جــــــــرح الخيانـــــــــــة

[ينزف خفوقي من سبايب سهامك]

جيتك ضما مشتاق ترويني

اسقيتني كأس المر والحرمان

جيتك وله مشتاق تحضني

لميتني بأحضان الغدر يا الخوان

رحلت والحزن والهم يحويني

مجروح متألم والعدو شمتان

جلت اسافر يمكن السفر يلهيني

عن عذاب"ن"سطا بالقلب وشريان

لكن هيهات كل هذا ما ينسيني

جرح الخيانه على طول الازمان

للحين قلبي بالأعذار يغويني

يجول لا تسرع يمكن تكون حلمان

ياليت حلم ولقى من يصحيني

بس للأسف ترا القلب غلطلن

خيانته حقيقه وشهود دموع عيني

تنهمر مثل المزون إلي على جبال عمان

مقهوور وكل هالضيم فيني

تعبت السكوت والصمت والكتمان

آآآآآه تناهيد الألم حيل تكويني

وفي ضلوع القلب تشتعل نيران

شكل المنيه قربت تجيني

بتوسد اليمنى ومغطى بالأكفان

أوصيكم عند القبر لا تجيني

مابي خداع حتى فالأحزان

ووصيكم مابي حد يبكيني

يكفي دعاكم لي بالرحمه والغفران​

 

[ينزف خفوقي من سبايب سهامك]

افا ماشي رد طووول
عاد أنا يايه متحمسه هههه حتى أختي ضحكت علي يوم شفنا ماشي رد
حتى لو مب حلوه جولوا رأيكم المهم رد هههه

 

[مياسين]

هههههه ولا يهمك حبيبتي انا برد عليك هالمنتدى متوفي ما ادري شو السالفة
..

قصيدتن غاوية ~ فووول غاوية

والله يكفيك شر الخيانة ^

 

[شاعرة الليل]

صح لسانك أختي ولا هان منطوقك

ابيات جميلة رغم ما يحويها ‏​مَـٍﮯـَِنِ حزن وخيانة


لا هنتي أختي

 

[أمير ورد]

كلمات رائعة .... بصراحة رووووعة

كتابة جميلة .... وطرح متسلسل قمة في الروووعة

الله يعطيك العافية

 

[دبلوماسيه البريمي]

::94كلمات رائعه اختي ’’
تستاهلي الرد ع موضوعج ,, والسموحه ع التأخير ,, فهالزمن المشاغل وايد ’’ بووركت’’

 

[miss 6air]

حييااج الله آختيـه

محاوله غاويـه مآ غـير أباج تركزي ع شيئين

الأول / الوزن
الثانـي / صياغة الصورة الشعريه

ربي حافظج

ونتريا الزود منج

الطـير ،