ما رأيك بتشابكـ الايادي بين الزوج والزوجهـ بالاماكن العامهـ ؟؟

الموضوع في ',, البُريمِي للِحِوار و النقَاشْ ,,' بواسطة قطوة البريمي, بتاريخ ‏10 أوت 2008.

  1. قطوة البريمي

    قطوة البريمي ¬°•| مُشرِفَة سابقة |•°¬

    الســـــلام عليكــــم ورحمـــة الله وبركاته​
    شحالكم وعلومكم عساكم الا بخير وسهاله ؟؟؟؟؟

    بصراحه موضوع عيبني يوم قريته واحسه يستحق للنقاش وويبته حقكم عسب تشاركوني بآآرائكم الطيبه واشوف ردودكم الحلوه

    ^
    ^
    ^
    ^
    ^



    مـا رآيـك بتشـابك الايادي بين الزوج وزوجته بالاماكن العـامه ...!!!
    :patch_galc:




    البعض وخاصه الرجل يحس ان هذي الحركه غير لائقه او ماتنفع في مجتمعاتنا او تنقص من رجولته ....... الخ ..:patch_no:

    والبعض الاخر يحس ان حركه جدا عاديه ومافيها اي شي حتى لو في مكان عام وهي بالنهايه زوجته.....الخ ..:patch_baskt:

    من أي نوع أنت/أنتي..؟:patch_ordi:


    هل تؤيــــد / تؤيــــدين هذه الظاهرة ؟؟

    هــل الحركة هذه فيها عيب أمام الناس ؟؟:patch_joi:

    هل فعلا عندما يمسك الزوج زوجته أمام الناس يكون صادق في احساسه لسبب مسكته لزوجته ؟؟ أم انه يريد ان يراه الناس مخلصاً لزوجته ؟؟

    واللحين عقب ما عرفتوا الموضـوع حبيت اشوف ردودكم الطيبه اذا ما عليكم امر


    يالله ابدو بالردود الغاوية


    منقول لعيونكم
     
  2. آخر منعطف

    آخر منعطف ¬°•| عضو مبتدى |•°¬



    لا أعتقد بإمساك يد الزوجه به خلل في السوق...
    ولكن بشرط أن يكون نوع امساك اليد من نوع الإحترام..


    شكرا على الطرح يا قطوتنا~~
    مزيد من التألق والتفاني...
    سجلي مروري

    آخر منعطف~..
     
  3. روح السعيدي

    روح السعيدي ¬°•| عضو فعّال |•°¬

    انا اكره شي عندي عالحركة بااااااااااااااايخة موووووت
    اصلا لما اطالع جي اموووت ضحك
    تقبلي مروري الغاوي
     
  4. غلا الامارات

    غلا الامارات ¬°•| مشرفه سابقه |•°¬

    بصراحه احس انه هالشي عادي..

    يعني مافيهـ احراج او اي شي من هالنووع..


    امممممممممممممممم...

    نتريا ردوود باقي الاعضاااء..

    و السموحه
     
  5. آخر منعطف

    آخر منعطف ¬°•| عضو مبتدى |•°¬

    نتريا راي البقيه///


    آخر منعطف~..
     
  6. سعود الظاهري

    سعود الظاهري :: إداري سابق ومؤسس ::

    مرحبااااااااااااا قطوة البريمي أختي المتألقة في قسم الحوار والمناقشة ....

    يويل حالي ننتظر هذي الحظة يوم أمس يد أم العيال ونشمشا بمسك يدها بقوة عن تشرد

    عن تظيع لانها بقرة خخخخخ


    انا صراحه احب هالشي واصلا الطب النفسي يدعوا

    لمسك ايدي الزوجين

    لانه برأيي تدل على


    الــحــــــب بين الزوجين

    وعلى وجود علاقة حلوة بينهم


    بس عاد مب دوم أمسك يدها بتصدق عمرها أني أحبها ..خخخ مرات يعني على حسب

    المزاج أذا كنت معصب برايها تزول بمشي عنها مسافة كيلو خلها تولي

    امنياتي لكل المتزوجين حياه سعيده

    ومنك العيال ومنها المال

    قصدي منك المال ومنها العيال



    كل الشكر و التقدير

    ***

    الظاهري
     
  7. منى الروووح

    منى الروووح ¬°•| عضو مثالي |•°¬

    هع هع هع هع هع هع هع
    الصراحه يالظاهري عليك سوالف
    انا بنظري ( بدت تتفلسف احم احم)
    عــــــــــادي
    بس لان مجتمعنا ينظر فيها بنظرة ثانيه
    وانا لما اشوف جيه انقع من اضحك واللي وياي يتم يسكتني بالعافيه
    هع هع هع هع هع هع
     
  8. إبن البريمي

    إبن البريمي ¬°•| عضو مبتدى |•°¬

    السلام عليكم و رحمة الله و بركاته أولا الاسلام ما حرم هالشي و أيضا غير مكروه و الرجال ما تنقاس رجولته بمسكة إيده لأم عياله و إذا مسك الزوج يد زوجته بطريقة مهذبة و ليست صبيانية أوفيها مياعة تعتبر عادي جدا و بعدين أنا بسأل الاخوان اللي يموتون من الضحك على هالحركة ... إنتوا متزوجين ؟
    و بعدين فيه عدة أسباب تجعل الرجل يمسك بإيد زوجته في أي مكان و أكبر سبب هو إهتمامه و حرصة على حرمه و الا يعني تريدوه يتركها تمشي بروحها عرضة لأنظار الناس اللي ما ترحم ؟
    و بعدين ياخي معروفات الحريم يمشن عراحتهن و هذا نوع من أنواع تسريع مشي المرأة بعيدا عن الحب و الرومانسية فالحب و الرومانسية في القلب و ليس أمام الناس
     
  9. إبن البريمي

    إبن البريمي ¬°•| عضو مبتدى |•°¬

    على فكرة اللي ينتقد هالشي و يقول نقص في الرجولة على أي أساس حكم إنه مش رجوله أصلا اللي ما تعجبه هالحركة لا يسويها و خلاص ما يحتاج تحكم ع الناس من وجهة نظرك الشخصية و الا انت عندك رجولة و ما تسوي هالحركة إسمحلي أخوي راجع و حاسب كلامك و بعدين أغلب الناس تسوي هالحركة ليش يعني ناقصين رجولة ؟
     
  10. قطوة البريمي

    قطوة البريمي ¬°•| مُشرِفَة سابقة |•°¬

    اشكر الجميع ع المشاركة الغاوية

    وياتني ضحكة وانا اقرا ردودكم هع هع

    وحبيت اقول حق ابن البريمي انه محد قال انه الريال فيه نقص ف الرجولة اذا شبك ايده ويا حرمته؟؟

    هيه صح بعد اقول حق الظاهري عقبال ما نشوفك زاخ ايد حرمتك ف الاماكن العامه!!!

    وننتظر ردود الباقين
     
  11. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    عـــــــــــــــــــــــادي ما فيهااااااااااااا شيء !!!!!
     
  12. قطوة البريمي

    قطوة البريمي ¬°•| مُشرِفَة سابقة |•°¬

    ثانكس ع المرور كبريا
     
  13. الخريشة

    الخريشة ¬°•| عضو فعّال |•°¬

    هع هع هع هع هع
    هعتاااااااااان
    هعاااااااااااااااات

    لا تعليق
    لاني اذا علقت ما بسكت بتم اهزرب
    فأحسلي ما ارد

    تقبلي مروري

    خويتج/العين الذبوحه
     
  14. قطوة البريمي

    قطوة البريمي ¬°•| مُشرِفَة سابقة |•°¬

    شكلج بتتمسخوين عليهم

    بتخلينهم ما يسوون بيسه

    هع هع بس كان فخاطري انج اطلعين تعليقاتج الحلوة

    يسلموو ع المشاركة الغاوية

    وننتظر تعليقاتج اذا بتقولينهن
     
  15. الكعبية

    الكعبية ¬°•| مراقبة سابقة |•°¬

    بصراحه انا مؤيدة
    سواء كان بين الزوجين او بين الاصدقاء
    بصراحه مع انها حركه بسيطة جميلة احسها تترجم الحب والترابط الي بين الزوجين او الاصدقاء
     
  16. قطوة البريمي

    قطوة البريمي ¬°•| مُشرِفَة سابقة |•°¬

    واااااااااااايه انا ع الكلام الحلو

    يسلموو خيتو ع المشاركة الغاوية
     
  17. شيخة المزايين

    شيخة المزايين ¬°•| مُشرفَة سابقة|•°¬

    خخخخخخخخخخخخ انااا احسهااااا وايد عاديه هالحركه وحلوه
    بس انااا دايم اضحك اذا شفت حد يسويهااا
    خخخخخخ يتحسب عمره رومااااااااااانسي
     
  18. قطوة البريمي

    قطوة البريمي ¬°•| مُشرِفَة سابقة |•°¬

    نفس الشعوووور والله

    يسلمووو ع المشاركة الغاوية
     
  19. إبن البريمي

    إبن البريمي ¬°•| عضو مبتدى |•°¬

    بتكوني رومانسية يوم تتزوجين
    و بعدين اشكرج اخت قطوة البريمي على الموضوع بس صدقيني الناس اللي ينتقدون هالحركة هم أول ناس بيسوونها و اللي يسويها و يقول و يعلق و يضحك ما عنده ثقة بنفسة و دايما يحاتي كلام الناس و اللي يهتم بكلام الناس مب واثق من نفسه
    تقبلي مروري و أعتذر اذا كان كلامي يجرح مشاعر البعض بس هذا رأيي و كل واحد حر برأية و الاختلاف لا يفسد في الود قضية
     
  20. دندونة البريمي

    دندونة البريمي ¬°•| مُشرفَة سابقة|•°¬

    يعني هو مايشوف زوجته الا بالسوق ولا شو سالفته
    اعتبرها حركه باااااايخه تلفت انظار الكل
     

مشاركة هذه الصفحة