مهداه لمشرفنا الغالي بو جسيم ...

[بن الريان @]

عمي يا Google ودي ابحث عن انسان !
..................غـــالي وله بالقــلب أكبـر مكانه



أبي تجــيــبــه لـي ولــو كــان مــاكـان
.................. يعني تِـصــرَّف دوره بـأي خـانه



أدري مســـافـــر بــس أنـــا ودي الآن
......................... أعرف بو جاسم وين يقضي زمانه



يـــامـــا سألـتـك عـن أمــاكـن وبـلـدان
......................... وجبت الإجابة بكل صدق وأمانة



وألحيــن !! يــوم اني سألتك عن فـلان
......................... بـانت علومك ويـــن ذيك الذهـانه !



عجـــزت تلقى لي ولــو نــص برهان
......................... والا دليــل يشير وجهـة مكـانه



شرهـــان ألقــى لي إجـابه وعنـــوان
......................... ظنـيــت بيني أني وبينك ميـانه



خــلاص ياعــمي تـرى ذاك الانسـان
......................... اللي خـذا بالقـلب قـدر ومكـانه



مــاقصَّــر (الجــوال) جــابه ولاهـــان
......................... وعرفت منه كـيف حـاله وشانه
------------------------------------

والسموحة والعذر أستاذي​

 

[ŔξVẼήĜξ]

صح لسانك أخوي الشاعر
ما عليك قصور والله
ويستاهل أخونا بو جسيم هذا الإهداء
بارك الله فيكم

 

[*ڎڕبــۃ'ة ♛]

يالله يالله


الله علييك يالشاعر

أبيات جميله جداااااااااا


ويستاهل بو جسيم


ولاا سرت تدوره فقوقل هاااه .. ههه

زين يوم يوم خبرك التليفون عن مكانه ..

بس عاده مايبتلنـاا علوم بو جسيم عساه الا بخير وسهاله فغيابه ؟!..




أحترامي

 

[بو جسيمـ]

لي عوده ...

 

[عذب القوافي]

يالله يالله ع الأبيات الحلوه
يستاهل أستاذنا بو جسيم
وعساه يكون بخير وسهاله
صح منطوقك أخونا بن الريان
وللأمام دوم​

 

[أزهار البريمي]

صــح لســان بــو ريـــان

وسلمــت يمنــاك

بو جسيــم يستــاهل

نتريـــــــا الـــزود منــك

تقبــل مـــــروري^^

 

[وحي القلم]

يستاهل ابوجسيم ,,, وصح لسانك شاعرنا .,.,., ما عليك زود على المعاني الجميلة ​