وش تسوي لو عشقت شخص ماهو من نصيبك ؟!!!!!

الموضوع في ',, البُريمِي للِحِوار و النقَاشْ ,,' بواسطة السولعيه, بتاريخ ‏21 جويليه 2008.

  1. السولعيه

    السولعيه ¬°•| عضو مميز جدا |•°¬

    وش تسوي لو عشقت شخص ماهو من نصيبك ..
    لا لك بهالوضع يد .. و لا له بهالوضع سبه !!


    وشهو ذنبك لو غدى من بين خلق الله حبيبـك ..
    تعرف إن قربه محال .. و قلبك مصمم يحبه ؟!


    و انته متأكد و عارف يب يجي يوم و يسيبـك
    يعني متوقع بأي لحظه يغيـب و تغتـرب بـه!!


    كل دربٍ يرحل بطيفه .. على وجهـك يجيبـك
    كل حرفٍ يُكتب لغيره .. تحسه منكتب بـه !!


    كن كل عيون خلـق الله عيـون ٍ لـه تذيبـك
    تنثر احساسك جمر ملح وْعلى جرحك تصبـه


    و اللي كاسر ظهر قلبك و بشقا الدنيا مصيبـك
    عارفٍ بانّك تحب .. و ما يعَرْف انّـك تحبـه


    ساكن ٍ بأصغر تفاصيلك و قلبه مـا دري بـك
    ماكن ٍ بأقصى معاليق الكيان اللـي لعـب بـه


    وش تسوي لو مرضت بعشق من وصله طبيبك
    و انتْ عارف لو ذبحك العشق ما داواك طبه !!



    .
    ×
    .

    شو تسوي .. بأمآنه ..؟!! هل ستستلم أم ماذآ ..؟!!


    حبيت آعرف شو رآيكم وتصرفآتكم في مثل هذآ آلموقف ..!!

    :::::منقووول::::
     
  2. السولعيه

    السولعيه ¬°•| عضو مميز جدا |•°¬

    رأيـ



    اممم

    من وجهة نظري

    لو كل شخص فكر انه قدره مكتوب له من نعومة اضافره
    وان ما اصابه لم يكن ليخطئه وما اخطئه لم يكن ليصيبه
    كان وكّل امره لله في كل صغيره وكبيره
    وان هالشخص اكيد مكتوب لغيره والله ماسوى هالشي الا لانه يعرف مصلحة عبده اكثر منه
    يمكن الله كاتب له الخير مع غيره
    وربما انه اهو مايكون سعيد وياه
    هذا شي
    ....

    الشي الاخر
    الحب ليس كل شي ف الحياه
    ف ظروف الحياه تعترض للشخص بما لايحب وعليه يجب على الانسان ان يكتسب صفة المرونه وهي ان يكون سهل وسلس في تعامله مع ظروف الحياه
    ....في صدد الحديث عن الموضوع تذكرت قصه حكتها لي والدتي
    كان فيه حكيم معاه بنت
    قالها راح اعطيج ثلاث اشياء وحطيهم في ماء مغلي كل حاجه في قدر
    واعطاها القهوه
    الجزر
    والبيض
    ا
    طبعا الجزر اصبح لينا جدا
    والبيض اصبح صلبا
    اما القهوه فهي اللتي لونت الماء
    قال الحكيم لبنته
    اريدج مثل القهوه
    تغيريج اللي حولج ولاتتغيرين
    الجزر تعب وانهرس بفعل الماء
    والبيضه تصلبت بسب الماء ايضا
    اما القهوه فقد غيرت الماء
    مفهوم المغزى من القصه اتوقع؟؟
    .....

    بعدين الانسان يجب ان لايكون اناني ويفكر في نفسه وبس
    لان هالمخلوق الله خلقه للعطاء
    واكيد انه راح يتزوج مره ثانيه
    ولا زم يعطي شريكه الثاني جل الحب والاحترام ولا يفكر حتى مجرد التفكير ان يتخيله حبيبه الاول
    ...
    من جهه اخرى
    اتوقع اللي مايصبر على البلاء ليس مؤمن بالله حق الايمان
    لان الله اذا احب عبد ابتلاه
    ولو نظرنا من حولنا بنحصل فيه ناس بلائهم اعظم من بلاءنا
    فيه ناس تفقد بلادها
    تفقد امها
    تفقد ابوها
    بلارجعه
    ونحن نفقد شخص لم نعاشره بعد وننكسر اين الصبر؟؟
    ...
    ارجوا ان يكون هدفي وصل
     
  3. omani hack

    omani hack ¬°•| عضــو شرف |•°¬

    اذا حبيت شخص ماهو من نصيبي !

    بكل سهوله

    اعطيه الظهر واقوله الله يوفقك ويا غيري

    بحاول انساه قدر المستطاع

    هذي حال الدنيا :)

    شكرا على الطرح
     
  4. السولعيه

    السولعيه ¬°•| عضو مميز جدا |•°¬

    .....................


    اشكر مرورك المختصر المفيد
     
  5. +[دلع عبري]+

    +[دلع عبري]+ ¬°•| عضو مبتدى |•°¬

    بصرااحه اذا حبيت شخص موو من نصيبني وعشقتهـ ..

    اكيد بحااول قد مااقدر اتنااساااه ...

    وبعدين الوااحد اذا حب مووو بيده شي .. القلب هو يختااار ..ومستحيل تقول انك تعطيه الظهر وتنساه بكل سهووله

    لانه هالشي معنااته انك انت مااحبيته ولا عشقته بكل معنى الكلمه ..

    ويمكن نقدر نتنااسااااه بتفكيرناآ .. بس القلب أكيييد بيكوون له مكااانه كبيره في القلب..

    وانا عن نفسي مابكوون انانيه .. وراح احبه من بعيد لبعيد ..

    وبحااول نكون اصدقااء ع الاقل ..

    وثاآنكس ع الموضووع ...
     
  6. السولعيه

    السولعيه ¬°•| عضو مميز جدا |•°¬

    مستحيل ننساه لكن نحاول ننساه مب عشانا نحنا عشان سعادته وسعادتنا لازم نتناساه

    وبعد مستحيل نتحول الى اصدقاء
    خذها مني قناعه في مفاهيم العلاقه
    ممكن بيوم الصداقه تتحول محبه
    ولكن لايمكن فيوم يتحول الحب لصداقه

    اشكر مرورج حبوبه

    :
    :
    :
    :
    :)
     
  7. سعود الظاهري

    سعود الظاهري :: إداري سابق ومؤسس ::

    ظربتي على الوتر الحساس بهذا الموضوع لو أتكلم مابسكت

    لان الكلام شي والي عاش هذا الموقف بالواق شي ثاني .

    الحب نعمه عظيمه أنعمها الله على عباده فبدون الحب لا نستطيع أن نعيش
    غريزه في قلب كل إنسان لكن هذا الحب
    إما يفرحنا
    وإما يبكينا


    أولاً لكل شي في هالدنيا نصيب
    الزواج والحب نصيب والعمل نصيب والرزق نصيب ,,, الخ
    ولا اعتراض على حكم الله


    لكن للحب نوعين فقط ..

    1- حب حقيقي
    2- حب وهمي

    الحب الحقيقي هو الحب النادر الطاهر وإن ذهب لا يأتي بعده حب مثله ولا يحل مكان هذا الحب شخص ثاني ..

    والحب الوهمي يأتي من فراغ العاطفه أو يأتي عند فترة المراهقه
    وكلنا نمر بفترة مراهقه بالأكيد ..


    وصعب جداً الانسان يحكم بنفسه إن هذا الشخص يحبني مهما كان
    لأن الحب مو بالشكل اللي نتصوره مجرد كلام وحب غرام

    الحب تضحيه

    الشي اللي يضحكني دايم إن بعض الناس تحب وتعشق وتموت من الحب
    ويصير بعد الحب هذا فراق ويحزن الشخص في البدايه ويعيش بكآبه

    ويقول أنا ما بحب بعد هذا الحب نتفاجئ خلونا نقول بعد سنه
    يطيح في حب ثاني وينسى الحب الاول .. بالله عليكم هذا حب ...
    إن الانسان يحب في حياته عشره وكل حب قصه وحكايه

    أنا عشت فترة حب ما أقول ما عشتها
    صحيح هي بوقتها حلوه لكن كنت دايم أسأل نفسي ايش نهاية الحب
    ليش نحب كذا وما نسأل انفسنا ايش النهايه

    واحد يحب وحده في الغرب والبنت في الشرق
    هل من المتوقع يكون الحب هذا نهايتة زواج

    90% علاقه غير ناجحه

    وش تسوي لو عشقت انسان ما هو نصيبك..؟؟

    لو حبيت إنسان مو من نصيبي أول خطوة أعملها
    إن ابتعد عن هذا الانسان بقدر المستطاع وخصوصا اذا كان ما يدري إني أحبه
    لأني ايش بستفيد لو فضحت هذا الحب له اخليه يتعذب معاي ولا اخليه يتعلق
    لا طبعاً لأني أحبه بحاول اتناساه .. اذا ما كان في مجال للنصيب
    وهذا بوجهة نظري يا جماعة الخير " عين العقل "

    وإن كان الحب من طرفين وفعلاً ما كان فيي مجال للنصيب بين القلبين
    ما أقول الفراق بينهم ولا أقول كلن بطريقه

    لكن بنفس الوقت يحطوا الشي في بالهم إنهم في يوم كل واحد بشوف حياته
    كل واحد بيكبر هذا بصير له بيت وهذي بكون لها زوج وعيال مستقبلاً

    وهذي الحياة

    (( ما كل ما يتمناه المرئ يدركه ))

    أنا بالنسبه لي أفضل الحين إني الحب اللي في قلبي
    لإنسانه راح تكون في يوم زوجتي لأنها هي اللي بتبقى لي وهي اللي بتشاركني حياتي


    لو كان الله رايد ان يكون هاي الشخص من نصيبنا بنحمد الله وبنشكرة ...

    ولو كان مو من نصيبنا صح بنزعل بنصيح وبضيق فينا الدنيا
    ..
    ونقول ما راح نحب غيره بس الي الله كاتبة راح يصير وهم بنحمد الله وبنشكرة.
    .
    الحمد لله ع كل حال..

    الله عطانا عقل حتى نفكر فيه بس لازم نفكر بالقلب والعقل مو بس بالعقل
    ..
    لان ما راح تجيب نتيجة اذا فكرنا بس ابعقلنا ..
    .

    علينا ان نؤمن بأن لو كان لك .. لما ذهب الى غيرك

    وقدر الله وما شاء فعل

    والحمدلله على ما اراد وفعل
    وش تسوي لو عشقت انسان ماهو من نصيبـك
    لا لك بهالوضع يد .. و لا له بهالوضع سبه !!
    وشهو ذنبك لو غدى من بين خلـق الله حبيبـك
    تعرف إن قربه محال .. و قلبك مصمم يحبه ؟!
    و انته متأكد و عارف يب يجي يوم و يسيبـك
    يعني متوقع بأي لحظه يغيـب و تغتـرب بـه
    كل دربٍ يرحل بطيفه .. على وجهك يجيبـك
    كل حرفٍ يُكتب لغيره .. تحسه منكتب بـه !!
    كن كل عيون خلـق الله عيـون ٍ لـه تذيبـك
    تنثر احساسك جمر ملح وْعلى جرحك تصبـه
    و اللي كاسر ظهر قلبك و بشقا الدنيا مصيبـك
    عارفٍ بانّك تحب .. و ما يعَرْف انّـك تحبـه
    ساكنٍ بأصغر تفاصيلك و قلبـه مـا دري بـك
    ماكنٍ بأقصى معاليق الكيـان اللـي لعـب بـه
    وش تسوي لو مرضت بعشق من وصله طبيبك
    و انت عارف لو ذبحك العشق ما داواك طبه !!


    فمان الله .. يا حب دفنته بآخر اعماقي
    فمان الجرح .. يا جرح يروح العمر ما يبرئ
    فمان الغدر .. يا شخص يمينه خانت اليسرى
    حضنتك يا روح روحي ما بين البعد والأشواقي
    حضنت اللي بقى منك ..
    حضنت الجرح والذكرى ..
    فمان الله يا حب يموت .. وظله الباقي

    واعتذر جداً على الاطاله لكن جداً السؤال هذا طلع فيني اشياء كثيره
    وإن كان في وجهة نظري أغلاط فأرجوا المعذره ..
     
  8. غازي

    غازي ¬°•| مصّور هآوي |•°¬

    محد بياخض من هذه الدنيا غير نصيبه



    اذا هب مكتوب لي

    بدور على غيره وبصد عنه
    وبقوله الله يوفجك بدنياك

    لي يحب عمره مايكره حد




    يسلموووو على الموضوع
     
  9. السولعيه

    السولعيه ¬°•| عضو مميز جدا |•°¬

    تصدق اني وانا اقرا الرد مادريت الا بعيوني تذرف الدمع

    بصراحه ابدعت في ردك**

    ما اقدر اعقب عليه لان مابعد ردك تعقيب**

    كلمة شكر قليله في حقك

    ولك مني تحيه اكبر من الشكر
    :
    :
    :
    :
    :
    :)
    اختك: السولعيه
     
  10. السولعيه

    السولعيه ¬°•| عضو مميز جدا |•°¬



    عين العقل ياخوووي

    اشكرك على مرورك الكريم
    :
    :
    :
    :)
     
  11. دلوعه ابوها

    دلوعه ابوها ¬°•| عضو مميز جدا |•°¬

    شكرااااااااااا

    صدج انج ضربتي ع الوتر الحساس .... بس الواحد ما ياخذا الا نصيبه من هالدنيا والواحد يجول الحمد لله ع كل شي بس انا اذا حبيت وما صار نصيب ما اجول بكره الي حبيته بالعكس بجوله الله يوفجه فحياته
     
  12. قطوة البريمي

    قطوة البريمي ¬°•| مُشرِفَة سابقة |•°¬

    شو بسوي غير اني بحاول اتناساه شرات ماقالو اخواني الاعضاء
    بس ما بقول اني بنساه لان اللي يحب عمره ما بينسى اللي حبه وبتبقى فذكراه وأحلى ذكرى يمكن لو انها مؤلمة ع القلب
    يسلمووووووووو ع الموضوع
     
  13. السولعيه

    السولعيه ¬°•| عضو مميز جدا |•°¬


    صح محد ياخذ غير نصيبه


    اشكرج ع الرد حبوبه
    :
    :
    :
    :
    :

    :)
     
  14. السولعيه

    السولعيه ¬°•| عضو مميز جدا |•°¬

    واي الم؟؟؟

    اشكر مرورج الرائع عزيزتي
    :
    :
    :
    :)
     
  15. الحاتمي

    الحاتمي ¬°•| عضو فعّال |•°¬

    خير الكلام ما دل وقل عليه بالصبر وكل واحد راح يأخذ نصيبه ..........صح يالكعبي
     
  16. السولعيه

    السولعيه ¬°•| عضو مميز جدا |•°¬


    صح ياخوي


    :
    :
    :
    :)
     
  17. المشاعر

    المشاعر ¬°•| مراقبة سابقه |•°¬

    برضى بكتبة ربي وببتعد عن حياته وان شاء الله الله بعوضني بكل خير
     
  18. السولعيه

    السولعيه ¬°•| عضو مميز جدا |•°¬

    الرضاء كنز ثمين ياحظ اللي يمتلكه

    اشكرج اختي على مرورج الخفيف

    :
    :
    :
    :)
     

مشاركة هذه الصفحة