قضية شكاوي في وقود 95 بالبريمي

[سالم الطوقي]

اضم صوتي لجميع من ذكر تأثير البنزين على السيارات السلبي وهذا ما حصل للأسف لسيارتي

 

[سليمان]

وضاعت سيارتي وصارت تنتفض وقالوا ان الانجكترات وفيول بمب

 

[عبدالله .. صحار]

نتمنى ان تتحرك حماية المستهلك.. ونتمنى من كل من تضرر البلاغ لحماية المستهلك حتى لا يكون عندهم حجه ف انه محد بلغ على القضية

 

[حلم رومنسي]

عبيت من شيشة المها اللي ف محضه ممتاز
وصارتلي المشكله
واحين من كراج لكهربائي
حسبي الله ونعم الوكيل

 

[وطن النهار]

موعدنا باجر الساعة ١٠ صباحا في حماية المستهلك ،،
ترى سياراتكم ما محصلينهن بلاش

بسكم من الكتابات
وخلكم على الموعد

 

[خالد العبري]

حتى انا صارت عندي هالمشكلة ووقف تصليح السيارة 100 ريال حسبي الله ونعم الوكيل

 

[البترول ماينفع]

كله يعبولنا هوا صاير نمشي شويه ويخلص وبعد مافيه جوده ابدااا صح مغلاااي بس خالي من كل شي يعني تعباهويطير بمره

 

[البترول المضاف له آيل]

الكلام هذا كله ما منه فايده ..كلام ف مواقع التواصل ولكن ماحد يحرك ساكن ل هذي المشكله ولو حركت ساكن وتكلمت ماحد يستجيب لك من الجهات الحكومية لحل المشكله

 

[ALBATINAH DODGE TEAM]

السلام عليكم
معاي جروب سيارت من نوع دودج تشارجر و تشالينجر
لحد الحين واصل عدد السيارات المتعطلين في الجروب ١٧ سياره و تكلفة القطعه ١٩٧.٧٠٠ ريال عماني و ما اعرف بصراحه من مفروض يتحمل هالتكلفه و غير شغل الجراج و تنظيف الانجكترات و فلاتر البيئه
طبعا بسبب البترول و الشباب معاي من اماكن مختلفه من الباطنه

 

[بترولهم مثل عيونهم]

صوب صحار وصحم الحالة اخس واردى نفس الشي راح علينا الفيول بمب

 

[سعيد خلفان سعيد الفارسي]

انا نفس الشي موتري لكزس 2014 الحين يقطع وماخليت شي مابدلته
فلتر وبلكات ونظفت المكينة وبعدها الرجفة ما راحت

 

[العجمي]

بترول غالي او ما يطول عندك السياره مرتين بدلت انجترات بدلت دبات البيئه او تو من كمين يوم اشوفها تنتفظ المكينه ابكبرها

 

[أحمد اليعقوبي]

نفس المشكلة يوم عندي عبيت يوم الإثنين باليل من محطة وقود المهاء والثلاثاء السيارة متعطلة على الشارع العام

 

[العيصم العجمي]

الله يعينا بس
هذي ما حاله بصراحه
الشكوى لله

 

[محب للوطن عمان]

قاطعو البترول لاتحركو السيارات شهر بس وشوفو الفرق

 

[سعيد بو علي الزيدي]

حسبي الله عليهم على بالي بس عندي انا المشكله

 

[سعيد بو علي الزيدي]

اختربن علي سيارتين حسبي الله عليهم

 

[احمد اليحيائي]

اعبي من العين ابرك لا ريحة ولا اغير انجكترات ولا يقطع ولا شي ..الله يعز ادنوك

 

[MOHAMMED SHAFI Al Hashimi]

انا معي سيارة لكزس ES 350 موديل 2012 عبيت بترول من محطة نفط عمان نوع 95 وطلع لي TRAC و علامة CHECK ENGINE تو السيارة تقطع وفيها نفضه .. للعلم معبي تاريخ 30 اغسطس وللحين هالمشكلة معي.
كيف شو نسوي ولمن نشتكي وهل بس نضيع وقتنا في الشكوى والمراكض .. والا كيف ؟

 

[عهود بنت عبدالله]

كل شي غالي ومغشوش الله يغشهم