شرح .. توثيق حسابات التويتر

[الخزامى]

*


السلام عليكم ورحمة الله وبركاته

أكيد الكل سمع عن خاصية ( توثيق الحسابات ) في تويتر ..
و طبعاً الأغلب ما يعرف وش معنى هالخاصيه أو فائدتها خصوصاً للجديدين في عالم تويتر
واللي واجهتهم مشاكل مع حساباتهم بسبب توثيق الحساب ..


عشان نعرف وش توثيق الحساب لازم نعرف انواع التوثيق للحسابات في تويتر

..


*

أ / الحسابات الموثقه المعتمده ( الموثقه ) من تويتر :

يعني لما تشوف حساب موثق جنبه علامة صح .. هذا حساب موثق من ادارة التويتر نفسها
وهالنظام يساعد على التحقق من صحه الهويات على موقع تويتر ويفرق بين الهويه الحقيقيه والمزيفه ،
هالنظام موجه اساساً للشخصيات العامه والمشاهير لأثبات صحه حساباتهم
والتحقق من الحسابات الحقيقيه ، لمنع تقمص او استعارة اسماؤهم ونسب اشياء وتصريحات اليهم
او حتى لتشابه الأسماء ..

مثال : الحساب الرسمي للشيخ الدكتور / عائض القرني هذا ..

ولو تلاحظون جنب يوزره علامه صح بالازرق .. يعني هالحساب هو الحساب الحقيقي والمعتمد للشيخ ..
اما باقي الحسابات بأسم الدكتور ليست له وكلها مزيفه وغير صحيحه ..

( طبعا يقدر اي شخص يوثق حسابه .. بمبلغ وقدره 5000 دولار للشهر الواحد

)

*

ب / الحسابات الموثقه ( لزياده الامان ) للحسابات في تويتر :

والقصد من هالنوع من توثيق الحسابات يختلف عن السابق .. بتقولون كيف ؟
هالتوثيق للحسابات هو بمثابة زيادة الأمان لحساباتكم بالتويتر ..
من ناحيه سرقة الحسابات أو التهكير وغيره ..
يعني لو أنسرق حسابك تقدر ترجعه بسهوله في حالة سويت توثيق للحسابات ..

في هالنوع : تقدر توثق حسابك في تويتر بطريقتين :
1/ اما رقم جوالك بس ..
2/ رقم جوالك وتطبيقات او اجهزه مختاره أت تدخل منها وتختارها ..

و راح أوضح لكم كل نوع وش يعني و أفضل نوع فيهم من ناحية الأمان

طبعا الشرح راح يكون من لاب توب والتطبيق لازم يكون من لاب توب ..
مو من اجهزه اخرى .. ( انتبهوا )

..

أول شيء ندخل على حسابنا بالتويتر من هنا :
https://twitter.com/

نروح للاعدادات :

بعدين ( الأمان والخصوصيه )

بتطلع لنا هالخيارات :

ولو تلاحظون أنا مرقمتها بالترتيب 1 - 2 - 3 ..
راح اشرح كل نوع كيف نسويه وأفضل نوع من هالتوثيقات الثلاث ..

..

BRB

​

 

[الخزامى]

*





1 /

هالنوع يعني مافيه توثيق .. بمجرد تحط يوزرك وباسووردك تقدر تدخل تويتر ..
بس لو انسرق تويترك أو تهكر وغير المهكر الايميل مافي أمل يرجع الحساب
..
لكن لو ماغير الايميل تقدر ترجع حسابك عن طريق الايميل ..
بشرط : مايكون الايميل وهمي أو ناسيه أو ماعاد يفتح وتقفل

*

2 /

هالطريقه يعني انك تربط حسابك تويتر برقم جوالك .. وكل ماجيت تسجل دخولك للتويتر
راح يرسل لك التويتر رمز احتياطي لجوالك تسجله وتدخل منه ..
..
وطريقة ربط الحساب برقم الجوال من هنا :
شرح حماية التويتر من الاختراق
طبعا من شرح أخوي لجل عينك ..
..
وشرط الربط :
أ / يكون من لاب توب
ب / توفر رصيد بالرقم
جـ / تستخدم متصفح فايرفوكس افضل شيء ..
د / الربط ينجح مع عملاء زين و الاتصالات .. لان نادر جداً يضبط مع موبايلي ..
..
لازم لازم تجيكم هالرساله ( تم اشتراكك في خدمة تويتر بنجاح )
اذا ماجت يعني ماراح يوصلكم اي رمز احتياطي أبد .. فأنتبهوا الله يرضى عليكم

بعد ماتربطون صح .. ضروري تروحون للرابط هذا ..
https://twitter.com/settings/security
أختاروا ثاني خيار ( أرسِل طلبات توثيق تسجيل الدخول إلى .... رقم الجوال )
بتطلع لكم هالرساله :



حطوا ( حسناً أرسل لي رسالة )



بعدين ( نعم )



بعدين بيطلب منكم الباسسوورد .. حطوه و اضغطوا على ( حفظ التغييرات )



وخلاص تم حفظ الاعدادات .. وربطنا الحساب بنجاح

*

3 /

وهالتوثيق أشد تعقيد من التوثيق السابق وصعب جداً ..
بتقولون ليه أصعب شيء ؟
لأن هالتوثيق لما تسويه بتحدد تطبيقات أنت تدخل منها للتويتر ..
مثلاً قبل تسوي التوثيق كنت تستخدم تويتر بلاك بيري من جوال بولد ..
ولما وثقت ماراح تقدر تدخل من اي جهاز ثاني او حتى لاب توب الا من تويتر بلاك بيري
ونفس جوالك البلاك بيري للي هو البولد اللي دخلت منه وبس وبرمز أحتياطي
يرسل كل مره تسجل دخولك لرقمك بالجوال

ولما تحاول تسجل دخولك من اي جهاز ثاني .. لاب توب - ندرويد - ايفون - ايباد راح يرفض ويطلب منك كلمة مرور مؤقته ..

يعني لو انسرق جوالك لا قدر الله ،
احلم يرجع حسابك الا من خلال الدعم الفني تطلب منهم فك التوثيق

..
وضروري قبل تسوي هالتوثيق لازم لازم تكون رابط حسابك برقم جوال ولا رحت وطي

خصوصاً الحين فيه توثيق عن طريق تطبيقات من الايفون والايباد والاندرويد بس مافيها ربط
برقم الجوال وهذا التوثيق اكبر اكبر غلط

..
لان لو خرب الجوال او شيء خلاص راح الحساب ومايرجع لك الا مع خذ وهات مع الدعم المعقد

..

وراح اشرح لكم طريقه هالتوثيق :

اول شيء لاحظوا اني بشرح لكم على تويتر من لاب توب .. ما سجلت دخول في
أي تطبيق ثاني من أي جهاز عشان أوريكم وش يصير بعدين ..

بعد ما تربط حسابك في تويتر برقم جوالك :
ندخل هنا : https://twitter.com/settings/security
نروح لثالث خيار ( أرسل طلبات توثيق الدخول الى تطبيق تويتر )



بتلقون كلام بالازرق ( إنشاء كلمة مرور مؤقتة ) نضغط عليه ..



بتطلع لك هالصفحه .. نضغط على انشاء فوق على اليسار



بتطلع لك صفحه يطلب فيها تحط باسوورد تويتر
بعدين نضغط على ( انشاء )



راح يطلع لك مربع فيه كلمة مرور مؤقته مكونه من ثلاث خانات مكتوبه بالأحمر ، احفظها عندك بمذكره او بجوالك ..
لانها جداً ( ضروريه ومهمه مره مره )
اضغطوا على اغلاق بعد ماتحفظون كلمة المرور عندكم ..



بتطلع لكم هالصفحه يطلب منكم باسوورد التويتر وباسوورد جديد ..
انا حطيت الجديد نفس باسوورد التويتر عشان ما أنساه ..
سوي حفظ وخلاص



وتم تغيير الباسوورد بنجاح

..

BRB

​

 

[الخزامى]

*


الحين فيه ناس تسوي توثيق بدون ماتعرف وش التطبيقات اللي مسجله فيها دخول بتويتر ..
وعشان نعرف ..



نروح للأعدادات ..



نختار تطبيقات ..



وبتطلع لكم التطبيقات اللي أنتم مسجلين فيها بتويتر .. سواء تطبيقات تويتر من أجهزه ثانيه زي الأيباد .... ألخ
أو تطبيقات برامج حق الأنفولو وغيره وهذا مالنا شغل فيه ..
طبعاً أنا مو مسجله ولا بتطبيق .. بس مسجله دخول من متصفحي بلاب توب عشان كذا
ماطلع لي ولا تطبيق .. وموثقه حسابي التوثيق الثالث حق التطبيقات بس من لاب توب ..

..

الحين بسجل خروج من حسابي من اللاب اللي انا موثقه حسابي عليه ..
ويوم جيت أسجل دخولي .. طلب مني رمز أحتياطي ..



هالرمز يجيني على جوالي مكون من 5 أرقام أدخله هنا ويدخل حسابي على طول

* ليه طلب مني رمز أحتياطي ولا طلب مني كلمة مرور مؤقته ؟
لأني موثقه الحساب بس على اللاب توب ومن متصفحي ..
لكن يوم جيت بسجل دخول لحسابي من الأيفون ومن الايباد .. شوفوا وش قال :



يطلب مني أدخل بدل باسوورد حسابي ( كلمة المرور المؤقته ) ..
شفتوا الكلمه اللي بالاحمر اللي قلت أحفظوها لما جينا نسوي إنشاء كلمة مرور مؤقته ؟
هذي هي أكتبوها مكان الباسوورد ويدخل معكم الحساب .. واليوزر ويدخل الحساب

عشان كذا أقول ضروري أحفظوا كلمة المرور المؤقته قبل نسوي اغلاق للصفحه

..

وضروري بعد لما تسوون التوثيق هذا تعرفون وش التطبيقات المسموحه ..
وأنتبهوا تضيعون كلمة المرور المؤقته لان لو ضاعت ماتقدرون تدخلون حساباتكم من
أي جهاز ثاني الا اللي مسوين عليه توثيق

*




في حال ما عاد يجيكم رمز إحتياطي .. أو ضاعت كلمة المرور المؤقته ..
أو سويتوا توثيق حساب بدون ماتربطون رقم جوال ..

لقيت لكم حلين :
1 / اذا كنتم رابطين الحساب برقم الجوال :
إرسال رسالة نصية إلى 840404 وتحوي على الرمز(unsub) باللغة الإنجليزية أو
حرف (غ) باللغة العربية .. وراح توصلكم رسالة تفيد بأنه قد تم إلغاء الاشتراك بنجاح
واذا ماجا جربوا كلمة (إيقاف) وأرسلوا أكثر من مره ..
لين يلغى الأشتراك ومنها جربوا تسجيل دخول للتويتر

2 / عن طريق الدعم الفني :
اذا ما نجحت الطريقه الأولى نراسل الدعم الفني للتويتر ..
إما عن طريق :
أ / مراسلة الدعم الفني لتويتر من حساب بديل لك على حسابهم الاتي ( @Support )
ب / عن طريق الدخول الى الرابط من هنا

راح تطلع لكم هالصفحه .. وطبعاً أنا مرقمتها وبكتب كل رقم وش يعني تحت ..



1- اسمك كامل (اسمك بتويتر حقيقي او نك نيم)
2- اسم المستخدم بتويتر (اليوزر)
3- البريد الالكتروني المسجل به الحساب بتويتر
4- هذا الخيار يسألك ماهو التطبيق المستخدم .. تويتر أندرويد ولا تويتر ايفون ... الخ
5- هذا الخيار يسألك وش مشكلتك ..
6- هذا الخيار يسألك عن اصدار البرنامج لتويتر المثبت على جوالك
7- إصدار نظام جهازك
8 - وصف المشكلة

وهذا شرح لكتابه المشكله للدعم :
1
2 < يتبع الحل

بعد ما تراسلون الدعم لازم تكونون صبورين

لا مو بس انت عنده هالمشكله كثير غيرك عشان كذا مدة حل المشكله ممكن توصل 3 أسابيع

ولما يفكون التوثيق راح يبلغونك على بريدك

ومبروك عليكم فك التوثيق والحساب من جديد

..


BRB

​

 

[الخزامى]

*

أفضل أنواع توثيق الأمان هو التوثيق الثاني .. اللي من خلاله يتم ربط الحساب برقم الجوال
بدون تقييده بأي تطبيقات .. عشان تقدر تدخل من أي جهاز تبيه فقط برمز أحتياطي
ينرسل لجوالك إذا كان ربط صحيح ومتبع الخطوات

..
وهذا أكثر توثيق أفضله أكثر من الثالث

..
لأن التوثيق الثالث محد يضمن أن جهازه يبقى معه ومايخرب أو ينسرق لا سمح الله ..
..
أما إذا كنتم من النوع اللي كل فتره رقم أفضل ماتسوون توثيقات خير شر

*

هالخاصيه يعني انك يا تسمح للباقين يعرفون حسابك من خلال رقمك أو بريدك أو لا ..
البريد موجود طبعا لكن خاصية البحث عن الرقم ما تطلع إلا للي رابط رقمه بحسابه في تويتر فقط ..

وين تلاقونها ؟
من الأعدادات > الأمان والخصوصيه .. بتلقون تحت قابلية الأكتشاف ..

اذا تبون الأشخاص يقدرون يعرفون حساباتكم من خلال الأيميل أو الرقم حطوا علامة صح ..
بعد حفظ التغييرات وخلاص

إذا ماتبون أي شخص موجود بالجوال أو الأيميل مايعرف حساباتكم شيلوا علامة الصح
وسوو حفظ وخلاص

*



منقول و الحقوق لأصحابها في شبكة الإقلاع

​