الزواج المبكر

الموضوع في ',, البُريمِي للِحِوار و النقَاشْ ,,' بواسطة (الكعبي), بتاريخ ‏16 يناير 2008.

حالة الموضوع:
مغلق
  1. (الكعبي)

    (الكعبي) ¬°•| مُِشْرٍفَ سابق|•°¬

    بسم الله الرحمن الرحيم

    حبيت اناقشكم في موضوع -بالنسبه لي - مهم جداً

    الا وهو الزواج المبكر , يعني في عمر 18 الى 22 .


    في ناس يقولون الزواج المبكر احسن لعدة أسباب منها :-
    ان الرجل والمرأه يتحملون المسؤوليه من صغرهم ولا يعتمدون على حد , مثل مانجوف هاليام الريال يوصل عمره فوق ال22 وللحين معتمد على الوالد في صرفيته .
    الزواج المبكر ستر للمرأه والرجل ويقلل من المعاكسات والوقوع في الخطأ والرذيله .
    الزواج المبكر يخلي الأبناء والآباء في تقارب سني بحيث ان يكونون من جيلين متقاربين , ولو نلاحظ ان الحين الي امهاتهم وابهاتهم كبار يعانون من عدم تفهمهم لهم لانهم عاشوا في زمن غير زمنهم .


    وفي ناس يقولون تأخير الزواج افضل لعدة أسباب منها :-
    بعض الشباب مازالوا طايشين ولا يقدرون يتحملون مسؤولية الزواج .
    يجب على الرجل تكوين نفسه والأستعداد بشكل جيد للزواج وهذا يعني سنين طويله من العمل .
    بعض الشباب يقولون احنا نحب نستمتع في شبابنا ولاحقين على الزواج وعوار الراس .
    والبعض يظن الزواج مثل الافلام الرومنسيه ومتى مامل منها يقدر يهد كل شي ( يعني مايقدر الحياة الزوجيه ) .


    رايي في الموضوع :-
    انا الصراحه أفضل الزواج المبكر
    لانه ستر للمره والرجل ويوعي الشباب .
    ويقلل من الفواحش والرذيله في المجتمع وهاي اهم شي .
    اما الفلوس والبيت والمهر .. كلها أشياء الله بيسرها ان شاء



    انتظر تعليقكم ع الموضوع
     
  2. بنت العرب

    بنت العرب ¬°•| مشرفة سابقة|•°¬

    صدقك ياخوي
    ورايي من رايك
    وتسلم ع الموضوع
    ونتريا يديدك
    اختك الكادي
     
  3. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    مرحبا فيك الكعبي ما شاء الله دومك تجيب مواضيع تلامس واقعنا


    انا من رأي يكون سن الزواج في عمر 24 او 25 لان البنت والولد يكونوا اكثر خبره في الحياه ومروا بتجارب عديده ومختلفه لان في عمر 18 و22 بعدهم يعتبرون نصف عاقلين وهم في هالمرحله يمروا بمرحله انتقاليه من المراهقه الى سن النضج ،،،


    ومثل ما قلت الكعبي المهر وباقى الاشياء الله ايسرهاااااااا ،،،،

    اذن انا مع الزواج المبكر ،،،،


    لكن ليج ما تطرح سؤال شو موانع الزواج المبكر في مجتمع البريمي وزيادة نسبة العنوسه في الظاهره بشكل عام ؟
     
  4. المشاعر

    المشاعر ¬°•| مراقبة سابقه |•°¬

    سلاموووووووووووووو




    موضوع غاوي حق النقاش .. وانا من رايي البنت تتزوج وهي في العمر 18 و19 احسن حقها لاني وايد اشوف البنات الصغار السن يسون بلاوي لو يزوجون احسن حقهم وحق اهلهم ... وبعد الزواج ستر .....



    ام الشباب صعبه عليهم يزوجون وهم بسن صغير خاصه 18 و19 و20 بعتقادي انه سن طيش وما بتحملو المسؤليه البيت والزوجه والعيال ...
    والزواج مب طقطقه وحفله .... الزواج مسؤوليه كبيره ..




    وهذا رايي .. ...
     
  5. اليامي

    اليامي ¬°•| بـ ق ــايا ذكـريـات |•°¬

    موضوع راع وانا اايد فكرة الزواج

    من اكون السنه الثانيه فالجامعه بخلي ابوي
    يخطبلي

    ..
    تشكر وتقبل مروري
     
  6. (الكعبي)

    (الكعبي) ¬°•| مُِشْرٍفَ سابق|•°¬

    مشكوري أخواني / وأخواتي
    ع المرور صراحة عجبتني صراحتكم ف الموضوع
    أما بانسبة لكبرياء سؤالج حلوا وبنحاول اناقشة ف المرات القادمة
     
  7. راعي الطير

    راعي الطير ¬°•| مشرف سابق|•°¬

    غلاء المهور في منطقة الظاهرة عائق رئيسي للزواج
     
  8. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    راعى الطير مش بس في الظاهره الحين حتى في الباطنه شمال مهورهم بدات تغلا ع سبيل المثال شناص وصحار

    مع ان في قانون وضع لتحديد المهر لكن من سوف يطبقه محد ولو كانت الفتاه هى من تحدد المهر لكان الوضع مختلف ،،،،،،،
     
  9. (الكعبي)

    (الكعبي) ¬°•| مُِشْرٍفَ سابق|•°¬

    صح كلام كبرياء تصدقوا أبي سمعت عن وحدة ف شناص وصل مهرها 10 الاف اريال والزفة السبوع الجاي
     
  10. سعود الظاهري

    سعود الظاهري :: إداري سابق ومؤسس ::




    مرحبا أخوية يعلني أفدا خشمك على المواظيع المتميزة ألي تطرحها وأنا أيد هذي فكرة الزواج المببكر بس أخوي ماعندنا أستطاعة خلنا نخلص دراسة . وبعدين يصير خير . وتقبل مروري
     
  11. الغــريب

    الغــريب ¬°•| نعم نعم |•°¬

    انا مع الزواج المبكر

    بس هالايام صعبه امور الزواج

    بسبب غلاء المهوور و غيرها
     
  12. gmar

    gmar ¬°•| مراقبة قسم سابقة|•°¬

    في البداية اشكر اخوي الكعبي على طرحه المتميز لمواضيع النقاش ......


    واناااا رايي من رايكم ..... اناااا مع الزواج المبكر

    لكن كثرة البطالة وتوجه المرآه للعمل واستكمال دراستها العلي وغلا المهور........ الخ

    مسببات تحول دون الزواج المبكر
     
  13. (الكعبي)

    (الكعبي) ¬°•| مُِشْرٍفَ سابق|•°¬

    تسلم يالظاهري الله يخليك
     
  14. راعي الطير

    راعي الطير ¬°•| مشرف سابق|•°¬


    حشا هذي سياره ما حرمه كذا مهرها........
     
  15. (الكعبي)

    (الكعبي) ¬°•| مُِشْرٍفَ سابق|•°¬

    تسلملي اخوي الظاهري هاذا من طيبك
     
  16. المشاعر

    المشاعر ¬°•| مراقبة سابقه |•°¬

    حشا الله انا عن نفسي لو يجي يخطبني واحد ذو حسن وجمال الاخلاق ابيه حتى لو ب 10 دراهم عادي مايهمني الناس ولا القيل والقال بس اهلي اعرفهم مابوافقو .. اهم شي يخليني بعينه .. ومو بس اذا كان المهر شويه خلاص البنت رخيصه هذا في نظر الناس ... 10 الاف حشا هذي سياره شاري مثل مالقال اخونا راعي الطير ... الله يعينا بس
     
  17. (الكعبي)

    (الكعبي) ¬°•| مُِشْرٍفَ سابق|•°¬

    مشكور صديقي الظاهري ع المرور
     
  18. (الكعبي)

    (الكعبي) ¬°•| مُِشْرٍفَ سابق|•°¬

    ياعيون الظاهري وانت ياراعي الطير
    البنات هذا الزمن غاليات بس هذا كله ما من البنت هذا كله من الاهل الله أعين
     
حالة الموضوع:
مغلق

مشاركة هذه الصفحة