حواجز...
حواجز أيه بتبنيها ..!!
مابين الظلم .. والمظلوم.؟
وبين الحق .. والمحروم ..؟
حواجز من زجاج شفاف..
على المسجون ..؟
أم السجان..!!
وفاكر ان يركع لك فى يوم .. هيخاف..؟؟
ويشكى الظلم من ظالم .. الى الطغيان..!!
وخايف صوته يطلع ليه..؟؟
وخايف من ضميرك ليه..؟؟
وخايف من حاجات تانية .. بتكدب ليه..؟
*****
حواجز بين ودان وودان..
حواجز عاليه بالكتمان..
على المخطوف عشان خايف..
ليفضح عصبة الشيطان ..
وخايف صوته يوصل ليه ؟
وخايف من ضميرك ليه ؟
وشايف من عذابك ليه ؟ هتاخد أيه..؟
*****
حواجز من حديد وسلوك.. على الشبان ..
وخايف توصل الميدان..
وعارف لو وصل صوتهم..
الى الاحرار ..هتتزلزل
وتلقى الارض مبدوره .. من الثوار..
وساعتها..هتتبهدل
وبيك الارض هتميل..
وتفقد حلم بيطارك... وإنت ف لفتك .. عيل..
*****
حواجز فوق لسان الناس
وفوق عينها ..على قلوبها..
فى قوت يومها .. وفى جيوبها..
حواجز حتى فى الافكار..
وفيه فى الضلمة الف جدار..
وكام ملايين من الاسرار..
دا صوت الحق مش محتاج ودان تسمع..
ولا محتاج جبان يخضع ..
وخلق لخلق تعبدها .. وخوف يركع
ولا محتاج ... عبيد لعبيد
ولا محتاج زجاج وحديد ..
يا دوب محتاج لقلب كبير
وعقل يعيش بحرية..كما العصافير...
*****
يا خايف من ضمير الحق
هتهرب فين ...؟
مصيرك كالديدان فى الشق..
وناسى ان فيه عادل..
ماخفتش منه يا غادر..
ولو فاكر
بان الناس دي راح تاخدك في أحضانها
بتتوهم..
لان الخلق ما تحبش..
في يوم فاجر..
*****
ما تتغرش بخدامك
دا دول حبة عبيد تاهت
باقدامك
وساعة الجد هتسيبك..
وتتمسح .. فى سيد غيرك
فإبنى ألف الف جدار
وأقتل ألف م الثوار
وإحبس ألف أو مليون
ففيه ملايين من الاحرار
*****
لكن فاتك.. جدار تبنيه
مابين الناس .. وبين واحد
اله قهار...
بيسمع دبة النملة
ويسمع دعوة المظلوم
ويسمع أنة المكلوم
ما بين مغلوب ..
وبين واحد .. قوى .. جبار..
*****
ففيه مساكين
وفيه مظاليم..
وفيه تعبان ..
وفيه حيران..
وصوتهم بس للقهار
فى عز الضلمة دى بتشكى..
وانت تنام ..
ورب الناس .. عليم علام
بيمهل بس ما يهمل..
وسايبك لجل تتمكن
وتاخدك عزتك .. تهمل..
وييجى الامر .. فين هتروح
هتهرب من ديوان لديوان..؟
فقولى إزاى هتبنى جدار..
وتهرب فين .. وتحمى الروح..؟؟
*****
جمال نصير
حواجز أيه بتبنيها ..!!
مابين الظلم .. والمظلوم.؟
وبين الحق .. والمحروم ..؟
حواجز من زجاج شفاف..
على المسجون ..؟
أم السجان..!!
وفاكر ان يركع لك فى يوم .. هيخاف..؟؟
ويشكى الظلم من ظالم .. الى الطغيان..!!
وخايف صوته يطلع ليه..؟؟
وخايف من ضميرك ليه..؟؟
وخايف من حاجات تانية .. بتكدب ليه..؟
*****
حواجز بين ودان وودان..
حواجز عاليه بالكتمان..
على المخطوف عشان خايف..
ليفضح عصبة الشيطان ..
وخايف صوته يوصل ليه ؟
وخايف من ضميرك ليه ؟
وشايف من عذابك ليه ؟ هتاخد أيه..؟
*****
حواجز من حديد وسلوك.. على الشبان ..
وخايف توصل الميدان..
وعارف لو وصل صوتهم..
الى الاحرار ..هتتزلزل
وتلقى الارض مبدوره .. من الثوار..
وساعتها..هتتبهدل
وبيك الارض هتميل..
وتفقد حلم بيطارك... وإنت ف لفتك .. عيل..
*****
حواجز فوق لسان الناس
وفوق عينها ..على قلوبها..
فى قوت يومها .. وفى جيوبها..
حواجز حتى فى الافكار..
وفيه فى الضلمة الف جدار..
وكام ملايين من الاسرار..
دا صوت الحق مش محتاج ودان تسمع..
ولا محتاج جبان يخضع ..
وخلق لخلق تعبدها .. وخوف يركع
ولا محتاج ... عبيد لعبيد
ولا محتاج زجاج وحديد ..
يا دوب محتاج لقلب كبير
وعقل يعيش بحرية..كما العصافير...
*****
يا خايف من ضمير الحق
هتهرب فين ...؟
مصيرك كالديدان فى الشق..
وناسى ان فيه عادل..
ماخفتش منه يا غادر..
ولو فاكر
بان الناس دي راح تاخدك في أحضانها
بتتوهم..
لان الخلق ما تحبش..
في يوم فاجر..
*****
ما تتغرش بخدامك
دا دول حبة عبيد تاهت
باقدامك
وساعة الجد هتسيبك..
وتتمسح .. فى سيد غيرك
فإبنى ألف الف جدار
وأقتل ألف م الثوار
وإحبس ألف أو مليون
ففيه ملايين من الاحرار
*****
لكن فاتك.. جدار تبنيه
مابين الناس .. وبين واحد
اله قهار...
بيسمع دبة النملة
ويسمع دعوة المظلوم
ويسمع أنة المكلوم
ما بين مغلوب ..
وبين واحد .. قوى .. جبار..
*****
ففيه مساكين
وفيه مظاليم..
وفيه تعبان ..
وفيه حيران..
وصوتهم بس للقهار
فى عز الضلمة دى بتشكى..
وانت تنام ..
ورب الناس .. عليم علام
بيمهل بس ما يهمل..
وسايبك لجل تتمكن
وتاخدك عزتك .. تهمل..
وييجى الامر .. فين هتروح
هتهرب من ديوان لديوان..؟
فقولى إزاى هتبنى جدار..
وتهرب فين .. وتحمى الروح..؟؟
*****
جمال نصير