قضية التشــــجير

[مشـــاعل]

السلام عليكم ورحمة الله وبركاتة

اول مشاركاتي وان شاءالله مب الاخيرة

موضوع التشجير في شوارع البريمي غير ومختلف وعندي سؤال للشخص او الجهة المسؤولة عن التشجير

الشجر للظل والزينة ولا للزينة بس؟؟؟؟

انا أللي اشوفه انه للزينة بس على قولة الوالدة أول مرة أشوف شجر مسوي ريجيم ههههه

بصراحة خلونا واقعيين الشجر الموجود ع اطراف الشوارع ما اسمه تشجير اسمه واحد قاعد يطلع ابداعاته الفنية في قص الشجر شي مثلث وشي مستطيل ......

الشجر للظل وللتبريد وتلطيف الجو مب حق التفنن كيف تقص وتسوي تسريحة للشجر

خلوهم يكبرون يظللون على الاوادم والطير والحيوان

اللون الاخضر حلو خلوه واضح ومبين

وسلمتو

 

[SamHan]

يوجد إهمال وتقصير من الشركة المتعهدة بأعمال التشجير والبستنة وعدم متابعتها من قبل الجهة المختصة حيث لا يتم غرس شتلات جديدة مكان الميتة وتترك أماكنها خالية من أية أشجار لا ( شريش ) ولا غيره وفي البعض منها تم غرس شتلات صغيرة جداً وضعيفة تقاوم من أجل البقاء..

نتمنى غرس مزيد من أشجار الظل خاصة قرب مواقف السيارات .

 

[هلال اليحيائي]

يوجد نقص كبير في تشجير على الشوارع واثرها بالغ في فترة الصيف

يوجد لدينا صرف صحي مهدر بكل امكانياته ومساحات شاعة بين الطرق تحتاج لتشجير وتزيين المكان باللون الاخضر

نعرف ما فيه شيء سهل ولكن بنفس الوقت ما فيه شي مستحيل وهذي التجربه اللي يعيشها المسوؤل في مجتمع هي تحدي وتطوير مب وظيفه ومعاش

 

[SamHan]

نعرف ما فيه شيء سهل ولكن بنفس الوقت ما فيه شي مستحيل وهذي التجربه اللي يعيشها المسوؤل في مجتمع هي تحدي وتطوير مب وظيفه ومعاش[/QUOTE]


هذا لما يكون عندنا مسؤولون ينزلون إلى الميدان يتابعون ويوجهون .

 

[مشــــاعل]

مشكورين على التفاعل مع الموضوع واتمنى حد من المسؤلين يتحرك وينش من كرسيه ترا الرياضه زينه للصحه هههه

 

[vip girl]

بلفعل البريمي بحاجه الى تشجير كونها منطقه صحراويه وتحتاج لهشي عدنا وايد مساحات بحاجه الى التشجير وفي طرق رئيسيه مب مشجرة والبلديه غافله عنها الى متى ؟؟؟؟؟؟؟؟؟؟؟؟

 

[alya_ss]

موضوع رائع .. ونتمنى ان يصل للجهات المختصه ..