البنات والنت بعد الزواج

الموضوع في ',, البُريمِي للِحِوار و النقَاشْ ,,' بواسطة الفلاحي صاحي, بتاريخ ‏8 أوت 2008.

  1. الفلاحي صاحي

    الفلاحي صاحي ¬°•| عضو مثالي |•°¬

    هل بامكان البنت بعد الزواج في الجلوس لساعات طويلة مثل أيام العزوبية وهل اذا ابتعدت من النت سيكون هناك شعور بالنقص أوان أعمال البيت وتربية الاولاد والجلوس مع الزوج سوف يلهيها عن انت فعلا هذا السؤال من زمان اريد أطرحه؟؟؟؟؟
    فأرجوا الافادة الكل بخبرته وظروفه...
     
  2. قطوة البريمي

    قطوة البريمي ¬°•| مُشرِفَة سابقة |•°¬

    لا والله اكيد ما بتيلس ع النت شرات ما كانت تيلس قبل الزواج لانها قبل فاضية لا شغل ولا عيال ولا ريل تجابله ..الخ .. وبعدين ما احس اي شي يلهينا عن النت لا عيال ولا ريل .. لان النت غير
    وربي غير انا بصراحه يوم اقعد ع النت ما اخوز عنه الا اذا ياني رقاد ولا شي ضروري خاصة ف الاجازات ..حتى لو عرست ما احس ان الزواج بيلهيني عن النت وبحاول ادشه وما بقطعه ابد لو شو ما يصير .. لاني اعرف وايدات معرسات ويدشن النت والله بس طبعا فاوقات معينة هب مسطحات..

    وهييييييييك يالفلاحي

    تقبل مروري بود

    وتسلم ع الموضوع الرائع
     
  3. الفلاحي صاحي

    الفلاحي صاحي ¬°•| عضو مثالي |•°¬

    تسلمي عال المرور الرائع واحترم رايج:patch_baskt:
     
  4. الحلوة دوووم

    الحلوة دوووم ¬°•| عضو مميز |•°¬

    انا من رايي ان البيت والريل والعيال راح يلهوها عن النت ... حتى الموظفين غالب الوقت يلهيهم شغلهم عن النت ... فمابالك في الحرمة اللي يشتغل وبيت وعيال .... احسن شي تكرس وقتها لتربية عياله ومجابل ريلها .... وبعدين بعد ما بتفضى من االسفر والسيرات والردات
     
  5. (الكعبي)

    (الكعبي) ¬°•| مُِشْرٍفَ سابق|•°¬

    ماأعظم ان تقوم المرأة بمهمة أوكلها بها الله وهي تربية الاولاد
    وانا اشوف بمجرد الزواج يتغير رزم كل من الزوج والزوجة
     
  6. الفلاحي صاحي

    الفلاحي صاحي ¬°•| عضو مثالي |•°¬

    شو تتحسبني بخليها عندها واجبات تشكر عليها وتجزى عليها كأم وأنا بيكون في واجباتي فاحترام العش الزوجي واجب مقدس صديقي وكل اذا بيلعب دوره صح يمكن تكون اسرة صغيرة سعيدة اكتفاء ذاتي وبنمرون كل الصعوبات بسهولة ياريال بالتوفيق للجميع:patch_sante:
     
  7. بنت البريمي

    بنت البريمي ¬°•| استغفر الله |•°¬

    بالنسبة لهالموضوع انا أشوف انه البنت أكيد بتقلل دخلاتها للنت أو بتقطعه وما بدش الا اذا كان عندها شيء ضروري لأنه وضعها بعد الزواج أكيد تغير يوم كانت قبل الزواج ... بعد الزواج بيكون عندها مسؤوليات وومشاغل مب نفس قبل فاضية وما عندها مشاغل ومسؤوليات ..

    تسلم اخوي ع الموضوع ..
     
  8. خافق احساس

    خافق احساس الفرَيق الإدِاري إداري

    موضوع طيبـــ،، صرااحة ..~

    كوني أنا تزوجتـــ،، خلاص يعني صار عندي مسؤوليات يديدة ..

    ولكل مقام مقال .. يعني اذا بدخل منتديات ما راح تكون مختلطة ..

    يعني تكون خاصة للنساء فقط ..

    بعدين بتكون عندا اكثر من مسؤولية ..

    1- حقوق الزوج
    2- حقوق الابناء
    3- ادارة البيت


    وواايد اشياء .. ما اعتقد انه البنت المتزوجة تقدر تدخل ..

    لانه خلاص صار عندها اشيءا ثانية ملت حياتها ..

    والسموحة على القصور .. الموضووع عجبني ..~
     
  9. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    موضوع مميز

    وانا رايي من راي خافق احساس

    بس تراا النت مفيد للمعرسه والغير المعرسه

    ^^


    احترامي

    سويرة
     
  10. الفلاحي صاحي

    الفلاحي صاحي ¬°•| عضو مثالي |•°¬

    كنت حيران لسؤالي هذا وقت طرحه ولاكن مشاركاتكم ومشاركتكم أوضحتوا الكثير من التسائلات الطيبة وردودكم تهمنا
     
  11. قطوة البريمي

    قطوة البريمي ¬°•| مُشرِفَة سابقة |•°¬

    ليش انت خايف انه اذا عرست وخذت وحده تموت ع النت تنشغل عنك وعن البيت؟؟
     
  12. الفلاحي صاحي

    الفلاحي صاحي ¬°•| عضو مثالي |•°¬

    أمي ناخذ الخبرات من الحينه احسلنا ولا ندش في متاهات بعدين:patch_paint:
     

مشاركة هذه الصفحة