الجزء الثاني من الحب الخافي

الموضوع في ',, البُريمِي لِلقِصَص والرِوَايات ,,' بواسطة شموخ شاعره, بتاريخ ‏28 سبتمبر 2011.

  1. شموخ شاعره

    شموخ شاعره ¬°•| عضو مبتدى |•°¬

    بما انه في ناس متشوفين ايعرفون تكملة القصه....

    وصلنا انه راشد ياه اتصال من مدير القسم وهو كان فاتح المنتدى ايشك على مشاركات يديده حق خلود، من كثر ما مستعيل نسى يسوي تسجيل خروج وفي هاي اللحظه دخلت موظفه وهي زميله له في العمل، يلست
    على كمبيوتر راشد تبغي اتشيك على شي، واهني كانت الصدمة القويه

    نفس المنتدى اللي تشارك فيه خلود وشافت نيك نيم راشد، صدمة قالت
    في نفسها معقول هو اللي يرد على مواضعي احتارت خلود وفكره اتوديها
    وفكره اتيبها، طبعا خلص راشد الاجتماع مع المدير، ورد القسم وشاف خلود

    على مكتبه يالسه وطبعا الاخ ما يعرف شو السالفه، طالعته بنظره وهو يرمسها


    راشد : خلود شو بلاج يالس ارمسج ، ما تردين

    خلود : ها شو، لا ماشي
    راشد : شو فيج الظاهر كنتي سرحانه

    خلود : هيه والله السموحه راشد
    راشد : وين سايره تبغيني اساعدج في شي

    خلود : مشكور خلك على المنتدى احسن
    راشد : ها شت نسيت اطلع، لا يكون رديت على شي
    خلود : لا ما يخصني، مع السلامة
    راشد : شو بلاها جنها زعلت،بس انا ما قلت شي، خلني اشوف المنتدى
    احسن بلا وجع راس.

    راشد يرمس عمره شو ما طرحت شي يديد يلاه بشوف في البيت
    ورايه شغل اسويه الحين.

    راشد رد البيت تغدى الاخ ورقد.
    اما خلود من الصدمة نست تبصم بصمة خروج من الدوام

    ردت خلود للبيت متأخره،لانها ما خلصت شغلها والسبب راشد

    خلود لنفسها : معقول يطلع راشد ليش ليش، من يوم رايح بسوي له طاف

    وما راح ارد على اي موضوع له...

    دشت المنتدى شافها راشد من النيك نيم طبعا بعد ما نش، ما صدق وطرش رساله خاصه

    طبعا ما يعرف انها خلود...محتوى الرسالة

    فلانه : اشحالج شو اخبارج بس بغيت اسلم عليج خلود : (1) التنبيهات..بطلت الرساله وقرتها وسوت طااااااااااف

    راشد يتريى ويقول : ليش ما ترد ليش

    خلودترد برساله :ما عندي وقت حقك

    السموحه ايدي تعبت من الكتابه باجر بكملها لكم السموحه منكم
    راشد : يطرش مره ثانيه وفيه غصة هالمره كانت رسالته طويله وفيها كتالي
    اختي انا مب قصدي اضايقك ولا انا شرات هالشباب ،بس عجبني

    اسلوبج في الكتابة...واكرر اسفى مع السلامه..


    خلود تقرأ الرساله وقلبها عورها عليه ، بس قالت

    بطنش عنه...

    انتظروني في الجزء الثالث والاخير....
     
  2. ساعديه طر

    ساعديه طر ¬°•| عضو مثالي |•°¬

    يعلني ما خلى من قصصج الغاليه

    يعطيج الف الف عافيه على ها الابداااااع

    الصرااااحه القصه روووعه طرررر

    تقبلي مروري

     
  3. awad baloosh

    awad baloosh ¬°•| بلوش صح الصح |•°¬

    قصة حلوه والله

    يسلمووو ع طرح

    يعطيك الف عافيه وعافيه
     

مشاركة هذه الصفحة