تفاصيل مخباة

[قطوة البريمي]

السلام عليكم ورحمة الله وبركاته


حبيت تكون لي صفحه اكتب فيها يومياتي وذكرياتي

معنه هالفكره ف بالي من زمان بس مادري ليش اجلتها


ف البدايه بعرفكم فيني

قطوة البريمي عضوه جديمه ف المنتدى

تاريخ ميلادي 6/11/1990

يعني عمري حاليا 22

ادرس طب اسنان واحينه خلصت رابع سنه لي واتريا نتيجة السنه

بتبقالي سنتين ان شاء الله


وهييك

 

[قطوة البريمي]

احلى شي السنه انه ما داومنا ف هالشهر الفضيل

ريحوونا وفكونا من اليلسه ف مسقط و ف السكن وانه نحاتي شو بنتفطر :298b5a831e8a667c2ba

حلاته هالشهر ويا الاهل و ف البيت وراحه بلا محاتاه دوام الصبح وانه نرقد من وقت


صح اني مشتاقه ربعاتي اللي ف السكن بس يالله كله شهرين وبنرد نعيش حياتنا وروتينا اليومي :ashamed:


وهييك

 

[قطوة البريمي]

ممممم

البارحه تيمعت ويا بنات المدرسه وهاليمعه نسويها بين فتره وفتره

اللي توظفت واللي تخرجت واللي تكمل دراسه واللي بعدها ما خلصت دراسه شراتي انا

الحلو فينا كلنا تخصصاتنا ف مجال الصحه


اتمنالهم التوفيج والنجاح ف مسيرتهم الدراسيه والوظيفيه


وهييك

 

[قطوة البريمي]

ممممم

اليوم استلمت نتيجتي والحمدلله نجحت ❤
بس للاسف فرحتي ما اكتملت

 

[قطوة البريمي]

مممممممم

ايام قليله وبيبدا الدوام onion head17

خطفت الاجازه وما احس مستعده للسنه اليديده بصراحه

اوني كنت مقرره اراجع شوي واذاكر بس طبعا كلها خطط فاشله

بدال ما اذاكر يلست اقرا قصص :a7m:

اعشق شي اسمه قصص اسهر عليهن وياثرن فيني واييد هههه Red fox4



وهييك

 

[قطوة البريمي]

كلمات لانشوده ادمنت عليها هالايام

بكرا أجمل



دايم اتميز عن غيري
واثق خطواتي بمسيري
وبعلمي يرقى تفكيري
حشى ولربي مصيري
احمل قلمي ارسم حلمي
عهدي قسمي يعلو علمي
ودي القى اسمي الاول
بين صحباتي الافضل
ازرع احلامي المستقبل
والقى بكرة صاير الاجمل
بين امالي دايم لحالي
حلمي الغالي شاغل بالي
دايم اتميز عن غيري
واثق خطواتي بمسيري
وبعلمي يرقى تفكيري
حشى ولربي مصيري
احمل قلمي
ارسم حلمي
عهدي قسمي يعلو علمي
اقراء عربي وانجليزي
ارسم واصوب تركيزي
اذكاري ترسم تميزي
ابني نفسي يومي وامسي
فيهم درسي تشرق شمسي .
دايم اتميز عن غيري
واثق خطواتي بمسيري
وبعلمي يرقى تفكيري
حشى ولربي مصيري
احمل قلمي ارسم حلمي
عهدي قسمي يعلو علمي
صوب العالي دايم دين
اتعلم فن الاتكيت
وبالرياضه اتحليت
احلامي فيها مانسيت
يشهد زمننني ترابي وسكنني روحي
وبدني فدواه وطني .
دايم اتميز عن غيري
واثق خطواتي بمسيري
وبعلمي يرقى تفكيري
حشى ولربي مصيري
احمل قلمي ارسم حلمي
عهدي قسمي يعلو علمي

 

[قطوة البريمي]

مر اول اسبوع ف الكليه
بصراحه كان واايد حلو
لانه هاي اول سنه حقنا نستلم مرضى ونبدا نعالجهم

مواقف وايد استوت

كنت واايد خايفه بس الحمدلله كل يوم يمر يقل التوتر والخوف

الكليه اوردي حاطه لكل طالب مريض ف السستم وحمدلله طلعت وياي حرمه عمانيه
اما ربيعتي صدموها ب هندي عمره فوق 50
ويوم يا سوناله زفه واقولها وصل المعرس وهيه شوي وتصيح من الخوف
ماشي الهندي ف نص الشغل ما طاع يكمل خاف اونه ههههههه
وتم الدكتور يقنعه ماشي يخوف وهو لا مصر انه ما يكمل ورااح وودرها

مستحيل تنساها ربيعتي اول مريض ويشرد عنها

الحلو انه ف المرضى نتدرب ونتعلم كل يوم شي يديد منهم ومن حالاتهم


ربي يسهله علينا ويوفقنا


وهيييك

 

[قطوة البريمي]

السلام عليكم ورحمة الله وبركاته

باك من بعد غياااب فتره طويله

التهيت ف الدراسه لانه السنه كارفينا كراف محترم

يوميا من ٨ لين ٥ عندنا عيادات من غير المحاضرات اللي بين العيادات

بس حلوه مستويه الداسه بالعملي ،، منها نستفيد ونتعلم اللي درسناه ونتعرف ع ناس ونتعامل وياهم

يعني بدينا نحس انه نحن دكاتره بالفعل ققق8

هالاسبوع عندنا اجازه نريح فيها ،، والخطه انه اونه اونه اذاكر بس للحسن ما صكيتشي اشوفني

بس اقول يزول بذاكر ف السكن لانه هالاجازه حق الراحه وفترة نقاهه وهيك


ماشي يديد ف حياتي نفس الروتين بس احسني عقلت واستويت حرمه ع قولت امي اوني استويت

اكثر شغيله ف البيت ،، علمني السكن الشغل :


والله ما اتمنى تخلص الداسه بسبة السكن وبسبة ربيعاتي ميم و سين

احبهم واعشقهم هالبنتين غير غير ربي يحفظهم ويديم صداقتنا للابد ،،

ع الاقل سين وياي من تفس الدار بس ميم من جعلان ف اخر الدنيا يعني صعبه نتشاوف ونتلاقى عقب الدراسه



وهيك


نلتقي وقت اخر

 

[قطوة البريمي]

السلام عليكم ورحمة الله وبركاته


حسيت عليه غبار المنتدى من زمان عنه

اشتقت ايام اول يوم نشارك ف المواضيع


حبيت اترك بصمه اليوم بما اني رجعت للمنتدى بعد ما خلصت دراسه وتخرجت واستويت دكتوره الحمدلله

احينع اقدر ارجع لحياتي القبليه وافتكينا من دراسه والتعب

ويا وقت الراحه