جديدة ف المنتدى وأبي مساعدة

[روااابي]

شخباركم بنات أنا جديدة ف المنتدى أبي منكم تساعدوني ف طريقة تثبت البخور والعود ف الملابس وف غرفة النوم أطول فترة ممكنة بليز

 

[`¤*«مُحمدْ البادِيْ»*-¤]

إن شاء الله أنقل طلبك للجميع وتحصلي مطلوبك إن شاء الله

 

[المزن]

والله م عندي فكره
تفيدج
بحاول ابحث
وان شاء الله الاعضاء يساعدوج

 

[أم حمودي]

ما اعرف اسفه اختي

 

[روااابي]

ثانكس ع ردودكم.

 

[اسْتثنَآأإآئيَـہ]

السلام عليكم ورحمة الله وبركاته


هلا بيج اخت روابي


بخصوص الملابس

بعد الكوي علقيهم فـ الدولاب وخلي البخور فيه وصكري الدولاب لدقايق بس

يعني لحد ما تشوفي البخور صار يطلع من اطراف الدولاب

وبعدها طلعيه وصكري الدولاب

حاولي لا تفتحيه فتره طويله عشان يظل البخور داخل ل اطول مده

××

وبخصوص الغرفه


لما تبخريها حاولي بعد لا تفتحي الدرايشه كثير ولا الباب

انا كذا اسوي
وماشي حل غير كذا

وإلي معاها طريقه ثانيه تفيدنا ^_^


​

 

[روااابي]

اختي مشكورة ع الرد بس أنا أسوي طريقتج بس تكون الريحة فترة بسيطة بعدين تروح أبي شيء يتم فترة طويلة.

 

[ŔξVẼήĜξ]

عليج بالبخور الأصلـــــــــ Original ــــــــــي
ريحته قوية وتثبت .. اشتريه من المولات والأماكن المعروفة

 

[ورد نيلوفر]

||~ إذا بالنسبـة للعطـور بشكـل عـام فالأفضـل انها تكون في مكان بـارد

ولو بالثـلاجة .. بعد ماتحطيها وترشي على الملابس تثبت الريحة لـ فترة طويلة

مـوفقة أختي ^^

 

[بنج العشق للعطور]

السلام عليكم
حياج الله روااابي


تقدرين تثبتين ريحة البخور كان ما يكون نوعه
بمثبت البخور الخاص أو بالماء أو بمعطرات الجو


نبدأ بـ مثبت البخور تشترينه من البازار أو اي محل يبيع بخور
ويثبت البخور لان ريحته اساسا فيها شوي من ريحة دهن العود
بخري الغرفه او الملابس وخلاف رشي بالمثبت.


اما معطر الجو .. تسوينه بنفس الطريقه للغرف .


وتقدرين بعد اذا مسحتي الارضيه بالماء تبخري
لأن البخور يمسك في الاماكن الرطبه.


وقفلي الغرفه وخلي البخور فيها وخلي كل غرفه مقفله دايما



أو بخري و الارضية مبلوله و بخي عطر رجالي على ريحه شرقيه
و صكي الغرفه وان شاء الله بتثبت


حطيها معلومه ان البخور يثبت في كل بيئة مبلله
حاولي تبخرين الملابس المبلله وشوفي النتيجة.


بالتوفيق لج أن شاء الله​

 

[doodeti]

سؤالج وآآيد مايباله تفكييير حتى:ش5:

حطي المدخن فالحجره وسسكري الباب ولاتفتحين بالمرره خليييه يعنى لحد ماتصير الحجره جي نفس الضباب::=|::

واذا على الثياب حطي المدخن فالكبت ودخني ثيابج وخليه شوي وطلعيه ولا دخني ثيابج وعلقيهم بالمرره وسسكري الكبت مابتروح الريحهه

بس اذا انتي سسويتي هالاشياء والريحهه تروح سرعه ممعناته الدخون الي تستعمليه مب آوكي تروح ريحته بسسرعه ختاااري دخون معطر ولا عوود معطر :imua41:

 

[بنت محضه]

ماعندي زوود عن اللي قالوه اللي قبلي
بس في نقطه حبيت الفت انتباهكم
في سالفة وضع المبخر تحت الملابس فالدولاب هذي خطيره وانتبهوا...
السلامة أولا

 

[سوسو العبيدانى]

:imua56: اهلين قلبووو الله حيهم المزاايين

سمعي يالغاليه يبي عطر عوود مركز اللي يعجبك
ضيفيه في بخااخ مااء وضيف معااه ماااي بعد
ورشي ملابسج وهما بالكبت وعطري الفراش والكنبات والستاائر
وحتى السرير......

شي الثاانى خذي الشيت بد
وسكبي عليه عطووور جد ما تقدري وحطي عليه بخووور
ودخليه بكيس وغلفيه عدل عدل عدل عدل
وحطيه بالبرااد بالفريزر اسبوووع

وطلعيه وفرشيه تحت فراش السرير
يبقى مده يطلع ريحه حلووه

واما البخووور
عااد تستخدميه زيااده انك تبخرين الغرفه
وهو شي جميل تغيري الروااائح

ربي يسعدج الغلا

 

[«|شمُوخْ|»]

ان شاء الله تكونين استفدتي
من تجارب ونصائح الاعضاء

احترامي وتقديري

​