كيكة العش تطبيق أختي ( موت وميلاد )

[الشامسية]

السلام عليكم ورحمة الله وبركاته

هذي الكيكة من عمل اختي طبعا هيه نزلتها قبل بس بدون خطوات حبيت الحين ارارويكم الخطوات

نبدء بالمقادير :



2كوب طحين منخول + ملعقة كبيرة مليانه بيكنج بودر يخلط في وعاء مع بعض ويترك جانبا

كوب ماء مضاف إليه 2 ملعقة كبيرة مليانه حليب بودرة ويترك جانبا

يعني الطحين والحليب تيرك جانبا

وبعدين نخلط
3 بيضات - كوب سكر - ثلاث ارباع زيت ( فوق النصف بشوي ) - ملعقة صغيرة فانيليا ( او غطاء الفانليا واحد)

يخلط مع بعض بالخلاط الكهربائي او بالخلاط اليدوي

بعد الخلط

نضيف الطحين والحليب ( ملعقة طحين وشويه حليب ونخلط وهكذا لحد ما نخلص كل المقادير )

وهنيه خلصنا نحط الخليط في صينيه مدهونه بالزيت ونرش شوية طحين عشان ما تلصق عند قلبها

​

وندخلها الفرن من الاسفل وبعد من تنضج نحمرها من الاعلى


بعد ما جهزت من الفرن
​

نقلبها بعد ما تبرد ونصب عليها حليب مكثف وشعيرية بكستانية

والبيض عبارة عن نارجيل ( جوز الهند ) نصب عليه حليب مكثف ونعمل منه كور

والحمامة أو البطة عبارة عن نارجيل وحليب مكثف وشوية ملون طعام باللون الاصفر
والمنقار حبة صنوبر والعيون عبارة عن حبة مسمار

وهذا الشكل النهائي

وبصحة وعافية
​

 

[راعي الفزعــهـ]

ماشالله عليج:imua47:

 

[موت وميلاد]

يزاج الله خير اختى ع تنزيلج للموضوع

وان شاء الله نفيد ونستفيد من الجميع

ما قصرتي.....

 

[الشامسية]

ماشالله عليج:imua47:

مشكور اخوي على الرد الطيب
تعال كل يوم red-crab13
موفق ان شاء الله​

 

[الشامسية]

يزاج الله خير اختى ع تنزيلج للموضوع

وان شاء الله نفيد ونستفيد من الجميع

ما قصرتي.....

تسلمين اختي العزيزة عادي هذا واجبنا
ان شاء الله الكل يستفيدون من الطريقة
موفقه غاليتي :imua47:​

 

[«|شمُوخْ|»]

بسم الله الرحمن الرحيم
السلام عليكم ورحمة الله وبركاته


طريقه رائعه وبسيطه والنتيجه اروع
تسلمين خيتو ع الطريقه


لا حرم

 

[[ود]]

ما شاء الله
الفكرة عجيبة
و التطبيق فنان وعجيب
تسلمين موت ميلاد كفو
و شكرا الشامسية
عوافي
​

 

[ŔξVẼήĜξ]

ما شاء الله
شو هالفن
بصراحه إبداع ولا أروع
كل الشكر

 

[شما55]

تسلمييييييين عالوصفه
يعطيج العافيه

مبدعه بحق