي بعدي : البهبهاني

 

[المجهول]

والله فـلا يلحـق موديلـه سفافـيـه
البهبهانـي مـن حفيـزه خطفـنـاه

مفضّله عـن نـوع لكـزس وكوبيـه
وحاشمْه عن من في حفيـزه وجدنـاه

ولـه تنـدةٍ بيضـا تعلّـت متاكـيـه
كنْهـا كنيسـة راهـبٍ يطـلـب الله



الفراق

 

[بريمي_السعودية]

كفو يا ولد عمي ما قصرت ...

والله اني كنت الوم الي يضيق ان غاب خله
لين جربت المحبه والفراق وقلت توبه

لعن ابو جد المفارق فيه هم وفيه ذله
وثر كل الحب لذه والفراق اكبر عيوبه

امس فارقت الغلا ومفارق الخلان عله
والعلاج الوصل لا تبلش لا طبيب ولا حبوبه​

عثاري

 

[أبو سلطااان]

قم يـا عثـــاري نتبع مـــــــــن يسيرون ... و قص التذاكر و حطها فــى الزهابه
بنسير دار تنعش النفــــس و تهــــــون ... و بيطيب جرحي و يلتأم مــن مصابه
ويــن الطبيعه منظر يـــــــــــريح لعيون ... تـــــــلال خضرا و ورد تنبت هضابه


لي بعدي الجرح

 

[المجهول]

محد(ن) يلم الجـرح مثلـي بهمـه
لاصار جرحي يعطب الروح بسكات

اخفيت جرح(ن) نازف(ن) كل دمه
حتى غدا نزفه مع الوقت قطـرات

جسمي براه الهم عجـل(ن) وسمـه
والقلب ماعاد تسمع له اليوم خفقات


هجر

 

[بريمي_السعودية]

تبي تهجــر والا تبي تنسى ؟

تبي تغــدر والا تبي تقسى ؟

قـول تكلـم والله عندي ماتفـرق

متعـود أتألـم والبعد صار مايحـرق

ياصاحبي لو تبي تبعـد ياسيدي اللـه وايـاك

بس لاترجع لي أبــد ولا تفكر اني بلقــاك

ولا تقول لأي أحــد انك بتنساني و بنسـاك​

للي بعدي سر حبي

 

[المجهول]

سر حبي فيـك غامـض سـر حبـي ماانكـشـف
ايش لي خلانـي أعشـق فيـك والعشقـه تـلـف
ايـش أوقعنـي فـي شباكك ؟؟ وانـا عينـي تشـوف
لاتعذبني وإلا سرت وتركت المكلا لك إذا مافيك معروف

فـوق شاطـي البـحـرحيث الؤلؤ يوجد والصَدف
اللقاء قـد كـان صدفـه .....لا جـزى الله الـصُـدف
عندما سمحت ظروفك لـك وسمحـت لـي الظـروف
لاتعذبني وإلا سرت وتركت المكلا لك إذا مافيك معروف



الحرمان

 

[بريمي_السعودية]

انا وياك يالحرمان في الدنيا غدينـا اخـوان
مسيرتنا سوا في كـل حاضرنـا وماضينـا
مشينا فوق درب السهـد والآلام ولأحـزان
حيارى في خضم التيه ماترسـي مراسينـا
تباشير السعادة عن نظرنـا لفهـا النسيـان
وفوق اهدابنا ماتت مـن الحسـرة امانينـا
على درب الالم تمشي مواطينا على النيـران
ظلام الياس ينشرنا علـى حبلـه ويطوينـا​

الي بعدي
هواجس

 

[المجهول]

هواجس شوق للعاشق تنادي
اساهر طيفها كلي غلاها

احس بنبضها غاشي رقادي
لذيذ النوم عن عيني جفاها

حسيب الله ما كان بعدادي
اعيش ايام ما أحسب مداها

زهيد الحال اصبح من حيادي
يناوش روحي يجني من شقاها


الدلالي

 

[بريمي_السعودية]

سلام منـي عـد صفـر الدلالـي
.... لكل رجـل يفهـم العلـم ويحـوز

ومن بعدها أبـدأ برسـم الخيالـي
.... أرتب أبيـات كمـا الـدر مكنـوز​

المركوز

 

[المجهول]

اقول قول الحق والله تولعت
في حب مركوز النهد زين الأطباع
صدوق صادق يوم صوبه تطلعت
شفته كريم الاصل يشري ولاباع​

المسهاج

 

[بريمي_السعودية]

تسلم

يامل قلب كل ماجا الليل جاه خلاج....
يلوج ويجتلد با الصدر والعربان ممسيني


أنا متحير مدري عن المدخال والمخراج.....
ألا واعمس رايي مالقيت الي يقديني


ألا يامجيب دعوة من تصافق فوقه الأمواج.....
أنا بحماك ياوالي الخلايق لا تخليني


ألا ياوجد روحي وجد من خلوه با المسهاج.....
كسير الساق بنحور المعادين المغليني


الا من دك هوجاسي ولو اني على ديباج...
ولو جالي جميع البيض غيره ماتسليني



الا واهني مخلوق يفرج ضيقته لاداج.....
ألا منه دخل با السوق غاد له مياديني



ترى بعض العرب عمله بروحه مثل عمل سراج.....
يضوي للعرب والنار في جوف المسيكيني​

دخون

 

[المجهول]

ومن قال

وصاتي لك تمازحها ........ وتشوف الضحكة بأسناني
سعيتك ياضحك هالكون ........ طلبتك لاتصير جلمو
وصاتي لك تقهويها ........ من دلالي و فنجالي
تراها تعشق السمرا ........ ويكفيها دخون العود
وصاتي لك تركبها ........ على خيلي و على حصاني

يا قلبي

 

[بريمي_السعودية]

يــا قـلــبي سامـحـنـي عـلـى كـــل زلـــة

أخطيت في حقـــــــــــــك كثير وتماديـت

عـلـمـتــك أدروب الـــهـــوى والــمــذلــة

عليك يا قلــــبي قســـــــــــــيـت وتجنيـت

يـامـا نصـحـت وقـلــت مـــن صـــد خـلــه

لا شــــك ما طاوعت يومــــــــــك تخليت

والـيــوم دمـــع الـحــزن عـيـنــي تـهـلــه

يا ليتني طاوعـــت شــــــــورك وصديت​

زليت

 

[غٌَ ـلآ بُنٍيً گـ عُ ــبُ]

زليت زليت وابن آدم معرض للخطا
زليت .. وفي حالة غضب جرحي سطا
استسمحك واقرى بعيونك لي عتب
وش في يدي اعطيك من هذا الغضب
ليه العجب !!


معزل~..

 

[غروگ و غيروگ]

يـامـعـزل ومـجــدم وجــافــي والــحشــاء مــنـهـو بـمـيـراهــا

فـي الــنـحــر رمـانــي وقــافــي بـنــيــتــك مــحــد شــرواها

والـعـيـون الــدعــج الاســرافــي عــمـلـتــبي وانـت بـلـواهــــا

والــهــدب زفــاتــي وقــافــي كــالــرماح تــصــيـب مـن يـاهـا

العمر ؟؟​