عذب القوافي
¬°•| مجموعة تفاعل لأجل البريمي|•°¬
يا موطني خيرك مثل خطفة رياح .. يزور دايم بس منهو مستفيده
هذا يباله بيت بايجار وارباح .. مسكين يبغي هالحياه السعيده
وهذاك يبغي مهر زوجه بالافراح .. يبني ويحلم عيشةٍ مع وليده
وانا وانته نبغي اليوم إصلاح .. ما دام شفت الحال بيدي وإيده
الحال واحد وسرنا اليوم بيّاح .. انته تقول وهو يعيد وانا بعيده
بيزاتنا قلّت سلب نومنا صياح .. يا خوف نوصل للفقر ع الحديده
حالٍ وصل ذا اليوم والحال يجتاح .. أرضٍ تهل الخير نعمٍ عديده
انته بشهاده حالك اليوم كد طاح .. والواو تحمل غيرنا وش تفيده
ناسٍ تبات أمراضها بايد جراح .. وناسٍ بمال الغير تسفر رغيده
المشكله باتت بليلٍ وإصباح .. قصه رواها هالأبو حق حفيده
وراتبه ما يكفي وهالحال ذبّاح .. مصرف فواتير وأشيا يديده
هم المدارس تتعب القلب برماح .. وكل المواتر والمصاريف أكيده
أفعالهم باتت مثل قبضة سلاح .. تصد عن هذا وذا تصيب سيده
المغزى واضح وآخر الدرب مفتاح .. لكل قفلٍ تملكه لك تريده
إن كان عندك واسطه عشت مرتاح .. وشفت الحياه المقبله الرغيده
وان كان حظك هالشهاده بتنزاح .. تيلس فبيتك عافسٍ هالجريده
شو حد هالمسمار بالطرق ما راح .. وشو حدّنا غير أحوال شديده
الدنيا تظلم وواجب نلاقي مصباح .. مصباح خير في حياةٍ عنيده
خلك فطين وخل هالعطر فوّاح .. أفكار عقلك غاليه مب زهيده
يا رب عسى ما طار طيرٍ وناح .. ارزق عبادك واعط والخير زيده
:imua33:
وسوآآآآآآآلم
وسوآآآآآآآلم
