مشكلة كبيرة ومحد تكلم عنها !!!

[BMW740]

يا جماعه الخير حد شاف اسو اسمع عن مشكلة الديزل بالشيش فالبريمي ارجو من اي جهة مختصة انة تشوفلنا حل لهاي الازمة تجارتنا بتضيع رحمونا الشيشة تفتح ساعه وحدة باليوم وتسكر والزحمة الله لايوريكم ولين هاي الساعه انتة وحظك وصلت سيارتك او شاحنتك او خلص قبل لاتوصل اشدنها نشبة انتشبناها atch_punnch:

 

[السَعيدي]

والله كلامك صح اخوي
كل يوم نشوف الزحمة مال الشاحنات صاكه فل

الله يكون في العون

نتمنى نشوف حل حق هاي السالفه

اشكرك اخوي على الموضوع والطرح المميز

 

[كبـــــــريـاء]

دوم نسمع هالسالفة احسن تشترون سيارات تشتغل بالطاقة الشمسية هذا هو الحل ،،،

لووول

 

[الفلاحي صاحي]

كلامك صحيح وهذا من أكثر من شهرين الحين على مستوى الدولة لازم ندورعلى الطاقة البديلة مايستوي نحن عايشين كل يوم في غلاء مستمر علشان البترول وديزل ويسلموا,,

 

[بنت شيوخ]

الله يكون بالعون

 

[حشيمة القلب]

والله كلامك صح من يومين رايحين انا واخوي بالليل نشتري من مطعم والله انشوف شاحنات شو كثرهم كل هذا عشان الديزل ومسوين زحمه



نتمنى احد يلقى حل حق هالحاله

الله يعين

 

[سفير الحب]

لو يزيدوا عدد المحطات بيكون أفضل ..

 

[BMW740]

مشكورين على الردرود اخوني بس المشكلة مش بزيادة المحطات والله صدقوني لو متوفر الديزل بكل المحطات بيكفي انا بنفسي شفت كمبيوترات مال كذا محطة وماشاء الله عندهم فائض من الديزل لكن ما اعرف ليش حاكرين علية والحين نزل الوالي قرار يقول فية كل محطات الديزل يفتحن من الساعه 9 بالليل لين الساعه 10 هذا لايشمل البترول بس الديزل بس سؤااااااال ساعه وحدة شو تكفي بالله عليكم والطابور قبل لاتفتح المحطة فوق 30 شاحنة !!!!!!!!!!!! هذا شي مش معقول لازم نلقا حل لها المشكلة انا والله في واحد من الاهل عنده شركة وهي شركة معروفة اتقابلت معاه وقالي بسبب هاي المشكلة حصلت عنده خسائر الحين منو بيعوضة عن هاذي الخساير ؟؟؟؟ اكيد محد بيعوضة

 

[اليوبيل الماسي]

ياخي الديزل موجود بس ما ادري شو سالفة الساعة ، يعني تخيل ساعة وحدة في اليوم مع انه اليوم الواحد فيه 24 ساعة

لو كانت على الاقل 5 ساعات جان انحلت الأزمة بس منوه بيرمس_

بس اعتقد والله أعلم إنه عسبت سالفة تهريب الديزل ، فالوالي اتخذ هالقرار

تقبلوا مروري_

 

[alkabbi]

يالله مزارعنا ماااااااااااااااااااااااااااااااااااااااتتتتتتتتتتتتتتتتتت

الله ياخذهم هم وديزلهم

 

[دايم الشوق]

الله يعين..............

 

[أبو سلطااان]

الله يكون بالعون ...
اليزل متوفر و لكن الله يهدي البعض يستغل الدعم و يهربه خارج السلطنه ...
و هذا السبب أن الحكومه تحاول تعمل كنترول على الديزل ...
حتى لازم يكون عندكـ تصريح من المطافي إذا بتاخذ لمزرعتكـ أو مصنعكـ يحدد كميه معينه بالشهر..
عاد إذا خلصت الكميه وقف شغلكـ
..

 

[مروض الكهان]

الله يكون في عون الجميع

كان البترول حج السيارات وصار الديزل

لا اله الا الله