مشكلة مع محلات الخياطة في محافظة البريمي

[زهرة الأوركيد]

السلام عليكم ورحمه الله وبركاته

اخواني وخواتي الاعزاء بصراحة في شي بغيت اتناقش وياكم فيه بخصوص الخياطين في محافظتنا الكريمه ليش الخياط لما نوصله الملابس قبل العيد بشهرين او ثلاثه يعطينا موعد ولما نروح يقول بعدهم ماخلصوا الملابس انتوا انتظروا نحنا اول بنخيط الملابس اللي تينا من خارج البريمي ونحنا ملابسنا يخلوهن للايام الاخيرة بحكم انا نحن ساكنين هنيه وهذيلا من بعيد على اي اساس الخياط يسوي هالشي وين نحنا حقنا في هالشي بغيت تفسير لهالشي .......

ومنكم السموحة .....​

 

[HuDa ']

وعليكم السلآم ورحمه الله وبركآته
,
ما ادري لاني مو من البريمي
بس لما يتاخر ف ف انه يخلص ملابسكم ف الموعد المحدد
يمكن يكون معه ضغط ف الشغل
,
اما انه يخص الناس اللي مو من البريمي فانا مدري
يمكن الاعضاء يفيدوك اكثر

,
^^​

 

[мά∂εмσίşάĻĻe]

اممم اكيد مضغوطين في الشغل
يعني تخيلي عدد القطع اللي يفصلهن في اليوم
او حق العيد يعني واااااايد
عشان جيه يكونون معذورين

 

[المزن]

ما ادري ماصارت معنا ><
بس مثل ما قلت اختي يمكن مضغوطين ؟:65:

 

[غاوي]

لانه ما يحب يردكم وهاي فرصته عقولتهم وقت الحصاد
يعوض عن سنه كامله

 

[سألملم تبعثرآتي]

انا ما اندل والله
بث يمكن اللي يساعدو البوس هم المتخلفين
وعاد يتأخرو
والله اعلم:dunno:

ولا نحن بصراحة يكون غدا العيد واليوم واصلات الانسات ملابس هههه ^ــــ^ وعادي

تحياتي اخيتي سلمتي ^ــــــــــــــــــــــــــــــــــــــــــــــــــ^

 

[زهرة الأوركيد]

وعليكم السلآم ورحمه الله وبركآته
,
ما ادري لاني مو من البريمي
بس لما يتاخر ف ف انه يخلص ملابسكم ف الموعد المحدد
يمكن يكون معه ضغط ف الشغل
,
اما انه يخص الناس اللي مو من البريمي فانا مدري
يمكن الاعضاء يفيدوك اكثر

,
^^​

تسلم اختي على مرورج الطيب بس المشكله هما مايعطونا الملابس في الموعد اللي بيسجلوه في الفاتورة يعني معقوله نطلع الملابس ليله العيد ......

 

[زهرة الأوركيد]

اممم اكيد مضغوطين في الشغل
يعني تخيلي عدد القطع اللي يفصلهن في اليوم
او حق العيد يعني واااااايد
عشان جيه يكونون معذورين

تسلمين الغاليه على مرورج انا مااقول مانعذرهم بس ليش عشان نحن سساكنين في البريمي مايخلصوهن

الله يعطيج العافيه..

 

[زهرة الأوركيد]

ما ادري ماصارت معنا ><
بس مثل ما قلت اختي يمكن مضغوطين ؟:65:

مشكورة الغاليه على مرورج احسلج ان مايصير معاج هالشي والا تخيلي تحصلين ملابسج ليله العيد ..

الله يجزيج الخير

 

[زهرة الأوركيد]

لانه ما يحب يردكم وهاي فرصته عقولتهم وقت الحصاد
يعوض عن سنه كامله

الله يعطيك العافيه اخوي على مرورك الطيب ...

بس نحن بعد لنا حق في انه نحصل ملابسنا من وقت وخاصه انا نوديهن قبل العيد بشهرين او ثلاثه وصدج هو مثل ماقلت هذا وقت حصادهم بس المفروض ماياخذون ملابس اكثر من طاقتهم ..

الله يعطيك العافيه .

 

[زهرة الأوركيد]

انا ما اندل والله
بث يمكن اللي يساعدو البوس هم المتخلفين
وعاد يتأخرو
والله اعلم:dunno:

ولا نحن بصراحة يكون غدا العيد واليوم واصلات الانسات ملابس هههه ^ــــ^ وعادي

تحياتي اخيتي سلمتي ^ــــــــــــــــــــــــــــــــــــــــــــــــــ^

تسلمين فديتج على مرورج والله نحنا نعاني من هالسء بس ماحلوة ان الخياط يقولج في وجهج والله انتي ساكنه هنيه وانا بخيطهم بعدين قبل اخلص اللي عندي وانتي موصله ملابسج من كم شهر..

الله يعطيج العافيه .....

 

[انسياب حرف]

يُنقل للقسم المناسب
بوساطة / انسياب حرف​

 

[رجل طموح]

مرحبا اختي :- عدم انجاز الخدمة في الوقت المحدد لانهائها يعتبر مخالفة صريحة لنص المادة (2/هـ) من اللائحة التنفيذية لقانون حماية المستهلك ماعليج الا تبلغي وامورج طيبة خصوصا اذا كان تاريخ التسليم محدد في الفاتورة....تحياتي