مبروك لاهالي البريمي بخصوص منفذ المضيف

[الشريعه]

مثل ما واضح في العنوان حسب التعليمات لسلطات الامارتيه وبعد سالفه السياره الي هربت من المنفذ والي بسببها تدبل جميع العاملين في المركز والمشاكل اليوميه انشاء مركز من 6 الى 10 كبائن في النقطه وتغير نقطه التفتيش من المدخل الى داخل حدودهم اول ما تدخل تلف يمين في الباركن وتوسيع الباركن وبيكون واسع لاستقبال الكم الهائل من مرتادي المنفذ وتجهيز المركز من جميع الجهات المختصه من شرطه نسائيه وجمرك وجوازات وحرس المركز وبتكون الاجراءات مثل منفذ هيلي وسرعه تنفيذ المركز

 

[الغافري]

الحمد لله على كل حال ............... بلادهم وحرين فيها

 

[احساس قلبي]

يسون اللي يبونه ارضهم وحرين فيها ولهم كامل الحرية فالتصرفات

 

[السَعيدي]

إذا الشعب يوماً اراد الحياة ....* فلا بد أن يستجيب القدر

لاتعليق


​

الأرجنتيني البار​

 

[أبو سلطااان]

تسلم الشريعه على الأخبار ...
بلادهم و حرين ... دع الأيام تفعل ما تشاء ,, و طب نفس إذا حكم القضاء
بنشوف آخرتها

 

[منوة الروح]

اكيد بنتقبل قراراتهم بصدر رحب ^_^

،،


الشريعه .. شكرا ع نقل الحدث

 

[Abdullah Al-hinai]

أن التطرق لهذا الموضوع ذو شجون ، وان شاء الله بالأيام القادمة سأطرح موضوعا عن الأسباب التي تدعو دولة الجيران نحو اتخاذ مثل هذه التدابير من منظور شخصي وأخذا ببعض أراء المثقفين من البريمي.

بالآونة الأخيرة لوحظ تناقل بعض اهالى ولاية البريمي اشاعه لا استطيع تقييم مدي صحتها ، بان احدنا قد استطاع الهرب من بوابة المضيف باتجاه عمان ، فالبعض استساغها ولم يكلف نفسه عناء تحليلها ، وإنما زين له نشرها .
هل حقيقة أن ما يشاع صحيح ؟ هل أصبحنا نحن مجموعة مهربين ولصوص حتى يتم التشديد علينا بهذا القدر من الإجراءات ، وإذا كان الكلام صحيحا فلماذا لم يتم التشديد على باقي المنافذ الحدودية ، ام هي قضية تضييق فقط لا غير على أهالي البريمي ؟!

نحتاج وقفة صريحة وواضحة ، وموقف يبرر ذلك من قبل صحافتنا ، لا موقف محايد مثل ما تم نشره اليوم 16/10/2008 بجريدة الخليج.

لي وقفة مع هذا الموضوع .

 

[ولد الدار]

الحمد لله انه اغلق المنفذ لان وايد اسباب تدعي انه يتسكر


صحيح انه بيكون تعب علينا بس بلادنا وعمان بيكونو فأمان مب كل يومين حد فال من المركز وإللي مهرب مااادري شو


وللأسف فالبريمي وايد اشياء تصير ربك العالم فيها والمفروض يزودون الشرطة بأجهزه وافراد عسبة الناس ترتاح شوي ويعدلون الشوارع ترى والله ملينا من التكسير


والسموحه ع الاطاله

 

[مروض الكهان]

عادي مب مهتم بالسالفة طول

الكل ايسوي اللي يبي

 

[شيومة الحلوة]

طااااااااااف....ويسلمووو ع الخبر

 

[زهرالصباح]

شرطة عمان ما هامنهم إللي يصير في عمان نفسها بيهمم إللي يصير في بلد الغير

أفراد شرطة الإمارات والعين بالأخص مب عيال ناس واقفين تحت الشمس بس عشان يحافظوا على أمن بلدهم شرطة عمان شو قاصر عليهم يتحركون ويخففون التعب على جيرانهم بس فالحين إذا شافوا وحدة تسوق سيارتها رايحة في شغلها يوفقونها أونه يبا يتأكد حاطين الحزام أو لا متى بيتحضرون متى العماني بينقل الصورة الطيبة عن بلاده راعي المثل يقول حاميها حراميها

 

[اليوبيل الماسي]

الايام جدام وبنشوف شو الي بيصير _

يسلمو على الخبر

 

[ثـ غ ـر السماء]

والله كرهت أروح الحين والسبة هذي الزحمة .

شو هذي الحالة

 

[غربة الروح]

كل شي حلو ..
حتى الموضوع والسالفه حلوه ..
والحمد لله على كل حال ..

 

[دايم الشوق]

دووومهم مب مقصرين

وتسلم ع الخبر

 

[علي بن سيف الساعدي]

افضل شي ابصراحه انهم يعملون مركز بتخف الجرائم والمشاكل وبعد بيكون هناك تنظيم بدخول السيارات وخروجها وبيتم ضبط المتسللين والمطلوبين