يمر الوقت وما نحسب حسابه .. والعمر يجري

الموضوع في ',, البُريمِي لـ القَصائد المنقولة' بواسطة انسياب حرف, بتاريخ ‏17 ديسمبر 2011.

  1. انسياب حرف

    انسياب حرف ¬°•| أمْيِرةُ الْحًرفِ |•°¬

    بسم الله الرحمن الرحيم
    السلام عليكم ورحمة الله وبركاته

    /
    يمر الوقت وما نحسب حسابه .. والعمر يجري
    ولا ندري .. متى نرحل من الدنيا وما فيها !

    عجب شف من الدنيا هموم"ن" ضيقت صدري
    وشفت البعض يتسلى على جروحي ، ويحييها

    إذا بعض "البشر" يهنى على غيره .. ولا يدري
    رى أقسى من قسى الصخرة عيون الناس نبكيها

    أبي أفهم متى العالم تحس .. وترفق بـ عمري ؟
    عجزت أفهم مشاعرهم ، وبعض الناس يخفيها !

    ضحك بوجههم دايم .. وسقيت الحلو من مري
    وأشوف وجيههم تعبس بـ شوفي ، وأنا أداريها

    قريت الظلم بـ عيون البشر .. من هول ما يجري
    وشفت البعض يستانس على نفسي ، وشقاويها

    أبروز داخل عيوني بقايا .. من صور قهري !!
    وأكسرها على أهدابي .. بقايا دموع أهليها

    أواسي الناس بـ الضيقة ، وأتحمل حمل ظهري
    ونفسي بـ ساعة الضيقة أدور من .. يواسيها

    وحيد بـ صحبة أوراقي ومرسم كم نزف شعري
    وبقايا من قصايد حب ، عجزت أوصل معانيها

    خطاي أني وفيت بقلب سرى صدقه مثل يسري
    بـ عرقي دمي .. وأتعايش مع نفسي وأحاكيها

    أسولف مع نجوم الليل .. وذاك الساهر القمري
    وأسترجع سوالف حب .. ذبحني ذكر ماضيها

    أفتش عن حضور الحزن وأشوفه حاضرٍ بدري
    و"أفراحي" .. نست ، مثل ما كنت ناسيها ~

    كثيرة أحزان هالدنسا كثر هذا الرمل ، وأدري
    أبد ما يوم أنا تهنيت بـ أيامي .. ولياليها !

    أعشم نفسي في بكره ، ولكن هالبخت عثري
    تعبت مني أقدامي على بكره .. بـ خطاويها

    تعبت أحلم وأتوهم ، وضاع العمر من عمري
    كفاية .. ماتت أحلامي وأنا لـ اليوم أرثيها !

    دفنت بداخلي حلم"ن" بنيته من عرق صبري
    تخيل كم صبرت سنين ؟، وكم طاحت مبانيها

    /
    مما راق لي
     
    آخر تعديل: ‏17 ديسمبر 2011
  2. من أنتم؟!

    من أنتم؟! ¬°•| عضو مبتدى |•°¬

    صح لسانج:7btain:
     
  3. الرمح

    الرمح ¬°•| عضو فعّال |•°¬

    شي جميل
    ما شي غير كيه:imua10:
     
  4. انسياب حرف

    انسياب حرف ¬°•| أمْيِرةُ الْحًرفِ |•°¬

    من أنتم؟!
    /
    شكرًا لكِ أختي الكريمة على مروركِ الكريم
    لا أدري من هو صآحب الأبيآت ، وإلا كنت أعلمتكِ بذلك
    /
    شكرًا لكِ
    حفظكِ الرحمن أينما كنتِ
     
  5. انسياب حرف

    انسياب حرف ¬°•| أمْيِرةُ الْحًرفِ |•°¬

    الرمح
    /
    شكرًا لك على هذه الإطلالة الطيبة
    حفظك الرحمن
     
  6. ســــحـــايـــب شــــوق

    ســــحـــايـــب شــــوق ¬°•| قيادية متميزة |•°¬

    [​IMG]
     
  7. انسياب حرف

    انسياب حرف ¬°•| أمْيِرةُ الْحًرفِ |•°¬

    ذوقي رومنسي
    /
    سلّمكِ الرحمن دومًا ، وعافاكِ
    شكرًا لكِ على هذه الإطلالة الطيبة ~
    حفظكِ الرحمن
    /
     
  8. ريح الحزن

    ريح الحزن ¬°•| عضو مثالي |•°¬

    تسلمين أختي ع الطرح الرائع
     
  9. انسياب حرف

    انسياب حرف ¬°•| أمْيِرةُ الْحًرفِ |•°¬

    ريح الحزن
    /
    الشكر لكِ على هذا المرور الطيب
    حفظكِ الرحمن
    /
     

مشاركة هذه الصفحة