بيتزا من صنع بنت البريمي ودانة البريمي ( تفضلوا ويانا )

[بنت البريمي]

هااااااي عدنا إليكم من جديد ..


اليوم أنا ودانوه سوينا بيتزا لذيذة وصورناها وقلنا بنحطها حقكم اذا تبون تسوونها ..


العجينة بواسطة : دانة البريمي
الحشوة بواسطة :بنت البريمي


نتترككم مع المقادير وطريقة العمل ...

المقادير :

العجينة :

3.5 أكواب طحين
1.5 ملعقة صغيرة خميرة
1.5 ملعقة كبيرة حليب نيدو
.5 ملعقة صغيرة ملح
2 ملعقة صغيرة سكر
.5 فنجان زيت
ماي لحد ما تتماسك العجينة .. وتخلونها تقريبا ساعة لحد ما تتخمر .

اذا صارت العجينة عندكم وايد لينة وتلزق ف يدينكم مب مشكلة حطوا زيت زيتون شوية وعجنوها لحد ما تتماسك وتطلع أوكي ..

الحشوة :

2 حبة بصل ( هع هع تحولت هندية ) بالعامية راسين بصل كبار شوية خخخخخخخ
2 حبة فليفلة
2 حبة طماط كبير مب وايد صغير ..
زيتون ( على حسب الرغبة إذا تبون أخضر أو أسود وأخضر مع بعض )
بهارات وملح
صلصل ..


كيف تسوون الحشوة :


أول شيء تقطيع البصل قطع صغيرة ويحمر ف النار مع الزيت وبعدين تقطعون الفيفلة قطع صغيرة وتحطونها ويا البصل لحد ما ينضج بعدين دور الطماطم تقطعونه وتحطونه لحد ما يذبل وتخلطونه لحد ما يستوي عقب تحطون الزيتون والصلصل والبهارات والملح وتخلطونه وبتطلع الخلطة ولا احلى ....

بعد ما تخلصون الخلطة وتكون العجينة تخمرت ..
نبدأ نفرد العجينة ونقطعها بواسطة كوب على شكل دائرة او صحن صغير عشان نحصل على دوائر صغيرة ( طبعا بكيفكم تبونها دوائر صغيرة او تفردونها كلها وتسوونها كبيرة بس يفضل صغيرة تطلع احلى هع هع )
تصفون الدوائر ف صينية الفرن وتحطون الخلطة فوقهن .. وبعدين تحطون جبنة موزاريلا فوقهن كخطوة أخيرة ..
عقب تحطونه ف الفرن لحد ما ينضج ..


ودمتم سااااااااالمين ..

وهاي الصورة الله يسلمكم :

 

[منوة الروح]

مشاءالله عليكم


شكلها لذيذة وتشهي ^^


نتريا اكله ثانيه ..

 

[ذات أثر]

^^

يالحرامياتــ،، سارقاتــ،، طريقتنا لووول ^^

كح ،، كح ،، أحمــ،،

والله شهيتوني للبيتزا

واايد روووعة ،، سئلوني أنا !!

ويصلمووو بنت البريمي & دانة البريمي على الموضووع الكشووخي

ننتظر المزيد ( حطوا مالتــ،، البشمل مالتكم ،، ولقيمات دانة البريمي كشخة ،، ولا تسون الكيما من ايدين بنت البرييمي لووول )

و السموحة

!!

 

[ورده جوريه]

تسلمن على الطريقه الحلوه
بس المره الثانيه لاتنسن تعزمنا....ههههه
نتريا اكلات ثانيه....

 

[ᗩl - ᗰaha]

يـــاي ,, شكلهــا حلــوو ,,
يسلمــوو ,, بنت البريمــي ,,دانــهـ البريمــي ,,
ننتظــر يديــدكمـ ,,​

 

[بنت البريمي]

منوة الروح : تسليمن الغلا ع المرور الطيب ..

خافق : هع هع حبيبتي مب حرامية شوية غير خخخخخ .. ولا يهمج بنحطلج اللي تبينه ؟؟!! هع

وردة جورية : مشكورة الغالية عا لمرور الروووعة .. ولا يهمج تعالي بدون عزيمة وقولي أنا وردة جورية وذيج الساعة فالج طيب خخخخ ..

ريانة العود : مرورج الأروع الغلا ... تسلمين من ذوقج ..

 

[جروحــ دفينه ــي]

atch_omlt:


يالله نقطه ضعفي البيتزااااااا

شكلها حلووو >>> أكيد طعمها احلى


مره ثانيه يوم تسووون طرشولي على الخاااص



يعطيكم العافيه ,,​

 

[الكعبية]

يااااااااااااااي

احلى اكله عندي البيتزا

والله شهيتوني

 

[ناصر الخميساني]

من كم من يوم مسوي بيتزا..


وشليتها رحلة مع شباب المدرسة السابقين..

طلعت رووووعة..


وقلت بحطها ف المنتدى بالصور..

لكن بعدين..

بندت علي الكاميرا..


قلت أسويها واحطها ف وقت ثاني..

واتحداكمـــ..




تحياتي لكم..

 

[بنت البريمي]

جروحي دفينة : تسلمين الغالية ع المرور الروعة .. هههه شراتي يعني ..

الكعبية : تسلمين الغلا ع المرور الغاوي وربي يحفظج ..

المهندس : ههههه اوكي نترياك عيل ونقبل التحدي هع هع ..

 

[بنت شيوخ]

شكلهاااا حلو

وسهله بعد

 

[بنت البريمي]

تسلمين البرنسيسة ع المرور الغاوي ..

 

[gmar]

امممممممممم


شكلها لذيذ واااااايد


ننتظر المزيد .......


واتمنى عزيزتي تشاركينا بمسابقة ( مطبخي في رمضان )

 

[السَعيدي]

ما شاء الله عليكن

شكلها روعه

احسن من البيتزا الي تسويها حقنا الشغاله
خخخخ
دوم تحرقها من تحت
هههه


الموضوع كان يستحق وسام التميز لكن المشكله انه تقدم بيوم

بس ما عليه

انا شخصيا اتريا مواضيعج القادمه واكيد بكون متابع لها

 

[بنت البريمي]

قمر : تسلمين الغالية .. ان شاء الله الغلا .. اذا فيه فرصة بشارك فالج طيب ..


الأرجنتيني البار: مروروك يشرفني أخوي .. وربي يعطيك العافية ع المرور الغاوي ..

ههههههه قولولها لا تحرقها مرة ثانية خخخخخخ ...


دمتم بود ..

 

[قطوة البريمي]

حلااااااااااات البيتزاااااااااا مالتكم

يسلملي الاياااادي

 

[بنت البريمي]

تسلمين حبيبتي ع المرور الأحلى ..

يعطيج العافية ...

دمتي بود ..

 

[كنوزالبلوش]

والله اشتهيت البيتزااااااااااا

يسلموووووووووووووو الغاليات ع الطريقة

 

[بنت البريمي]

تسلمين فديتج كنوز ع المرور الكشخة ..