علمني كيف أخونك
¬°•| عُضوٍ شًرٍفٌ |•°¬
- إنضم
- 27 أغسطس 2008
- المشاركات
- 1,155
انثري اوراق شعري
فوق قبري
بعد موتي
بلل تراب المقابر بالدموع
احضن اطياف الرحيل بلا رجوع
سامحيني
حلليني
اذكريني حب ساكن بالضلوع
بعد موتي
احضري ليلة رحيلي
شاركيهم في غسيلي
لاتغيبي
طيعني مره حبيبي
علميهم من تكوني
قولي انك ساكنه دائم عيوني
وانك اعذب من تخوني
واني اول من سكن باقصى حشاه
واني اصدق من جرح قلبه جفاه
علميهم يتركوني بين يدك
بس حدك
بس حدك
تتركيني
احضنيني
بس مره
حطي خدي فوق صدرك
فوق جرحك
فوق غدرك
علميهم
كيف عشنا الحب آهاته وهمه
كيف ذبنا واحترقنا
يوم هذا الوقت قاسي مايهمه
مايهمه
علميهم
كيف هذا العمرمايعرف يحن
وعلميهم كم سهرت الليل من جرحك ائن
علمي امي مكانك بين قلبي
علميها انك اجمل من لقيت
كان هذا الحب غلطه
انتي احلى ماخطيت
بعدها يااجمل ايام العذاب
واول اخر حب عشته في غياب
احملي نعشي معاهم للقبور
وادفنيني قلب حبك
ومالقى غير التجافي والغرور
بعد موتي
عيشي ايامك سعاده مع سرور
جعل دنيا انتي فيها كلها فرحن ونور
واذكريني
رجل حبك ماتمنى
غير لقيا بالحلال
تعرفيني
ماهو اللي يوم مع غاده وباكر مع منال
والرذيله مامشت رجلي عليها
ولو نوت
يحرم علي لبس العمامه والعقال
اذكريني
واحدن كان اقصى احلامه
ينام بخافقك
عاشقن ذاق اقسى الامه
هموم يرافقك
واحدن حبك وحبك موت موت
وافين اخلص بحبه لين ضم الموت
كنتي اصدق من عرف من كل هاذولي البنات
وكنتي اعذب من ذبح قلبه وهده لين مات
كنتي عن كل العذارى غير غير
كنتي لقلوب الحيارى حب خير
وكنتي ليه
حلم وردي
صيفي بردي
اييه يااحلى ايام العمر
سنين من عمري تمر
وانتي انتي
باقيه ذيك العيون
اللي خذتني يمها
عشت العمر في همها
وماهمها
ذاك الطريح
اللي من احلى يدها اصبح جريح
تصدقين
حتى ونا في اخر ايامي بموت
شايلن همك معاي
وش تسوي بعد موتي
ياترى تلقى حبيب
يودها
ياهل تراه ايحبها؟
تستغربين
لو قلت لك ماهمني
كل اللي اتمنى بعد موتي
حياتن تسعدك
عن كل همن تبعدك
حتى لو ان اللي معك
انسان دائم اكرهه
دامه يحبك مايهم
ياسيدي تامر وسم
عندي رجا بس اطلبه
مابين قلبك والحشا
حطي مكانن لي صغير
تتذكريني لاقسى
وقتك وهدك هالزمان
يامنبع بحور الحنان
بستسمحك
راحل انا
عن دنيتك
لاوالذي عطر وجمل سيرتك
ماهو ابيدي
ابعد عن عيونك وروح
لكن قدر في وسط لوح
اني اموت بدنيتي
بس مرتين
مره بليله التقت
عيني بعينك وابتدا
حبن كبير
والثانيه هذا المسا
يومي مشيت
مثواي هذا الاخير
وبالمرتين
كنتي معي
كنتي معي
منقول لعيونكم
التعديل الأخير بواسطة المشرف:
