قصيدة كتبها أحد من أهل الأحبابي
يالله يا عالم خفيات الاسرار
تعلم خفي العلم لو يكتمونه
يالله قدرنا على القوم الاشرار
اهل الغدر شيطانهم يعبدونه
الشرع واضح لا تنشد وتحتار
الي قتل مسلم وجب تقتلونه
ماهوب حكمن ذا ولانقبل اعذار
من وين مذهب حكمكم تاخذونه
هادي ولد قومن عريبين واحرار
ماهوب راعي ضايعاتن ضعونه
ابوه ظافر راعي البن والنار
ومشخاط جده كانكم تجهلونه
ربعه هل الطولات وافين الاشبار
اولاد ناصر سعد منهم حصونه
قومن لهم في ساحة المجد تذكار
تاريخهم بفعالهم ينقشونه
والجاني الي زابنن خلف الاسوار
ماهوب سالم كان ما تعدمونه
ان كان هذا حكمكم سجن واجدار
ندخل عليه السجن ونكحل عيونه
الثار ما خوذن ولو صار ماصار
اما بحكم المحكمه او بدونه
هذا تراه انذار مابعده انذار
ابحكم اعدامهم تصدرونه
ان ما ذبحتوهم وجب ناخذ الثار
دين الحبابي واجبن يدفعونه
الشاعر/ علي بن محمد بن خرصان الاحبابي
رد الشاعر/علي بن محمود البلوشي على الأحبابي
ياهلي وش جرالكم شاللي صار
غريب وخويه بيوم يمعه تذبحونه
حنـا بدولة لها القانــون مقدار
هب غابة فيها الفريسه تقنصونه
إنتوا يالاحباب احرار عيال احرار
ماهقيت دم خويكم ترخصونه
وان كان السالفة فيها رد ثار ؟
القانون يسري فمكان تحيدونه
القاتل بيتحاسب وين ماسار
عقب الحشر بالخطايا يحاسبونه
كحل عيونك برصاص غدار؟
أنا أشهد أنه القاتل خزايا عيونه
يرحم الله بوخليفة قايد الأخيار
علمكم كيف الغريب تضَيّفُونه
هب بالذبح بالترصد والإصرار
بحسن المعشر والطيب تخاوونه
وصاحبه شذنبه بالرصاص لي طار؟
عقب الصلاة والذكر زاغت عيونه
أبغي السموحه ياطويلين الأعمار
هذي كلمة حق والحق لازم تقرونه
