|--*¨® أخـبـار رثـــــام في عالم الأحلام ®¨*--|

[رثام]

السلام عليكم ورحمة الله وبركاته ..


مرحبا بالجميع ..


في دولتنا الحبيبة او في أي دوله ..

مشاهد غريبة ..

وأمور عجيبة ..


حد ينصدم منها ..

وحد يطنشها ..


يمكن حد منكم شاف هالشي ..

وسمع عن أشياء ..



المهم اليكم أخبارنا :




* دشيت مؤسسة عندي مقابلة ( للوظيفه ) .. سألني واحد : ليش

اخترتي هالوظيفه اللي بعيده عن مجالج ؟؟؟ قلت له : أبا أغير وأتعلم أكثر .. قال :

ليش ما درستي تخصص الوظيفه هذي ؟؟ رديت عليه : انته ياي اليوم تحاسبني على

شي درسته وتخرجت منه قبل سنوات .. قال لي : عفواً ما أقصد . ( شو المانع اشتغل

في مجال غير مجالي يا كثر اللي يشتغلون في مجال معاكس لوظيفتهم ) .




* واحد من الاهل من فتره حصل عالليسن ( الله يستر ) قلت له :

شو سويت ..؟؟ قال : الحمدلله .. لكن الهندي اللي كان ويايه صاااااااااح .. قلت له :

نععععععم وليش يصيح شو ياهل ؟؟؟ رد : بسبب الرسوب صاح وترجى اللي يمتحنه

بأن ينجحه .. والغريب وهو يسوق ما خلى موتر ما لف عليه .. وما خلى بريك ما دحه ..

( لا والأخ يبا ليسن يذبح الناس ) .





* سئلوني مره شو فخاطرج ؟؟ قلت ابا منتدى خاص بـــــرثــــام

خخخخخ .. قالوا : المنتديات متشابهه كلها فكل شي حتى فالمواضيع .. قلت لهم : ابا

شي غريب .. قالوا مثل شو ؟؟ قلت : اممممممممممم بحط فيه شات صوتي انا

اشرف عليه ... ونناقش مواضيع .. ويكون شرات الراديو وانا المذيعه ههههههه ( مخي

ضارب هالايام مادري شو ابا خخخخخخخخخخخ ) .




* قبل .. من عادتي اخلي تليفون الغرفه شغال وكذلك

الموبايل اذا رقدت .. انش على أي رنه لان نومي خفيف .. المهم رن تليفون الغرفه ..

نشيت عالفجر رديت : الووووو !!

رد : ألوووو .. قلت : من ويايه ؟؟ قال : نشي ما تخافين الله قومي صلي الفجر !!!!

كثر ما كنت نعسانه : قلت له ان شا الله .. وعقب الصلاة تذكرت السالفه .. قلت

فخاطري من هذا اللي اتصل ههههههههههههه ؟؟ ( ولكن الأذيه تمت لسنوات وما

صدق ) .



* كنت طالعه من سنتر من السناتر .. ركبت موتري .. شفت

حرمه تمشي وجدامها عيالها .. وما انتبهت ان بنتها كانت شويه وبتوصل جدام

موتري .. حركت الموتر .. وما سمعت غير وحده تقول : قومي عنها ماما هذي بتموت

اذا تريت !!!!! .. بغيت انزل لها واقول ما شا الله عليج تاركه عيالج شرات الفروخ جدام

المواتر وتردين عالناس .. ( ذكرت الله لان ويايه صديقاتي ونبا نستانس ) .




* كان بيوصلني شي عن طريق شركه من شركات

التوصيل .. المهم سألني وين ممكن اجيب الظرف ؟؟ قلت له عن منطقتنا جاب لي

الصداع والخبال .. قلت له : هات الظرف فدائرتنا اللي اشتغل فيها .. رد عليه : وين

مكانها ؟؟؟ هني انفجرت : ما تعرف المنطقه ولا مكان شغلي اللي معروف للجميع ..

وعقب طلعت روح وصفت له .. ووصلني الظرف عقب اسبووووووع ( اذا ما عندكم ناس

توصل ويعرفون الاماكن ليش توظفونهم ) .



*قالت لي : انتي خبله تغيرين وظيفتج .. ؟؟ وراتبج بيكون اقل ...

قلت لها : أهم شي عندي راحة البال والنفس .. قلت لها : انتي هب راضيه بوظيفتج

وليش تامه ؟؟؟ قالت : الراتب يشفع كل شي .. ( معقوله البيزات تشتري راحه

النفس !!! ) .




* سألت وحده : شو رايج بالثوب مال أول ؟؟؟ قالت :

اخخخخخخخ وععععع هذا لبس الاغبياء .. استغربت وعصبت وكنت شويه بصفعها ..

قلت لها : ليش ؟؟ ردت : هذا مال أول من يلبسه فيومنا ؟؟؟ رديت عليها : والله هذا

تراثنا وحاضرنا وماضينا .. عنبو لهذي الدرجة لبستوا لبس الغرب وتعايرون لبسنا

الاصلي .. ( جديمك نديمك ) .




* ليش رفضتوا المعرس ... ؟؟ سألتها .. ردت عليه : لأن

اهلي ما يعرفونهم !!!!!!!!!!

قلت لها : معقوله ما ترضون الا باللي تعرفونه ؟؟ قالت : جذه افضل واحسن عسب ما

نتعب اذا بغينا نسأل عنه !!! .. رديت عليها : واذا ماياكم حد تعرفونه محد بيعرس ؟؟؟

( اذا كل عايله بتفكر جذه محد بيعرس ) .




* يمكن افكاري غريبة وما تناسب الا القليل .. قلت لوحده

خاطري يكون لي مطعم خاص .. انا أديره .. وأفكر بالاكل والعصاير اللي ابا اقدمه

للناس .. أبا شي غريب هب مكرر .. قالت لي : انتي متفيجه !!! .. قلت : ليش انتي

جذه ابا حد يشجعني ما ابا وحده تنتف ريشي .. ( مابا شرات الكافتيريات اللي

متشابهه فالأكلات والقائمة ) ..



* فالدوام واحد جريء ما شا الله عليه .. تخيلوا تم يمدح

فرثام جدام الجميع .. وأنا أبد ما قدرت أرفع راسي .. قلت فخاطري : ياناس يا عالم

سكتوه هذا اللي ما يستحي .. لدرجة ان زملائي كملوا السالفه وكانوا يأيدونه .. قلت :

بغيناهم عون صاروا ....... ( مصيبه يوم تلاقين حد جذه وما تقدرين تردين ) .



الأخبار كثيره ..

والعلوم اكثر ..

ما أبا اغثكم وايد باللي اقوله ..



ولكن ..


عندنا امور كثيرة ..

عجيبه ..

تصدم ..


وبنشوف العجيب والعجيب ..



السموحه ..




atch_swit:atch_balon:atch_swit:

 

[أم أحمـد]

ما شااء الله عليج


بدايه شكراا على الموضوع مميز الطرح


ومبدع الكلمه والحرف

&&

الله لاهانج


وربي يعطيج العافيه


احترامي


سويره

 

[أبو سلطااان]

يعطيج العافيه ...
أستمتعت بالقراءه ....

 

[قطوة البريمي]

يا لبيه حلاة موضوعج

بصرااحه مواقف حلوة ..

خصه موقف لالهنيدي الي يصيح بسبة الليسن .. والله ينرحمون ..

تسلمين

 

[دانة غزر]

فعلا فالمواقف نشوفها وااااايد في ايامناااا

مووضوع في قمه الرررروعه الله يعطيج


الف عاااافيه ولا تحرمينا يديدج

 

[غٌَ ـلآ بُنٍيً گـ عُ ــبُ]

* سئلوني مره شو فخاطرج ؟؟ قلت ابا منتدى خاص بـــــرثــــام

خخخخخ .. قالوا : المنتديات متشابهه كلها فكل شي حتى فالمواضيع .. قلت لهم : ابا

شي غريب .. قالوا مثل شو ؟؟ قلت : اممممممممممم بحط فيه شات صوتي انا

اشرف عليه ... ونناقش مواضيع .. ويكون شرات الراديو وانا المذيعه ههههههه ( مخي

ضارب هالايام مادري شو ابا خخخخخخخخخخخ )

الله المستعان شكلج ناويه تخربينها


فديت رثام ولا هنتي ع سلسله الاحلام

 

[السَعيدي]

ما شاء الله عليج

اختي تتنوع المواقف بتنوع طرق العيش

وطبيعة المجتمع
كلن وله مواقفه وله ذكريات واشياء تختلف عن غيره

وغالبا ما تتشابه مواقف أبناء المجتمع الواحد

الاشياء الي ذكرتيها في أشياء نستغرب منها
واشياء نظحك عليها
واشياء ناخذ منها العبره
وفي النهايه هيه
مواقف حياتيه
ودروس نتعلم منها


شكرا لج اختي على طرحج المميز
وجهدج الرائع


لج مني تقييم


​

 

[حلوة مكحلة]

ماشالله عليج

والله يوفقج وانشالله

وتقبلي مروري

 

[رثام]

سورينام


مرحبا ..



تسلمي لي فديتج على هالطله الرقيقه ..


كلج ذوق ..



مودتي ..




atch_lov:

 

[رثام]

أبو سلطااان


الله يعافيك اخويه ..

شرفني وجودك ..


تحيتي ..

 

[رثام]

قطوة البريمي


وجودج هو الاحلى فديتج ..

وحليلهم الهنود ما عندهم غير الدموع ..



دمتي بود ..



atch_lov:

 

[رثام]

أنين الصمت



قمه الروعه أن أرى أعضاء ومشرفين ..

يشدون ويثنون ..



كل الود فديتج ..



atch_lov:

 

[رثام]

غلا بني كعب



هوووووووب هووووووووووووووب ..


وين تبين ؟؟


ثرج ويايه فالاحلام ..

ما ترومين تشردين .. atch_mechan:


فديت روحج مودتي ..




atch_lov:

 

[رثام]

الأرجنتيني البار


أكيد اخويه ..

المواقف تختلف باختلاف المواقف والظروف ..

وقد تتشابه في أحيان ..

ولا تمر مرور الكرام ..

بل نستمد العبر منها ..



كل التحايا والتقدير ..

 

[رثام]

حلوة مكحلة


والله يوفقج فديتج ..


مودتي ..




atch_lov: