من يقـول إني أعشقك مـن يقـول إني أبيك
مــن يـقـول إني احـبـك حــب ما حـبـه بـشــر
مـن يقـول إن المشاعـر ترتـحـل مـنـي إليك
من يقول انك شعوري وأجمل أبيات الشعـر
مـن يقـول الشـوق فينـي لا حضرتـي يحتويـك
ومن يقول انك لا غبتي تشتكي عيوني السهر
مـن يقـول أن الأماني هـي مشاهـد ناظريـك
ومـن يقـول أن السعادة لـمـا تملـيـن النـظـر
مـن يقـول إني بلقانـا أسبقك لأجل احتريـك
ومـن يقـول إني لشوفـك ما يواطنـي الصـبـر
من يقـول إني عشانـك اتـرك العالـم واجيك
ومن يقـول إني بدونـك حالتـي تحـت الصفـر
من يقـول إني أبيع الدنيـا لاجلـك واشتريـك
ومـن يقـول إني لعينـك اسلـك دروب الخطـر
من يقول انـك حياتـي ولا ابـي غيـرك شريـك
ومـن يقـول انـي بشخصـك اتبـاهـى وافتـخـر
مـن يقـول انــي احـبـك كـثـر مـا اولـه علـيـك
ومـن يقـول انـي احبـك كـثـر زخــات المـطـر
مـن يقـول انـي احبـك كثـر ما ترمـش عينـيـك
ومـن يقـول انـي احبـك كثـر مـا مـال الشـجـر
الحقيقـه ما احبـك بـس انــا امــووووت فـيـك
والحقـيـقـه مـا أحـبـك بـــس يـفــداك الـعـمــر
ايـه احبـك كثـر ما تحبـي الاسـاور فـي يـديـك
ايــه احـبـك كـثـر ما تحـبـي الـقــلاده بالـنـحـر
ايـه احبـك كـثـر ما الضحـكـة تـداعـب شفتـيـك
ايــه احـبـك كـثـر ما تحـبـي تـرشـيـن الـعـطـر
ايـه احبـك كثـر ما اعشقهـا ملامـس راحتيـك
ايه احبك كثر ما اعشق دهـن عـودك بالشعـر
ايــه احـبـك كـثـر ما قلـتـي احـبـك واهـتـويـك
ايـه احبـك كثـر ما تقطـف يـديـك مــن الـزهـر
ايـه احبـك كثـر ما عيـنـي وروحــي تشتهـيـك
ايــه احـبـك كـثـر ما الشـاعـر تـغـزل بالقـمـر
ايـه احبـك كـثـر عشـقـي كـثـر ما كـلـي يبـيـك
ايــه احـبـك حـــب مـا حـبـه ولاحـســه بـشــر
أعجنتني هذه الأبيات فنقلتها ..
