بن يعقوب
¬°•| عضو مميز |•°¬
السلام عليكم ورحمة الله وبركاته
شحالكم عساكم ابخير
اليوم بقدم لكم الموضوع ألأول ضمن مواضيع مشاكل وحلول
المشكلة هي بعض المطبات اللي في محافظه البريمي وبالأخص ولاية البريمي
الموضوع موثق بالصور
طبعاً الكل يعرف حاله مطبات البريمي
والأغلب يتفاجاء ب مطب بدون لوحه تحذيريه إن شي مطب أمامه وغالباً المطب مب مصبوغ
و المطب قصير و مرتفع
يعني لو الواحد يحاسب بعده إلا بيحس انه خاطف علية بسرعة
إن شاء الله في موضوعي هذا بيكون فيه الحل لهذي المطبات
في الصور التالية مقارنه بين مطبين
والمطبين في ولاية البريمي موجودات
المطب ألأول اللي نتمنى أن تكون كل المطبات نفسه
وفي هذي الصورة واضح الفرق بين المطبين
الحل بسيط
إذا بغينا نخلي المطب رقم 2 نفس المطب رقم 1 نخليه أطول بحيث نزيد 1 متر في ألأمام و 1 متر في الخلف وبيكون المطب مثل ما هو موضح في الصورة
وطبعاَ طريقه حل هذي المشكلة مب مكلفه وايد بس إصلاح بدون إزالة و إصلاح
ونتمنى من الجهات المعنية تناقش الموضوع أو إدارة المنتدى تتابع الموضوع
ولهم جزيل الشكر
