كلية البريمي الجامعية وتخصص القانون

[هل البريمي]

نحن طلاب سنة اولى قانون بكلية البريمي الجامعية وقمنا بتسجيل قبل 6 شهر على اساس 4 سنوات بدون شروط .. واليوم تفاجاءنا ونحن في قاعة المحاضرات
بأحد موظفي الكلية وهو يقول هناك مساق اجباري جديد ويجب علينا التسجيل فيه والا لن نقدر ان نكمل باقي المساقات والمادة هي ( i c3 ) ويجب دفع رسوم 150 ريال !!!:منتزق:
يا مسؤول الكلية لماذا لم تشترطوا علينا عند التسجيل واخبرتونا بعد التسجيل ؟!
هل هذه خدعة جديدة ... والله اعلم ماذا بعد ذالك
سؤالي للتعليم العالي هل يحق للكلية بأن تجبرنا على مساقات اضافية بعد الدراسة ؟
في الحقيقة الكل تفاجاء لأننا لو عرفنا بأنه توجد مادة اجبارية لما سجلنا في هذه الكلية .. والكلية لاتوجد بها نظام و اختلاط فظيع وازدحام وجدول الحصص في اوقات الصلوات ...
يرجى من مسوؤلي كلية البريمي الاهتمام اكثر بشؤون الطلبة لاننا بصراحة من اول اسبوع ( طفرنا ) ... وسلامتكم

 

[أحمد الشامسي]

الله يعينكم اخوي ..
اذا هذي بدايته الله يعينكم بعدين ..

لازم تشوفلكم حل وياهم ..

 

[طويل العمر]

من ناحية المساقات ادارة الكلية ما تقدر تظيف اي شي بدون علم وزارة التعليم العالي وهذا يا اخوي شي مفهوم ومفروغ منه ... مسالة الاختلاط هم فالكلية مجبورين صدقني فيها بسبب انه معظمهم موظفين وعندهم توقيت ومجبور فيه ويريد يدرس تقدر تلومه انه عنده طموح .... مسالة التوقيت هذا يحده اكثر من جهه تفرغ المدرس الي بيعطيك الماده تفرغك انته ... الخ يعني الموضوع كبير ومتفرع ومن ناحية انك طفرت الله يرضى عليك طبيعي اول اسبوع مش متعود انتظر مع الوقت بتحب الدراسه وربي يوفجك
حاس عمري دكتور فالكلية حللت الموضوع بالكامل قق23

 

[قماااااااااري]

مرحبـــآ هل البريمي
اول شي مشكور على طرحك للموضوع عشــآن الكل يستفيد
نعم الكلية طرحت هذا المساق ولكن ليس بإرادتها وانما اراده التعليم العالي
يعني التعليم العالي فرضو عليهم يدرسون ماده IC3 لجميع طلبة القانون والطلبة المستجدين لعام 2012 انا كنت عند المجالي وبروحي سمعت هالكلام
وثاني شي بالنسبة للوقت يــآخوي الدكتور يكون ملتزم باوقات معينة وما عنده الفرصه انه ياخذ كلاسات اكثر او ان يغير الوقت على كيفه لان فنفس الوقت انت راح تواجه تعارض ف بعض الاوقات و بالنسبة للصلاه انا اللي اعرفه ان كل الدكاتره يعطون الطلاب وقت حق الصلاه ف عندك الربع ساعه بعد المحاضره و الخمس دقايق قبل بدء المحاضره الثانيه ..
اما بالنسبة للاختلاط فـ هذا شي طبيعي جامعة او كلية خاصه راح تحصل فيها اختلاط و غير كذا في نسبة من الموظفات المجبورات يداومن مسى و في طالبات مجبورات يداومن مسى لان تخصصهن ما موجود الصبح او بالاحرى ماشي كلاسات صبح
و لا تنسى ما شاء الله هالسنه كان في نسبة كبيره من الطلبة المستجدين ..
اما بالنسبة انك طفرت فهالشي راجع لك ولنفسيتك حاول تتقبل الوضع وبعدين هالشي مؤقت وبتتعود عليه ان شاء الله ..
تمنياتي لك بعام دراسي موفق ...
السموحه على الاطاله ... تقبل مروري .. ؛؛ آختك قمـــآآآري

 

[الباشق]

الاختلاط من أكبر المفاسد ،، وأنصح اللي عنده بنت ما يدرسه في أي كلية مختلطة لأنه يوم القيامة الله بيسأله عن رعيته .. أفيقوا يا مسلمين ...

 

[s3r3]

مساء الخير .
بخصوص مادة ال ic3 هم ما فرضوها علينا من فراغ بالعكس هذا قرار عمم على جميع الكليات و الجامعات ولم يخصص فقط لكلية البريمي .
و بخصوص اوقات الصلاه فعلا يعطونا وقت اول المحاضره و اوقات اخر المحاضرة ، اما سالفة الاختلاط ترا حتى الوظيفة مستقبلا تكون مختلطه .

 

[أبو كاسب]

الاختلاط مطلوب في هذا الوقت نسأل الله العافية والسلامة يبغون يعولموكم غصب واللي يتكلم قالوا متخلف ورجعي لكن الرجال ماتوا

 

[وئام]

تطور الشعوب بالوعي والتعليم والثقافه والاحترام والرقي في الأسلوب والتعامل
تحمل هذه العناوين داخلها أخلاق الرجال والنساء ولو كانو في نفس الطريق لا أن يمنعن وماخفي أعظم والممنوع مرغوب نحن في السودان دوله اسلاميه درسنا كل مراحلنا الدراسيه مختلط ولم يبدى اي فساد بقدر ماهو موجود في دول عربيه أخري تدعي المحافظة
تخرجت من كليه القانون وكان معي رجال ونساء متميزين في المجال وقمه الأخلاق والوعي اللي يريد يدرس ويكون واعي ومحترم يقدر واللي مايريد تلاقيه بالنهار مطوع والليل يعلم الله وهدانا الله وإياكم لمايرضاه وكل خير