قضية حديقة البريمي العامه

[عبدالرحمن الشامسي]

السلام عليكم ورحمة الله وبركاته


حديقة البريمي العامه وبعد قرار مدير البلديات بشأن وضع يوم مخصص للنساء ويوم للعوائل :

بعد ما أصدر مدير بلدية البريمي ايام مخصصه للنساء وايام للعوائل وله جزيل الشكر والاحترام هناك نشوف أزدياد الفوضى داخل وخارج الحديقة يوم الاحد للعوائل لكن بدون فائده نشوف عدد كبير للشباب متواجد وكذلك الحال يوم الثلاثاء للنساء نرى بأن حراس الحديقة غير ملتزمين بالقرار وعدد كبير من الشباب فالحديقة في يوم المخصص للنساء

القرار صدر من شهر تقريبا ولاجديد يذكر ولاقديم يعاد


والى متى سيطالب الجميع بتطبيق القرار بحزم وشده ؟؟

 

[SamHan]

الحديقة تحتاج إلى حراس من الأمن والسلامة

 

[عبودي]

يجب تخصيص يوم واحد في الاسبوع للعوائل فقط

والغاء تخصيص يوم للنساء

 

[همس الشوق]

بسم الله الرحمن الرحيم

الحمد لله تم ذكر هذا الوضوع فالمنتدى

الصراحه نحن محتاجين هاليوم المخصص للبنات يعني الا يوم واحد و مب قادرين ناخذ راحتنا فيه

الشباب بشكل فضيع فالحديقه و ما قدرنا ناخذ راحتنا

الاهل يحطون بناتهم ع اساس مخصص للبنات و بعدين يكتشفون ان في شباب فالحديقه

و الامن الي باول الحديقه الصراحه ما ل لزم بوجودهم دام ب قادرين يوقفون الشباب برا
لازم وجود امن قوي الي حاطينهم ما ينفون لشي بصراحه ,,

يعني حاسدنا هاليوم الا يوم واحد فالاسبوع


اتمنى البلديه تحط قانون عقوبات للي يدخل الحديقه باليوم الي مخصص للنساء


شي محير و الله ققق^

 

[سمو الشيخه]

تحتآج الحديقة الى أمن يعرفوا كيف يضبطوا الشباب ..
أخوي عبودي مآفيهآ شي اذا كان هناكـ يوم حق البنات ..

 

[روح الخير]

ويتكرر الموضوع ... ولا حياة لمن تنادي

 

[عبدالرحمن الشامسي]

بأذن الله المسئولين ماراح يقصرون

 

[عاجبه الكل بجنوني]

السلام علييكم ورحمة الله
بصراحه الحديقه يحتاجلها امن يعني مب معقوووله باليوم المخصص حق النساء يدشوا الشباب ...

يعني ما يكفي الايام الباقيه ما مخلين بنت ف الحديقه ف حالها

لازم ينظروا لــ هالموضووع ويشووفوا حل ب اسررع وقت

 

[رزمة أوجاع]

هلا واللهامممممم انا عن نفسي مرتاحة من الأماكن العامة لانه أبوي مستحيل يودينا أماكن عامه وفيها شباب

 

[دانة غزر]

السلام عليكم ورحمه الله وبركاته
ان شاء الله المسوولين ما يفصرون
ويقومون بالواجب

الف شكر لك اخووى
تسلم

 

[موزة النعيمي]

السلام عليكم ورحمة الله وبركاته

\


الموضوع صحيح سمعنا بهذا الخبر ولكن المفاجئ انه لم يتم تطبيقه وانه الشباب يتواجدون بكثره في اليوم المخصص للنساء .. ليش الفوضى ياترى ؟

قانون بسيط مثل هذا مب قادرين تطبقونه ؟
مع احترامي لبلدة البريمي .. اتمنى انه تكون هناك تطبيقات عملية وخاصة ان البنات يحتاجون مثل هاليوم .. يحليلهن مايرومن يروحن مكان .. ويوم سوولهم المكان بعد ماخذوا حقهم فيه ^^..

وشكرا على الطرح
نشوف اذا فيه امكانية توصيل هالموضوع للبلدية ..

لكم جزيل الشكر على الطرح ..