اكبر قهر

[امواج القدر]

اكبر قهر لاجيت تعشقلك انسان
واللي تحبه ساهي ماداري بك

واكبر قهر تحلم وتحلم لك ازمان
ويطيح حلمك ميت عند بابك

واكبر قهر تبني من السنين بنيان
وتشوف بعض بنيك ماتعدى ترابك

واكبر قهر تسقي الورد بستان
وتموت بين ايدك زهلاة شبابك

واكبر قهر تارد البير ضميان
وتشوف بعض الطين حايس شرابك

واكبر قهر لاصرت ضايع وعطشان
ونفس الطريق الي يوديك جابك

واكبر قهر صاحبك لا جاك خوان
لابحت له باسر راح ووشى بك

واكبر قهر تعطي وتعطي علشان
تاخذ وعفب كل العطايا حسابك

كل ماسبق ذكره على الشوف ما كان
حفنة حروف مع بعضها نشابك

ماهو هرج يعجن بفم وللسان
ولاهو عود بكسرة حد نابك

ان كنت فيما قلت مخطي وغلطان
اترك خطانا وانت عطنا صوابك

 

[وحي القلم]

قصيدة جميلة ,,, اختي لو تخلينها في قسم المنقول ,,, عذرا ​

 

[امواج القدر]

وين هاقسم هي وايد حلوه

 

[ونه العوود]

واكبر قهر تحلم وتحلم لك ازمان
ويطيح حلمك ميت عند بابك

مريت بها المقطع..فالقصيده على بعضها جميلة...تقبلي مروري:ش12:

 

[وحي القلم]

وين هاقسم هي وايد حلوه

يا اختي منتدى الشعر والقصيد يحتوي على قسمين ,,, قسم مخصص للقائد المنقولة ,,, وهذا القسم هو فقد للشعر من نظم الاعضاء انفسهم ,,

القصيدة حلوة ووذوقك في النقل ما عليه غبار هذا فقد حبيت اوضح انه المفروض تكون في قسم القصائد المنقولة ​

 

[`¤*«مُحمدْ البادِيْ»*-¤]

كلمات جميلة أخيتي الكريمة وبديعة تسلمي عليها بارك الله فيك

 

[حكاية روح]

ماشاء الله انتقاء جميل . . ذويقة ^^
يعطيج العفايه ع الانتقاء الطيب ..
،
وتم نقل الموضوع من قبلي إلى قسم البريمي للقصائد المنقولة
ودي وعبير وردي​

 

[امواج القدر]

تسلمون عزيزاتي :ijhu: ع تنبيه وع مرور الطيب

 

[ˇعنودْھَہ ♡]

قصيده رائعه وابيات اروع
يعطييج العافيه خيييتي
ع النقل الرائع
،
نتريا اليديد من صوبج
تحياتي لج