مطنوخـــهـ

[يوسف الكعبي]

السلام عليكم ورحمة الله بركاته

اطرح شيء من كتاباتي بعد غياب واتمنى تلامس قلوب شعرانا وشاعراتنا ومتذوقين الكلمة من اخوانا الاعضاء



تغتـر بالحسـن العجـــيب الطاغي
غرنوقــة وممشـــوقه ومطـنـوخه

في حكـــيها تنغم أذاني الصاغـي
وعيونها لـ لفت النــظر مفخـوخه

ياكيـف تخـفي هالنــــبات الفاغي
اللي على حسب الطلب منفوخه

حتى الفــواد اللي عليــها يناغي
صدت وكزت فالثــقل صلبـــوخه

لكــــن حــــلاها لـو تصـــد يزاغي
ان ضاق تعصر وجنته من خـوخه

وان جــيت يـمه كالولـيد الراغـي
سببت فـي راسه صــداع ودوخه

ثم قلت اســف والحــيا بشداغي
ياجـعل ويهك ما عــرف شيخوخه

حطيت من فوق الكتوف شماغي
شرواة شايـــب طفروبـه فروخه

وجلست اعـدل فـــردتي وزلاغي
واعصابي كنها ع الجـمر مطبوخه

ماقـــول مابـــى مااريـــــد وباغي
ماشـــفت مثلج فالبشر منسوخـه

تغتـر بالحسـن العجـــيب الطاغي
غرنوقــة وممشـــوقه ومطـنـوخه



وسلامتك

 

[[ود]]

مرحبا بك الشاعر يوسف الكعبي
و مرحبا برجوعك بعد غياب طويل
قصيدة شامخة و جزلة ، اختيارك للمفردات الجديدة موفق
بداية من العنوان " مطنوخة" هذه المفردة غير مألوفة بالنسبة لنا
لكن معناها جميل و يجمع كل المحاسن
،
الوزن و القافية متناغم مع صميم الأبيات
في هالقصيدة نمط جديد للغزل ،
صح لسانك و دام نبضك شاعرنا ،
عودًا حميدًا ، وإن شاء الله ما تقطع ساحة الشعر في المنتدى

وأهنيك بألفيتك الجديدة
فالك التقييم
،



​

 

[أم حمودي]

قصيده غزلية رائعة بكل ما حملته من كلمات ،مشكور ،وووواصل ابداعك الشعري

 

[ŔξVẼήĜξ]

يا هلا ومسهلا فيك
أخي الكريم شاعرنا يوسف الكعبي

ما شاء الله عليك
قصيده مرة طيبة وحلوة

دمت مبدع
تقديري لك

 

[بنت المقابيل]

صح لسانك اخوي يوسف

قصيدة جدااا جميلة وكلمات روعة

القافية واااايد عجبتني

ما شاء الله عليك مبدع كعادتك

يعطيك العافية

تقبل خطووووووووووووووووفي​

 

[نسايم ريف]

حتى الفــواد اللي عليــها يناغي
صدت وكزت فالثــقل صلبـــوخه


تسلم يالشاعر على المفردات الجميله ..
يعطيك ألف عافيه وصح لسانك ياخوي

 

[*ڎڕبــۃ'ة ♛]

الله الله


يا سلاااااااااااام عليك يالشاعر


والله ينك ما قصرت كفيت ووفيت

أبياات جمييييييييييييييييييييييييييييله


القصيده عيبتني صراحه ما عليها رمسه


فيهااا من المفردات اللي ما نلقاهاا فهالزمن .. احينه يس ونو وما دل شووه
وين رمست الشيااب وينهاا .. الله محلاهاااا


......................



تسلم يا خوي ع الطرح المبدع وتستاهل التقييم ..^^

 

[بو جسيمـ]

رايتك بيضهـ انت الخوي .. صح الله لسانك بو يعقوب

ولا هنت يالشاعر تسلم وتبقى ولا هنت عاد هات اليديد لي خاشنه

ربي حخافظك ولك التقييم .. القصيده ترقى من كل بند