من حلاتهم كثرت أوصافهم

[ونه العوود]

السلام عليكم جميعاً


قبل أيام كنت يالسه وملانه وما اعرف شو أسوي "وخبصه دنيا" الموووهيم تالي قلت اسوي موضوع خاص بالأعضاء..بمعنى آخر "أكتب رايي بالأعضاء"^^طبعاً اخترت الاعضاء اللي كانت لي مواقف ماتنسى وياهم^^



نبدأ بالبنات أولاً:


تمثال التفاؤل"سيده القوووم هههههه":


تمثالينووو حبوبه فضوليه ذات اسلوب راقي جميل..تعشق السوالف والضحك "وذا الشي حلو فكل شخص"وهي مشاغبه جدا جدا جدا..بالنسبه لمواضيعها جميله وأحب أقراها أول بأول "وإذا عيبني الموضوع أدشه جم مره"..بالنسبه للقبها حبيته من يوم شفت كلمه التفاؤل فالتفاؤل راحه وشجاعه للإنسان..



أنفاس ريميه "هادئه الخُلق"


ريمووووه تتميز بالهدوووء التام متعاطفه تعاملها مع الاعضاء حلو "شخصياً أحب التعامل معها" ولها حس فكاهي أحياناً..تتميز برونق اللقب وجماله..فهو انوثي بحد ذاته..تفهمني يوم أطرحلها موضوع..بالنسبه لمواضيعها ما ادخلها كلها لأن أغلبها عن الوظائف..ولها حضور ملحوظ جداً فالمنتدى..



دلوعه وبكيفي "عاشقه مدونتها"


دلووعه تعبيري لشخصيتها لا يوصف وما اعرف من وين أبدأ.. تحب التعامل مع الاشخاص ولها حضور جميل فالمنتدى..ما اشوف لها مواضيع من انشائها عكس الايام الماضيه..بالنسبه للمدونه "24 ساعه أشوفها مجابله مدونتها" وأحيانا اييني فضووول أقول هاي شو تسوي هناك لساعات تقعد..هههههه



سوسو العبيداني "حشريه ههههه"


سوساني طيوبه ذات حس فكاهي منفتحه عالعالم..أحياناً سرها في مدونتها "ذا اللي انا شفته"..لقبها شدني وااايد أكثر عن مواضيعها..فأول ما شفت لقبها ما حبيت اتعامل معاها..وفجأه مدري من اللي راح عند الثاني الموووهيم صرنا رفيجات المنتدى هههه^^..أحساسي يقول انها حشريه ههههههه^^



المزن "لي حكاوي معاها"


مزونه سابقاً "دق التحيه جدامك عمانيه" حبيت ذا اللقب حسيته عسكري ونظامي وجي يعني..وهي طيوبه وحبوبه واحب اتعامل معاها.. حالياً ما اشوفها تدخل وااايد المنتدى ^^





والأولاد ثانياً:




ريفانج "بصمه ابداعيه لفن الرسم"


له اساليب فالتعامل مع الاشخاص..متواضع ومحترم "طبعاً كلكم محترمين"..مواضيعه طيبه ودايماً يروقن لي..بالنسبه للقب نايس يوازي شخصيته..لما ييت اشوف شو معنى "ريفانج" طلعلي "الانتقام" الانتقام كلش مب نايس يولد الحقد فالنفس البشريه**وجه نظر** من حيث رسوماته أفكار مبدعه وقويه "اللهم لا حسد"



اعتبرني مرحله "حضور ممتاز"


رائع فالتعامل له ابتسامه دائمه طفولي"من ناحيه اللقب" مواضيعه نادره "ذا اللي لاحظته" واللقب حقه نايس..إلى الامام دوما "يالمرحله" كثر من مواضيعك واكيه^^



ذيب المعاني "قصه ذا الانسان ههههه"


راقي فالتعامل والتصرفات..أحياناً فيوزاته تبدأ تشكل ههههه ومشاغب..مواضيعه طيبه وأحب القي نظره عليهن بالأخص "قسم الطرائف"..بس لا تكثر منه المعاني سويلي مساحه واكيه^^.




لي رجعه ::116

 

[ونه العوود]

من المواقف المضحكه لذيلا الاعضاء:


تمثالينوووو..مره من الايام كتبت فمدونتي اني راح اروح مسقط وجي...وانا يحليلي ايلس اشوف المواضيع اللي فالمنتدى وما يا عبالي انها بتيي هههههه تالي اشوف " تنبيه واحد" رحت فتحته وجي ألا اشوف التفاؤل كاتبتلي "بتيين مسقط!! تعالي بيتنا بيتنا يم السنتر مره فمسقط" عاد انا هني تقفطت قلت وااابوج..تالي قلت فخاطري هو عادي نروح لكن اخوي وين بيذلف ونحن مسويين جدول للروحه هههههه بحيث ان نرد من وقت ^^..



ريمووووتي..ما اذكر ان صارلي موقف معاها..بالعكس جميع المواقف كانت انسانيه محترمة^^



دلووعتي..مره من الايام قالتلي دلووعه اللي فالصوره الرمزيه ذي انتي..قلتلها ايوا انا "حبيت اسوي مقلب" المهم وطلعتلي صورتها لما كانت صغيره ههههه "قلتلها ايه لا مب قصدي جي" قالتلي انا احلى منج شوفيني ههههه وانا ناقعه ضحك والدموع يسيلن..عاد تالي رحتلها قلتلها دلوعه هذيج مب انا انا حبيت اسوي وياج سوالف...ههههههههه تخيلوا شو كانت رده فعلها 5555555555555555555555555555555555555555555555 ههههههههههههه..صفحه شطولها واشعرضها بس فيها خمسات هههههههه والله مضحك.



سوساني..ما اذكر فيه مواقف مضحكه ^^



مزونتي..مره قلتلها المزن ذي اللي فالصوره لايقه عليج يختي احسها أنج انتي لما كنتي صغيره..قالتلي لا مب انا...وانا مقتنعه انها هي قلت هاي تقص علي..والغريب ان الصوره لايقه على اللقب..قالتلي انتي بعدج مقتنعه ان ذي انا لما كنت صغيره...قلتلها ايوا تشبه تصرفاتها هاااااااااااااع..وهي تقولي ما انا ماانا..يوم شافتني مصره انها هي..غيرت الصوره ههههههه.



ريفانج..فيوم من الايام كنت بروحي فالمنتدى وكان الفليل يعني الساعه 3 جي..ويلست احاوط فالمنتدى اشوف المخالفين وارد عالمواضيع وجي..تالي رحت للمتواجدون الآن وشفت محد متواجد غيري انا..عاد انا حفظت الصفحه وحطيتها فالمدونه "كتبت يحليلي وحيده مخلايه...."فجأه اشوف تنبيه واحد..والله اني خفت اول شي قلت ما بفتحه ورحت للمتواجدون الان وبعد محد..قلت يالله نفتح ونتوكل عالله..وفتحت التنبيه إلا اشوف ريفانج..استغربت بجد كنت خايفه يعني ما ادلع.



المرحله..مافيه مواقف مضحكه ابد ^^



ذيب المعاني..انا من طبعي أحب انادي الشخص بلقب واحد ما احب اناديه بلقبين..عاد انا ناديت ذيب المعاني بـــ"المعاني" وفيوم من الايام راح لل لل لل لتغيير المعرفات وقاللهم غيروا لقبي من "ذيب المعاني" لـــ"راعي المعاني" ما اعرف شو صار المهم ما يصير يتغير اللقب هههههه...^^ وانا قلت حشا حشا بس بصراحه حلو ذيب المعاني وراعي المعاني بعد نايس^^





ودمتم سالمين

ليله شتاء

 

[أَعتبرنيْ مرحله ْ..™]

هَهِهْه أمَا سوَالفج حَلوه يَ ليلة شتاء خخ
أشكُر لِج تَحلِيلِج ^^​

 

[إحسآإسي غير]

هههههههههههه ضحكتيني بصرآآحهـ ي ليلة شتآآء قق12
يزآج الله خير ع هالموضوع الفرفوشي ::94

 

[أمير ورد]

ماشاء الله تحليلك رائع ... لا تكوني محلله نفسانيةواحنا مانعرف ...

مواقف جميلة ... لا وبعد السرد رائع جد ا... الله يعطيك العافية

تشكرااات .... احترااامات .... امتنانااات .... تقديرااات عظيمات لشخصيتك....

 

[أُنْثَے مِنْ ~ بَيَآضْ]

ههه !
جممميل جداً ..{ طريقةة سردك وتحليلك نآإيس ،

شُكراً لكِ () ..، وِفّقتِ ::89​

 

[7lm wrdy]

هههههههههههههه
انا عاشقه مدونتي

فديتني والله ::101


ههههههههه
ليله الشتاء روحي ......... وبتفاهم معاج

 

[سوسو العبيدانى]

onion head10 مدحتيى وذميتى
ما عليه بيج بكس بعدين

تسلمين ع الحش والحشيش
محد حشري غيرج يا الدبه الياابسه
والله انا حبيتج

 

[ونه العوود]

هَهِهْه أمَا سوَالفج حَلوه يَ ليلة شتاء خخ
أشكُر لِج تَحلِيلِج ^^​

شكراً المرحله عالخطفه السحريه..Red fox2

 

[ونه العوود]

هههههههههههه ضحكتيني بصرآآحهـ ي ليلة شتآآء قق12
يزآج الله خير ع هالموضوع الفرفوشي ::94

دوووم ان شاء الله ذي الضحكه..:ش11:

 

[ونه العوود]

ماشاء الله تحليلك رائع ... لا تكوني محلله نفسانيةواحنا مانعرف ...

مواقف جميلة ... لا وبعد السرد رائع جد ا... الله يعطيك العافية

تشكرااات .... احترااامات .... امتنانااات .... تقديرااات عظيمات لشخصيتك....

لاااااا حوووو مب محلله نفسانيه..بس جي الملل وما يسوي خخخخخ

قق7

 

[ونه العوود]

ههه !
جممميل جداً ..{ طريقةة سردك وتحليلك نآإيس ،

شُكراً لكِ () ..، وِفّقتِ ::89​

أعيبج :004:

نورينا كل يوم

العفو

 

[ونه العوود]

هههههههههههههه
انا عاشقه مدونتي

فديتني والله ::101


ههههههههه
ليله الشتاء روحي ......... وبتفاهم معاج

يب عاشقه مدونتج

نعم انه فديتج ويا حلاتج بها


ليله شتاء^^وابوي شووو بتسوي فيني هههه

 

[ونه العوود]

onion head10 مدحتيى وذميتى
ما عليه بيج بكس بعدين

تسلمين ع الحش والحشيش
محد حشري غيرج يا الدبه الياابسه
والله انا حبيتج

لا:imua58: بوكس:imua58: لا :imua58: بوكس

دبه يابسه؟!! من وين يبتيها؟


أنا بعد من جوات الألب:icon_smile_big:

 

[تمثال التفاؤل]

ههههههههههههه اما انتي بصرراحه فنتتتك

كل يووم يزيد حبي وتقديري لج ....::89::89

مشكووره عالتحيليل فديتج ..وهذا من ذووقج الرااقي يالغلا

اما الموقف ..ههههه قتلتيني الصراحه ..:eh_s(6):

فكره ممتاازه ...تحشي فالاعضااء ...

ماشاء الله علييج ....مواضيعج دووم تفتح النفس ..

ودووم مـتأألقه ​

 

[دانة غزر]

هههههههههههههههههه عااد وصفج ترتووب
بتفااهم ويااااج بعدين يا راعيه المواضيع الحلوووه

 

[ونه العوود]

ههههههههههههه اما انتي بصرراحه فنتتتك

كل يووم يزيد حبي وتقديري لج ....::89::89

مشكووره عالتحيليل فديتج ..وهذا من ذووقج الرااقي يالغلا

اما الموقف ..ههههه قتلتيني الصراحه ..:eh_s(6):

فكره ممتاازه ...تحشي فالاعضااء ...

ماشاء الله علييج ....مواضيعج دووم تفتح النفس ..

ودووم مـتأألقه ​

وااااي شكراً جزيلاً ههههه

والله انا قلت الصج ما حشيت فحد ^^:333:

أحم أحم :imua54:

 

[ونه العوود]

هههههههههههههههههه عااد وصفج ترتووب
بتفااهم ويااااج بعدين يا راعيه المواضيع الحلوووه

واااابوي شو بتسوين فيني :imua49:

الشباب يحليلهم مسالمين...لكن البنات يوم يقولون بتفاهم معاج تالي،حسابي وياج تالي

ايلس افكر يا ترى شو يقدرون يسووون يعني ههههههonion head10

 

[ŔξVẼήĜξ]

::118

شكراً على هذا الموضوع المرح
بصراحة أنا أحب أقرأ مواضيعج اللي من هالنوع
وأخجلتم تواضعنا بهاللكلام الجميل . .
إستمري أختي

 

[ونه العوود]

::118

شكراً على هذا الموضوع المرح
بصراحة أنا أحب أقرأ مواضيعج اللي من هالنوع
وأخجلتم تواضعنا بهاللكلام الجميل . .
إستمري أختي

العفو

::138

نورونا كل يوم