لاتسأل حبيبي

[أمير]

السلام عليكم ورحمة الله وبركاته
كيفك وشو اخباركم؟؟

هذي قصيده اعجبتني كثير للشاعر حمد السعيد واتمنى ان تنال على اعجابكم




تمنعت فيك وجيت هايب وانا ما هاب
ولا أقفيت عنك الا وانا هالغلا معطيه


عليك العيون اللي لهن فعل غزو عقاب
ضعيفات خلقٍ بس ياويل من تنويه


ولك نور وجه كن لك بالنجوم أنساب
وليلٍ عجز من طوله الكف لا يسريه


ولك مبسمٍ ما كنه الا شفق لغياب
حمارٍ من الله جمر من ولعه ناسيه


عبث وانت مقبل تستفز وتثير اعصاب
تبي تلفت الأنظار مناك لي منيه


وعبت وانت مقفي تاخذ وتكسر الألباب
عبث جاهلٍ توه مشى ف بيت من يغليه


دخيلك على بعضك ولا هي بدعوا عتاب
تعيد النظر فالبعد من قبل لاتبديه


عليك الله اكبر وانت حكمك شريعه غاب
تجي بالطعون وتجرح الخافق وترميه


وانا اموت فيك وصال واموت فيك غياب
وهي موتةٍ وحده مع فارق التشبيه


ومن قال ما به موت بالحب قل كذاب
جميل وبثينه ما ذبحهم مرض ياهيه


احبك ومن حبك خسرت اغلب الأصحاب
اذا عاتبوني فيك وعتابهم ما بيه


احبك ولا تسأل حبيبي عن الأسباب
انا لو اعرف اسباب حبك قدرت أنهيه


الا يا معرض رجل مغليك للمرقاب
أثر بالطوال تفرج الهم يا راعيه


انا بسألك هو صحيح الهوا غلاب
انا بنصح اللي مثل شرواي لا يمشيه


ومن لا يحتسب بالهوى للفراق حساب
لك الله ما غنى سلامه يبي يغنيه


مثل هل دمعي وانت رايح وطرق حجاب
ومثل ما رمى عبدالحليم الزهر يرميه


واذا فيه بكتاب النحو للفراق اعراب
فهو فعل مطلق بالبشر والجفا ماضيه


الا ليت ربي ما خلق بالغرام غياب
واذا فيه فرقا طاري الحب لا نطريه

 

[اطياف راحله]

الكلمات في قمة الروعة

 

[أمير]

مرورك الاروع
نورتي موضوعي

 

[روح الخير]

جميل أختيار
ننتظر الجديد من بين نبع أناملك

دمت سالما

 

[[ود]]

صح لسان قايلها وطاب منقولك
عوافي ولاهنت​

 

[دانة غزر]

السلام عليكم ورحمه الله وبركاته

تمنعت فيك وجيت هايب وانا ما هاب
ولا أقفيت عنك الا وانا هالغلا معطيه



صح لسان قايلهااااااا
اختيار موفق منك يااخوى