انسجوها بأعلى الأصوات

[تمثال التفاؤل]

ههههه جميله مواقفكم

ونوووه ع سالفه المستشفى ههههه ذكرتيني بموووقف صار ف الاجازه ،،، الله يسلمكم مرره انا واختي صارت لنا حساسيه فاليد ،،، سبحان الله ونفس الشيء ،،، رحنا المستشفى وباباتيه شالنا المهم ،، ودخلنا عند الطبيب ،،، كان هندي ولابس نضاره كبيره كانها مال كونان ههه ،،، واول ما جلسنا قام يفحص و باباتي على طول رطن معاه انجليزي ،، وعاد جلس يكتب فالكبيوتر وكذا ،،، وانا واختي جالسين نتمسخر لما يكتب ،،، ههه ينقع بالكيبورد فوق عشر دقايق وانا واختي مطيحين تعليقات ومسخرهه ،،،على الطبيب ،،، وهو ساكت وييكتب ،،،، ولما خلص وكذا ،، طلعنا العياده ناخذ الدوا وسألتنا الصيدلانيه مع اي دكتور تعالجتوا ،،،،قالت اختي واحد هندي ،، وضحكت ،،قالت هذا عماني ،،، وانا واختي جاتنا سكته قلبيه ههههههه احرااااااااااااج وبقووووه ،،، وحتى ابوي تفأجا ع باله بعد هندي ،،،، وجلسنا نضحك على خبالنا،،،،،،،،

 

[ونه العوود]

طلعنا العياده ناخذ الدوا وسألتنا الصيدلانيه مع اي دكتور تعالجتوا ،،،،قالت اختي واحد هندي ،، وضحكت ،،قالت هذا عماني ،،، وانا واختي جاتنا سكته قلبيه ههههههه احرااااااااااااج وبقووووه ،،، وحتى ابوي تفأجا ع باله بعد هندي ،،،، وجلسنا نضحك على خبالنا،،،،،،،،



هاي الفقرة عيبتني...وانا أقرأ يالسة اتخيل الموقف هههههه...علووووه طلع عماني زين ما قال لكم على شو تضحكوا هههه ققق13

 

[تمثال التفاؤل]

هههههه اكيد سمع تعليقاتنا ،،، محد قاله استيلاته مال هنوود ،،، الشعر اسووود ويلمع من الزيت و فالنص هاك المفرق ،،،،،، يحليله ،،،،

ع فكره دومنا نغلط ،،،، وفي سالفه شبيه لها ،،،،،

كنا شله بناتيه يالسين نتغدا فالمطعم ،،، وشكلنا كيوت بغينا صوره جماعيه لنا ذكريات لاه ،،، و كان مار من عدالنا واحد ،،، قامت ربيعتي تكلمه انجلش اووونه عشان يصورنا بفونها ، ( ع بالها اجنبي ههه) ،، وما قصصصصر يحليله التقطها ،،، واول ما خلص شاف ع الصوره وبكل بروود قال :حللوه

وانا وربيعاتي ،،،كأنه احد ربط لسانا من الكلام وكل وحده تشووف عالثانيه ،،، فشششله ههههههههههههه

 

[ونه العوود]

ههههههههه...طيب انتوا تأكدوا من الشخص قبل ما كل واحد تشوفوه يمشي تقولوا له تعال صورنا حتى ولو مب خليجي...عيب :imua18:


نتريا باقي مواقفج :16:

 

[تمثال التفاؤل]

:ش5: لما نتجمع بناتيه من الاستهبال ننسى كل شيء ههه ،،، بس فيه بنات عااادي عندهن ،،، بس عندي ماحلووه ،،،بس شووو نسوي ،،، توووبه ما نعيدها مررره قق4

 

[ونه العوود]

ايوا انا قلت من الاول تمثالينوووو شطورة...خلج جي اشحلاتج

 

[ونه العوود]

يوم كنت صغيره كنت احب انط من فوق السطح بس ولا مره جربت...خفت عن انتحر والله يعاقبني SS:

 

[أَعتبرنيْ مرحله ْ..™]

يوم كنت فالإبتدائية كنت ما اعرف افرق بين أكبر من وأصغر من دايماً كنت احب اليساوي..

::134::134::134
ققق4ققق4ققق4
:شش13::شش13::شش13::شش13::شش13:​

 

[Mr.Engineer]

بسبب صراحتي واسلوبي البارد ما اذكر انه صارلي موقف طريف خلال السنوات 7 الماضية والي قبلها ماذكر شي ~_~

 

[ونه العوود]

ثعاليبوووو أبداً ابداً ولا موقف :huh-:


حاول تتذكر :ijhu::ijhu::ijhu::ijhu::ijhu:

 

[ونه العوود]

مره من الأيام استوالي موقف مع "خالتي" ههههه موقف محرج بصراحه :bangin:


يوم كنت صغيره كنت اخاف من "خالتي" وايد وايد لأن يوم تيي اتشل البيت شل...وانا ما متعوده عالصريخ والحشره والربشه...وهي بمعنى الكلمه هههههه "رباشه" فقعدت عندنا وجي تقريبا يوم كامل الموهييييم...تالي قلت فخاطري متى يتم الافراج وتروح...تالي سمعت حد يقول ان هي بتروح خلاص وفرحت فرحه لا تقاوم...ومن الفرحه قلت بصوت عالي "فكه" وأقول لكم يات من الباب الخارجي لين الصاله وقالت شو قلتي؟؟


والقلب يدق خوف خوف يعني...قلتلها ماشي قالتلي من قالج اصلاً انا بروح انا رايحه الدكان اييب شي وراجعه.



مأساه ههههههه عاد تالي أتأقلمت معاها قق23


::101::101::101::101

 

[تمثال التفاؤل]

ياهلا حبايبي رجعت لكم ثاني ..

تذكرت موقف حصلي قبل 3سنين ..وقتها كان اجازه وكنا فالخارج

وتعرفت ع شلة بنات من السعوديه وصارن ربعي هه
((اصلا تفرح اذا شفت شخص عربي في بلد اجنبي ))

المهم في يوم كنا في الحديقه نتمشى وسوالف ..
جيت انا وقلت :: خلا انرووح
ورحنا نمشي واشوف البنات رايحات صوب الحمام ((وانتو بكرامه ))
استغربت ..قلت وين رايحين !!!من هاك الصوب البوابه

قالت وحده من الربع:: تمثال انتي طلبتي الخلاء
ومارمت امسك نفسي وقممت اضضحك هههههههه

قلتلهن ::كان قصدي خلا يعني يلا نطلع من الحديقه ما قصدي حمام

فالسعوديه يسمون الخلا ..حمام وهنه فهمنها بكلامهم

هههههه مووقف ما ينتسى

))عساكم فهمتوا هههه

 

[ونه العوود]

فهمتوا فهمتوا

عيبتني طلبتي الخلاء وبكل ادب وذوووق ههههه::s1::

 

[ونه العوود]

عودنا لكوووم::17


صارلي موقف حلو



فيوم من الايام قبل اربع خمس سنوات ذا الكلام..

يا أخوي هو وحرمته وولده كان عندهم ولد صغير واحد بس..الموهيييم عاد ضيفناهم فالصاله وجي والحاله..تالي رحت اسوي غدا وذيج الايام كان حر مووووووووووووووت crazy rabbit8

الموهم أنا عقب ما خلصت الغدا على نياتي..رحت يم امي فالمخده حقتها وحطيت راسي وفجيت شعري وغمضت عيوني..حتى ارتاح صح :imua40:


وولد اخوي كان يالس يشرب حليب..وأقول لكم مدري شو ياه إلا يااااااي صوبي..وامي تقول ونه العووود هــــا هــــا...وانا خبر خير


تالي يا ولد اخوي ومط شعري بالقووووووو..وانا رحت سحبت فالينته..قتله ليش تمط شعري

قالي كوكوه هههههههههههههههههههههههاي


تالي امه شلته خافت عن اكفخه ههههه..وكلما يشوفني انام يم امي ايي ويسحب شعري واحيانا يضربني..طيب انت عندك أم روح ادلع فيها سويلها حركات...ياي تسرق امي ايه والله ذا اللي ناقص


ويحليله هو كان ما يتكلم ههههههه:cupidarrow:

 

[الملكه A.J]

كح كح انا يييت :imua12:
طبعا انا مواقفي كلها قفطه في قفطه كله اتفشل حليلي crazy rabbit4


فالمدرسه كانت عندي اربيعه تفهمني من نظرتي ومانخلي مخلوق ما نتمصخر عليه
المهم كانت معلمة الجغرافيا علينا وهي لابسه كندوره لابستنها بالامس ..
وانا عاطتنها ظهري وما اعرف انها وراي
جان اقول حق اربيعتي :فلانه جنه هالكندوره امس لابستنها المعلمه ..............
الا القى دحه ف ظهري قالت: ومب جنه انتي مب منتبهه .. قفط ويهي ساعتها وماعرفت شو اسوي ولين يومكم ماحطيت عيني ف عينها بس ما اتوب ::94::94

 

[تمثال التفاؤل]

هههههههههههه ذكرتيني ب ابلة الجغرافيا مالتنا

هاك اليووم مدري شو بلاها معععصبببه فوووووووووول

وخبرتنا انه الحصه بتكوون فالمكتبه ..ويلي يتأخر ب ب ب ((تهدد))

المهم انا وربعاتي ,,رحنا نركض المكتبه عشان ما نتأخر ..

وشفت بنات من بعيد ف كلاسنا متأخرات ويمشن عالراحه ..وانا واافقه عند باب المكتبه ووعاطتنه ظهري ..واصرخ للبنات ::ايييييييييه سررررعن تراه الابله معصصصصصصصصصصصصصصبه مررررررررررررررررره ..

ولفيت ظهري الا واشووف الابله قداامي هههه ياااهو ..طااح شكلي ..وهي تشووفني بنظرات اعووذ بالله...وربعاتي هناك منقعات فالضحك علي ..وانا متفشلله مرره​

 

[ونه العوود]

صثب


وينكم عن ذا الموضوع..::s31::

 

[ونه العوود]

قق14قق14قق14قق14قق14


يوم كنت بالاعداديه "إذا م خانتني الذاكره" كان لازم اني اسلم شي حق المدرسه..وكنت فرحانه حيل لاني خلصته وجي...وكنت اريد اقص شي بالمقص..وكان الفجر هههههه

ورحت يبت المقص وكنت مخرفه..وبالغلط قصيت صبعي ذيج الوسطى
ولين الحين موجوده العلامه كلما اشوفها اتذكر بيتنا الجديم واتذكر المكان اللي استوالي فيه :imua15:


نــــــــــــــــــــــايس كان :imua39:

 

[زهرة الجوري]

تسلمين على الموضوع ليلة شتاء دومج
أإآبدااع يعطيج العافيه..


بقولكم موقف صارلي,,
في مره من المرات كنا سايرين المبزره ومن نزلنا على طول سرنا صوب الماي انا
وخواتي العزيزات.. والأهل يلسوا فوق العشب
المهم خواتي دخلن ريولهن في الماي وانا كنت يالسه اصور وعقب شفت خواتي متحمسات ويقولن الماي حلو ويلسن يرشني.. وكان عدالنا بنات وحريم بعد حد مدخل ريوله وحد يالس يطالع.. انا عقب تحمست حطيت الفوون بعيد عن الماي ودخلت ريوليه وكنت لابسه نعالي وعقب النعال انفصخت من ريولي وعقب يلست اصرخ نعالي نعالي الماي شلها والبنات يشوفني ويضحكن وخواتي ميتات ضحك علي
بعدين وحده جابتها حقي قلتلها شكراً هع
لبست نعالي و رحت من هناك بكل برودة اعصاب تفشلت وخواتي يلسن يزقرني بس انا طنشتهن لان البنات يطالعني حسيت بإحراج
اخبركم تفشلنا..
اكره المواقف المحرجه::s23::

 

[ونه العوود]

هههههههه الحمدلله طلعتي ناشفه خخخخخ ققق13