رسالة شكوى على للقوه العامله

الموضوع في 'مركز أخبَار وقَضَايَا مُحـَافَظة البـُريمِي' بواسطة شيخ الشباب, بتاريخ ‏4 يناير 2012.

  1. شيخ الشباب

    شيخ الشباب ¬°•| عضو مميز |•°¬

    السلام عليكم اخواني وخواتي بمنتدى البريمي ....
    حبيت اوصل لكم رسالتي عسى انها توصل للقوه العامله
    انا من الشباب اللي لم استلم ولا ريال واحد صبرت شهر وشهرين وطافت سنه وما نزلو لي شيء ليش هذا الظلم السلطان ما قصر الله يحفظه لنا
    ويخليه تاج لروسنا بس ليش انتوا تحطون قرارتات بكيفكم السلطان قال يشمل اللي مايشتغل وانتوا حطيتوا قرارات على كيف كيفكم..عرفوا انه فيه شباب وبنات ما استلموا ريال واحد مثلي وعرفوا وراكم جنه ونار ....وينكم يا مجلس الشورى وينهم اللي رشحناهم.....واتمنا العذر منكم خواتي واخواني اللي بالمنتدى بس حبيت اعبر عن راي اخوووكم شيخ الشاب..اللهم احفظ لنا السلطان قابوس ويخليه ويطول بعمره يااااارب ويحفظ السلطنه ::ص5:: وشعبها
     
    أعجب بهذه المشاركة أƒأچأگأ‘ أںأ، أ‡أ،أچأگأ‘
  2. همس الشوق

    همس الشوق :: الفريق التطويري الأخباري ::

    الصراحة كلامك في محله .. بس في فئة قليلة الي ستلمت المكرمه ..

    نتمنى ان الموضوع ينضر فيه
     
  3. Justin Bieber

    Justin Bieber ¬°•| عضو مبتدى |•°¬

    ان شاء الله اخوي توصل رسالتك للمسولوين انا شراتك ما استلمت شيء معه انه لا اشتغل ولا شيء بس الحمدالله على كل حال
     
  4. في الصميم

    في الصميم ¬°•| خارج الخط |•°¬

    بسم الله الرحمن الرحيم
    معاناة واجهتموها ويواجهها الكثيرين أيضا ،،
    إن شاء الله أخي الكريم رسالتك تصل للقوى العاملة ،، وإن شاء الله يكون هنالك رد مناسب لذلك!!
    بالتوفيق لكم!!
     
  5. فيصل محمد البادي

    فيصل محمد البادي ¬°•| عضــو مــهــم|•°¬

    انا بخبرك ياطويل العمر

    تراهم يقولوا انهم يعطوا عدد معين

    ومابيعطوا اكثر

    وهذيلا اللي يعطوهم يحاولوا يدورولهم شغل

    وهم ختاروهم على حسب الاولويه فتحديث البيانات

    انا عن نفسي ماأشوفه معيار الصراحه

    وبعد يوم تسألهم هنيه فالبريمي

    يقولوا نحن مانعرف شي

    تبى تسأل سير مسقط

    عاد بخبرك يوم من الايام انا كنت فمسقط

    قلت بسير اراجعهم

    تعرف شو قالي الموظف


    حرفيا

    قال

    تبى اعطيك إياها من الآخر

    قتله ياليت

    قال نحن مابيدينا شي

    يوم يجي قرار من مجلس الوزرا نعطيكم
    ذيك الساعه بنعطيكم

    يعني المسأله كلها مابيدين حد

    لا البريمي ولا مسقط

    يعني حق شو موظفين ماعرف


    مانقول غير حسبنا الله ونعم الوكيل

    وعسى يتغير الحال
     
  6. همس الشوق

    همس الشوق :: الفريق التطويري الأخباري ::

    الله كريم يا شبابناا.. وربكم فوووق
     
  7. شيخ الشباب

    شيخ الشباب ¬°•| عضو مميز |•°¬

    لين متى اخواني نصبر دراسه وما حصلنا وشغل ما اشتغلنا
     
  8. إنجاز

    إنجاز ¬°•| عضــو شرف |•°¬

    اقتباس:
    المشاركة الأصلية كتبت بواسطة شيخ الشباب [​IMG]
    لين متى اخواني نصبر دراسه وما حصلنا وشغل ما اشتغلنا


    السلام عليكم..
    أنا راجعتهم فمسقط عشان حد أعرفه.. وقالولي إنه ال 150 تنزل للباحثين عن عمل إللي محدثين بياناتهم في الفترة ما بين 27/11/2010 إلى27/02/2011 بالإضافة إلى عدد بسيط زيادة من بعدهم ليتم إستكمال الخمسين ألف باحث عن عمل..
    قلتلهم في ناس وايدين ياخذون ال 150 ريال ومحدثين بياناتهم بعد التاريخ هذا..
    رد علي الموظف وقالي كلامي غلط وإذا أعرف حد أقوله عنه ، وأنا طبعا ما أعرف حد ولو أعرف حد ما بسير أقرف عليه ويقفونهن عنه، وقلتله أحسنت وطلعت..
    عالعموم الله ييسر أمرك يا شيخ الشباب ، ويوفق شبابنا كلهم ويزقهم الحلال..
     
  9. شبابنا لازم يكون لهم صوت مسموع ..تسمع لهم الجهات المختصه
    لأنهم نواة وأساس المجتمع ...واذا الشاب تعدى عمره 18 سنه وبعده يطلب أمه وأبوه فكيف المجتمع بيحترمه ..؟


    نحتاج دارسه صارمه تهيئ الشباب وتثقفهم وتطورهم وتنميهم كي يكونو فخر للمجتمع وليس عالة عليه...



    فقط بالأمانه والاحسان وبحب الوطن ستتحقق اشياء كثيرة
     
  10. المزن

    المزن ¬°•| مشرفة الأُسرَة و الطفل |•°¬

    انا سمعت بهاي السالفة من زمان احين نحن في 2012 وما صار شيء هاي مشكله يواجها الكثير لا زم يلقوا لها حل اتمنى صوتكم يوصل للجهات المسوؤلة
     
  11. شيخ الشباب

    شيخ الشباب ¬°•| عضو مميز |•°¬

    شكراا اخواني وخواتي على تفاعلكم معاي...
    ما تشوفون نسبت الجرائم ترتفع الشباب ما يشتغلون انا اقول للي يشتغلون في القوه العامله اذا ما بتشتغلون بضمير استقيلو من مناصبكم لئنه في شباب وبنات يبون يشتغلون من ضميرهم ..والسلطان امر للي ما يشتغلون هذايله على كيفهم يحطون قوانين ما عندهم غيره على بلادهم ماشيء ظمير كله اللهم نفسي بس وووواااااسطااااات انا ما بسكت عن حقي وحق اخواني الشباب والبنات ..وانتوا ايا اهل الشورى وووينكم ليش رشحناكم مب عسب تحلون مشاكلنا وله خلاص ما تعرفونا يوم تمسكون المنصب ........الله يحفظ جلالة السلطان قابوس ويحفظ لنا السلطنه وشعبها
     
  12. ملاذي

    ملاذي ¬°•| عضو مميز |•°¬

    مانقول حسبي الله ونعم الوكيل

    الله ييسر امورنا .. ونقول الحمد لله على كل حال
     
  13. شيخ الشباب

    شيخ الشباب ¬°•| عضو مميز |•°¬

    الله المستعان
     
  14. روح السواعد

    روح السواعد ¬°•| عضو فعّال |•°¬

    ياصاحبي مشي حالك كله شغله عياره ناس تحصل وماتستحق وناس محتاجه ومالها نصيب .

    رقابه ماشي
    :imua51:
    وشو يسووا بعد يشوفولك 3 وظايف او وظيفتين واذا ماناسبتك قالولك وقع وهذا يعني انك رفضت الوظايف وتروح عليك الوظايف والفلوس


    الله كريم
     
  15. Justin Bieber

    Justin Bieber ¬°•| عضو مبتدى |•°¬

    بتوفيج خوي
     
  16. شيخ الشباب

    شيخ الشباب ¬°•| عضو مميز |•°¬

    شكرا اخواني على تجاوبكم معاي:gd:
     
  17. العنيد A

    العنيد A ¬°•| مشرف سابق |•°¬

    لازم تراجع الهيئه العامه لسجل القوى العامه اللي ف حي المطار
    معهم موضوع 150
     
  18. شيخ الشباب

    شيخ الشباب ¬°•| عضو مميز |•°¬

    انا الحمدالله مب ميت يوع هذيله بخذهن بالاخره خلهم يستانسون في 150ريال في الدنيا :nocomennt:
     
  19. Justin Bieber

    Justin Bieber ¬°•| عضو مبتدى |•°¬

    اخوي راجعهم بمسقط وان شاء الله بيعطونك 150ريال انته توكل على الله وروح
     
  20. احساس قلب

    احساس قلب ¬°•| عضو فعّال |•°¬

    بالفعل كلامك صحيح أخوي حتى أذكر مره واحد راح للقوى العامله اللي هني فالبريمي لما سألهم عن ال 150 ريال الموظفين تموا يضحكون عليه :imua50: ليش هو يا يطالب بحقه ما غلط ولا قال نكته للأسف الشديد إذا وصل حالنا لهالدرجه نحن مب محتاجين ولكن في ناس محتاجه وتبا تعيش وما تطلب أكثر من حقها
     

مشاركة هذه الصفحة