دجاج مظبي مع سلطة التبولة

[[ود]]

​

المقادير​

​

* دجاجة مغسولة ومقطعة الى نصفين​

* 4 بصلات مقطعة شرائح + 3 فصوص ثوم شرائح كبار​

*زيت مقدار 3 ملاعق​

* بهارات (كمون مطحون + فلفل اسود + ملعقة كاري + ملعقة كركم ​

+ نص ملعقة صغيرة صفار زعفران + ملح + ملعقة صغيرة بهار مشكل)​

الطريقة ​

- نتبل الدجاج بالبهارات الموجودة بعد مانسوي فيها فتحات​

- بقدر الضغط نحط الزيت والبصل وشرائح ثوم + قرفة​

​

- نحط الدجاج بالقدر​

​

- نغطي القدر ونخليه لمدة ساعة ينضج ويأخذ لون ذهبي ​

بعدها نفتح القدر ونبخره => فحم + زيت ..​

* الارز ​

بالقدر نحط زيت + 3 اعواد قرفة + 4 حبات هيل + 3 قرنفل + ليمونه​

سوداء​

​

- تتحمص وتطلع ريحة البهار نضيف لها ماء ساخن وملح والارز​

(حسب الكمية اللي تحتاجونها)​

​

- يترك لين ينضج تماماً​

​

- نحط بالاخير لون اصفر ونخلطه شوي ويبخر ​

التقديم ​

- الارز وبعد كذا الدجاج ونأخذ شوي من خلطة البصل ​

​

​

​

​

التبولة ​

المقادير ​

​

حزمة بقدونس مع شوي كزبرة ​

برغل منقوع بماء وعصير ليمونتين​

2 طماطم مقطعة ومفرغة من اللب​

2 بصل - شوي نعناع ​

التتبيلة ​

عصير ليمونتين + ملعقة زيت زيتون + ملعقة ملح + ملعقتين خل​

الطريقة ​

- نفرم البقدونس والكزبرة والنعناع والبصل بالمحضرة​

​

- تخلط مع البرغل والطماطم ​

​

ونضيف التتبيلة وتقلب زيين​

​

وتقدم​

​

​

​

​

 

[ŔξVẼήĜξ]

المظبي رائع بكل طرقه وأنواعه ~
لذيذ بمقدار ما هو جميل الشكل
شكراً وِد على الطرح الرائع

 

[`¤*«مُحمدْ البادِيْ»*-¤]

أنا شو دراني في المظبي
تو هم يالسين في البيت يضحكون علي ما أعرف أطبخ زين

بس تو بسير أقس عليهم وأجيبلهم الوصفة
:c7b527d8bebeab132b5 :angel:

 

[سنفورة]

تسلم ايدج صراحه روعه :flower2:

 

[[ود]]

حياكم الله ، أبو رسيل نتريا تطبيقكم

 

[Queen Love]

ما اذكر اني كليت مضبي ..
لكن عيبتني الطريقة

يسلموو ع الوصفه الحلوة

 

[أرمينا]

يؤ يؤ يؤ خطيره يا ود

 

[وحي القلم]

يم يم يم ,,, يا قهري نحن جالس ناكل من يد الهنووود اااخ يا بطني ههههه والله عذاب مواضيع الطبخ هذي

بصراحة بعتزل الدخول لمواضيع الطبخ :ea7c3893b48cfc59205:imua26::baby1:​