:ஐ--;|,{ درٍآيَشً حٍّيَآتْيَ},|;--: ஐ

[غٌَ ـلآ بُنٍيً گـ عُ ــبُ]

أحـلى الأماسي من خفوق تمسيـك ,,
لا طـاب ليل بالسـهر في وصالك ,,
زود الغلا من خافقي اليوم بعطيك,,
وأعطيك روحي بس يرتـاح بالك ,,
عيني تحت أمرك تـهل وتسليك ,,
كل المشاعر في حياتي فدالك ,,
{ مـساء الخـير ,,
​

 

[غٌَ ـلآ بُنٍيً گـ عُ ــبُ]

احم احم

عدنا وبعد طول انقطاع:hehe2:

طبعا هذي اول مره اكتب وانا بالكندوره الخضراء احس الاخضر لوني المناسب ومنها نشارك في عيد الشجره


ما علينا



زمان ما كتبت بهالطريقه ولا فتيت علومي ولا رمست والسبب الدراسه النحس طبعا خلوني اعترف شو صارلي واليوم بعترف لان خلاص الامور انحلت :giving-up:


انقطعت والسبه البلاوي الي صارت
مريت في وايد مواقف بس الحمدلله الله يعين الانسان دام الانسان دوم يذكر ربه



اهم موقف صار لي والي كسرني صدق من الخاطر كنا نشتغل على بحث وهالماده وايد مستانسه منها لاني متوقعه فيها A << طلع الـ A:19:


ما علينا من اسبوعين تقريبا والظهر رن التيلفون


المتصله : الو السلام عليكم

انا : عليكم السلام

المتصله: فلانه معاي؟

انا : هيه نعم اامري << راعيه مذهب والله

المتصله: معاج من الجامعه عندج اجتماع يوم الاربعاء الساعه 2 ويا مدير الجامعه

انا : وانا ابلع ريجي ونشف حلجي وبدا العرق ينقط ع يبهتي (بخصوص شو)

المتصله: ما اعرف بس تعالي وراح تعرفين


وجان انطم برهه واتم ساكته واختي تطالعني قلت لها لا اكيد في مصيبه صايره:29:


المهم يا يوم الاربعاء وانا صار لي يومين ما كلت شئ عرفت ان الدكتور مرسب ما يقارب 15 طالبه اولي ناجحين بس 4 << وتستمر الحياة:61:


طبعا هذي هي الصدمه انا في حياتي ما يبت D+ فما بالكم اني ارسب :hehe2:

عرفنا ان المووضوع كله سبب قانون التعليم العالي في ما يخص حقوق الطبع والنسخ والمصيبه يوم فتح مدير الجامعه البحث والله الجزئيه مالتي ما فيه خط ولا شخط بس مثل ما تدرون لازم الكل يتعامل بروح الفريق يعني بنت غلطت كلنا نرسب والله حاله


المهم من شوي راجعه واخر قرار سوه ان عينوا لجنه تشوف الموضوع رشوا الدكتور بانذار ونحن بعد لو ان ما يخصنا بس المهم شئ احسن من اني ارسب والحين بيرجعون يصححون البحوث وان شاء الله ايب فيها A

لان هذا الي استحقه




بعد الظروف الي مريت فيها تعلمت وايد اشياء واهمها ان مب كل حد يستاهل يكون صديق انصدمت في ناس حتى ما سألوا ولا نشدوا عني مع اني كنت غايبه عن كل الاصعده سوى منتدى مسن وحتى فون وكنت مفقوده

وفي ناس سألت واتصلت ووقفت وياي










brb
في جعبتي وايد كلام بقوله لي عوده ​

 

[غٌَ ـلآ بُنٍيً گـ عُ ــبُ]

back l3yonkm



احلى يوم كان الجمعه الي طافت وايد استانست
صار لنا مده ما تولفنا العايله كلها


الوجهه كانت وادي شرم << فديته والله


المهمه : عزومه ما ادري شو سببها بس امي دق في بالها تولفهم عاد ما لقت غير السيح




انطلقنا الساعه 11 تقريبا




اخليكم ويا الصوره بس قبل كل شئ ذكروا الله وصلوا ع النبي لا تدقونا بعين


































































طبعا السيايير هذيلا مب كلهن لان في ناس يايين بسيايير صغار وقفوهن عند الشارع والي عنده سياره فور ويل شلهم ويابهم المكان


​

 

[غٌَ ـلآ بُنٍيً گـ عُ ــبُ]

هِنآ لـ آلصمتٍ صوتٍ و حضنٍ و آنفآسٍ و عيون و روحٍ....
هِنآ لـ آلحگيٌ نبضٍ وجل / هِنآ لـ آلصدر [ تنهيدَه ]
هِنآ يآحضرة آلگرسيُ تموت قلوبٍ .. تحيآ جروحٍ !....
ولآتبرح مگآنگ لو يعيد آلحزن بگ عيدَه​

 

[غٌَ ـلآ بُنٍيً گـ عُ ــبُ]

تصدقون كبرت اليوم سنه
ايه اقصدني انا

لا لا
اقصد لا تفهموني غلط
ادري صار عندي خلط

يعني اليوم مو يوم ميلادي

بس كبرت في مدرسه هذي الحياة

ودكم تدرون كيف ؟!!

لان اليوم براءة الطفوله انقتلت
صرت اكبر من الاول
وحتى فكري تغير
ما عادت روحي هي روحي
ولا انتظر من يلم جروحي


تسألون عن السماح
كان صفحه وانطوت خلف الرياح

ولا الجراح

يوووووووووووووووووه من ذكر الجراح

لحظه اسكت يا قلم
وامحي من قلبي الالم

ايه برحل وللابد ماني راجع
يمكن لان الامس بي قلب مواجع

يا تفاصيل السراب
وش بقى بعد الغياب
السؤال يظل حتى وان كبرت
او رحلت بعيد ومن العالم عبرت
كم صبرت؟!!

وش تقول ماني سامع
بس شويه انتظر
اغرقت حتى المدامع

خلني نايم
ما تشوف الفجر
متكدر وغايم

ولا اقولك
لا قشع هذا الغمام
وبان خيط الصبح
وسط تلويح الحمام
قول لي قومي
ولا عجزت تصحي فيني
ولا ما فتحت عيني

اعرف اني وقتهايمكن رحلت
بس ما عمري زعلت
منك يا اغلى قلم
من عذابي ما سلم
سامح بلحظه خضوعي

لني برحل
هذا لي سموه تسجيل الخروج
بس تذكرني وسامحني
ع الذي صار وبدر مني





​

عذرا فهي ليست سوى حروف خانها التعبير
توسدت هذه الصفحات فحتظنتها بشوق ولهفه
فخانها التعبير​

 

[غٌَ ـلآ بُنٍيً گـ عُ ــبُ]

​

صباح الخير

ادري ادري اليوم غير
يومي صاير حيل احلى
والامور اوضحت كلها وسهله

ما دري وش فيني ارتبكت
وحتى من نفسي هربت


أي خجلت وارتوت حتى الخدود
خوفي بس هالخجل مره يعود

لا غديت بوسط ناس
وصارت الانظار صوبي وابتدا جو الحماس


حشرجت فيني الحروف وقمت اتأتا
ت.. ت ..ت يوووووه تأتي

وش دخل تأتي في هاللحظه يا صمتي
وليه يا حروفي جرمتي


اظهري للكل وش داخل خفوقي
واعزفي ع اللحن ترنيمات شوقي

وغادري المسرح بعد تصفيق حار
اجعلي من ذم طهرج في وسط جوك يغار


وسافري وسط الكتاب
لي حظنج بطيش في لحظه غياب


يالله نامي واتركي في السطر نقطه
والكتاب لا تخافي ناويه جنبي احطه
واتركي في صفحه الماضي على العنوان شرطه


'3la bne kaab
3:34 AM
28-1-09​

 

[غٌَ ـلآ بُنٍيً گـ عُ ــبُ]

لاتِبِّيعْ هَيِبَةْ اَلْصَمّتِ بِرَخِيصْ اَْلكَلاّمْ~ ولاَتَشْتَرِيّ عِزَّةْ اَلْدُنّيِا بِذَلَّةْ اَلأَيَاّمْ~​

 

[غٌَ ـلآ بُنٍيً گـ عُ ــبُ]

صباح الخير والامتحانات






وجان انش اذاكر والله ارف هالامتحانات


مستعده ادرس دهر بس ما امتحن امتحان واحد اكره ما عندي الامتحانات

فيني رقاد قلت اقوم اسويلي قهوه وجااااااااااااااااااان يستوي شئ في الكوب هع هع ياخي شئ حلو << متفيجه عندها امتحان ومب مذاكره ويالسه تصور





^



^



^











GoOd LuCK 2 Me



​

 

[غٌَ ـلآ بُنٍيً گـ عُ ــبُ]

ياخي ملل
اوووووووووووووووف
اليوم ما عندي دوام وفي خاطري احوم

بتصل حق البطه دلع بني كعب
جان اطوف علي


لا بعد عندي بروجكت وللحين ما سويت فيه شئ




بــرب بشوف شو اخره هالملل

 

[غٌَ ـلآ بُنٍيً گـ عُ ــبُ]

صبح صبح


ادري اليوم منور المنتدى بوجودي :hehe2:

امس رمست فوفو فديتها مريضه وايد
حتى مب رايمه ترمس
الله يشفيها
والله تولهت عليها مب متعوده تكون
هالقد بعيده مني



















اليوم شفت شئ في المنتدى
بصرااااااااااااااااااااحه

لا تعليق

ما اقول الا

{ يالسخريه القدر هع}





by the way




GoOd LuCK 2 Me


I have exam 2day​

 

[غٌَ ـلآ بُنٍيً گـ عُ ــبُ]

قمه القهر انك تقعد تدرس من الفجر لامتحان
واخر شئ وبكل سهوله

يوصلك مسج مكتوب فيه مقدمه طويله عريضه وانته تقرى وميت قهر واخر شئ وفي سطر ونص تلقى مكتوب ان الامتحان تأجل والكلاس تكنسل ​

 

[غٌَ ـلآ بُنٍيً گـ عُ ــبُ]

​

 

[غٌَ ـلآ بُنٍيً گـ عُ ــبُ]

احيانا نمر بمواقف في حياتنا
وبما ان صفحاتي كانت مجرد درايش من حياتي
تعودت اني افتح دريشه واغلق دريشه
عشان الحياة تستمر
ولان الحياه مواقف ومحطات
يمكن نستمتع بالمرور في محطه





راح اكون موجوده
ولكن راح استمتع بالمرور الصامت اكثر


لكل انسان تعاملت وياه اتمنى منكم السماح والمعذره
ان بدر مني اي خطأ واتمنى محد يشل في خاطره علي




كل الود

اختكم الكبيره


‏غٌَ ـلآ بُنٍيً گـ عُ ــبُ​

 

[غٌَ ـلآ بُنٍيً گـ عُ ــبُ]

احس المكان كله تراب
صار لي فتره ما دخلت المنتدى
وايد اشياء تغيرت
وحتى الاعضاء
ما عادوا هم
في ناس راحت
وناس يات
ناس لبست كنادير يديده
وناس اكتفت بالاخضر او بالاسود مثلي

 

[غٌَ ـلآ بُنٍيً گـ عُ ــبُ]

قويتوا


صباحكم\ مساكم :imuae40:

حلو برقه احساسكم





عدنا من جديد:e025fb6133::=D:



في البدايه مبروك عليكم الشهر




اشتقت للمنتدى وايد:=D::=D::=D:

يمكن الحين بصير فاضيه اكثر اني اخبص فيه

يعني الله يعينكم :364370309157ae42e12






brb لي :2ef0feb6691ddf055e6عوده​

 

[غٌَ ـلآ بُنٍيً گـ عُ ــبُ]

يالله يبوكم سرت اليوم استلم شهادتي:facepalm:
حشى ما بغيت بعد عناء اوف واخيرا :3:



واكتشفت شئ:4f7c50bc2e7eee3c450

ان لي 840 درهم في:music: الجامعه وحلفت ان ولا اخلي منهم ولا ربيه:503601dbefe7863c5f6 يتهنون فيها
هم لو لهم عدنا نص بيذلونا شعنه نرشيهم البيزات :huh-:

مسود الويه ولد السوريه :icon_smile_angry:يقولي اونه بدك ياهن جان اقوله هيه بدي:a033: يتحسبني بخليهن:a'9arb: يهبي مسود الويه​

 

[غٌَ ـلآ بُنٍيً گـ عُ ــبُ]

ع ــــــــ:music:ــــــــدنا


وطبعا ما بغوا يفتحون اليوميات عسب نعبر عن شعورنا :imuae40:


طبعا هم خافوا مني لاني طرشت تهديد للاداره اني بحرق المنتدى بسوي عمليه انتحاريه وبحط المتفجرات عند حشيموه وهي ما بتعرف :aha-!:


طشونه وبرد:3ash: لكم لحد يتحرك انظف المكان وراده​

 

[غٌَ ـلآ بُنٍيً گـ عُ ــبُ]

مُؤَلِمّ هُوَ ذَلِكَ الاشْتِيَاقِ الَّذِيْ يَدْفَعُكَ
لْبَعْثَرِهُ حُرُوْفٌ يُغَلِّفُهَا الْحَنِيْنْ عَلَىَ

,,,اوْرَاقِ رَثَهٓ

كَانَ الْزَّمَنُ كَفِّيْلَا عَلَىَ انَّ يْمَلَاءَهَا​

 

[غٌَ ـلآ بُنٍيً گـ عُ ــبُ]

عدنا





احمز احمز

طبعا اذا كان في سبب لعوده غلا بني كعب فهو خافق احساس وحشيمه الروح فديت هالصبايا :imuae75:​

 

[غٌَ ـلآ بُنٍيً گـ عُ ــبُ]

نبض المدامع نبض ..!
نبض الشوارع نبض ..



ويا أرض :



ما أنتي الـ مشكله ،
المشكله بالنبض ،،

المشكلة بالحُب ، ذاك اللي تجاوزنا .. سمو .. وفض ..!
والمشكله فينا .. رشفنا نشوته نزوات ،
وتخيرنا عليه الـ "بغض" ،




ورغم الدفا .. واللحظه اللي تحتوينا .. مادفينا ،
ولاعرفنا بعض ..!



ظهورنا لظهورنا تضحك علينا .. وظل صدورنا فاضي ..
وضيق صدورنا مكتظ !!






وإن زانت الدنيا بعين إنسان مناع ..
تمتحنا الذات تلعنا .. وحنا نقلب الميله ليه ، !!
ونشكي هـ الحظ ..
​