للـكبـآر فـقـط .. !

الموضوع في ',, البُريمِي للِحِوار و النقَاشْ ,,' بواسطة Queen Love, بتاريخ ‏12 سبتمبر 2011.

حالة الموضوع:
مغلق
  1. Queen Love

    Queen Love ✗ الفريق التطويري الأعلامي ✗

    السلام عليكم ورحمة الله وبركاته ..

    /

    الزواج سنة الحياه .. ولابد من كل شخص يفكر كيف أتكون مواصفات شريك حياته ..
    مصطلح الزواج كبير وله وايد جوانب بس انا بصلط بموضوعي ع جانب معين

    الا وهو .. فرق السن في الزواج ..

    بصراحه يا بنات هل ممكن انج تقبلين بشخص أكبر منج تقريبا 15 سنه ؟.؟


    بصراحه يا شباب هل ممكن أنك تقبل بزوجة أكبر منك تقريبا 10 سنين ؟




    والي بيكون أجابته لا .. ايقول كم العمر الي ممكن ايكون فرق امبينهم
    وماهي وجهة نظركم ؟.؟


    وهل فرق السن مب مهم فالزواج ؟














    بإنتظآآر منـآآقـشآآآتـكــم وردوودكـــم ..!
    أتــمـنى مــآآتـبخــلووون بـآآلـرد ..






    ودي وأحــترآآآمـــي ..

     
    أعجب بهذه المشاركة reemo_909
  2. Queen Love

    Queen Love ✗ الفريق التطويري الأعلامي ✗

    الذين يشاهدون محتوى الموضوع الآن : 14 ( الأعضاء 1 والزوار 13)
    ‏موزاني

    ماشاء الله الزوار وايدين

    سجلوا واتحفونا بردوكم :001:
     
  3. أمير

    أمير ¬°•| عضو مميز جدا |•°¬

    مو حلو يكون الفرق وايد بالسن اكثر شي 4 سنوات كحد اقصى
    أنا من وجهة نظري تقارب السن ف الزواج يعزز من العلاقه
    واحس انهم يكون قريبين من بعض في أسلوب التفاهم

    موضوع رائع اختي
    ربي يعطيك العافيه
    تقبلي مروري
     
  4. بصراحه من وجهت نظري ماحلو يكووووون الزوج اكبر عنب بواااايد احلى انه يكون مثلا اكبر عني جيه 3 او4سنوات هاي الحدود يعني
    وذلك بدون سبب هع
    بعد ماباه شيبه ابا اعيش حياتي معه مرتاحه وسعيده
    يسلمووووووو الغلا
     
  5. ام ميسا

    ام ميسا ¬°•| عضو فعّال |•°¬

    بالنسبة لي فرق السن من 5 الى 13 سنة اوكي
    بالعكس الشاب الكبير عنده خبرة وهدفه يستقر

    عكس الصغار اللي قريب عمرك يكون نضوجهم مش كفاية وع بالهم كل شي بيصير مثل ما يحبون
     
  6. نسمآت روح

    نسمآت روح ¬°•| مبدعة في تواجدها |•°¬

    يسلمووو أختي موزاني على هالموضوع الرائع

    وجهة نظري فالموضوووع مب مشكله يكون فرق فالعمر ولكن مب وايد 5سنوااات وليس أكثر أعتقد بأنه كااافي ..

    بخبرج عني أنا مخطوووبه وخطيبي أصغر عني ب3سنوااات والحمدلله متوافقين ,, ولكني قبل كنت أكره إني أفكر بزوج يصغرني سناً ولو كانت سنه والحين بعد الإقناااع أشوووفه شي عااادي لا سوء فيه إذا كان في تفاااهم وبصراااحه أشوووف وجهة نظري الأوليه غلط ..

    تقيلي مروري أختي الكريمه :6::6:
     
  7. سوسو العبيدانى

    سوسو العبيدانى ¬°•| مشرفة سابقة |•°¬

    طبعا قرب السن يلعب دوور
    كبير في فهم النفسياات والتفااهم
    بين الازوااج
    شخصياا ااحب يكون زوجي
    ااكبر مني ب3 سنوات او ااقل
    ويكوون قريب مني بالتفكير

    لماا يكوون الرجل في سن النضج
    والبنت تووه صغيره وربشه
    داايماا تحصل المشااكل

    ووفقكم الله
    تقبلي مروري موزااني:16:
     
  8. الفرق وايد مو حلو ابد وشي غير صحي لان الافكار مش متناسقه بتكون:92:بس الي اشوفه تو حتى لو عمرها الزوجه 45سنه وعندها فلوس اهم شي:92:
     
  9. رحآيل

    رحآيل ¬°•| مُشْرِفة سابقة |•°¬

    أنا عن نفسي ما بواافق وااحد أصغر مني وما أشجع هالموضوع ..
    لكن أكبر مني هيه طبعاً بس ما يتعدى 7 سنوات ..
    لأن التقارب فالعمر يساعد عالتفاهم ..
    لأن الثقافة تكون متقاربة وأساليب التفاهم بعد ..

    بس ترا مب حرام الوحدة تتزوج أصغر منها أنا ما أعارض الموضوع
    لكني ما أحبذه .. >>>> أخاف البنت تستوي عيوز
    وزوجها بعده شباب ويقوم يتزوج عليها .. هع

    الموضوع حلوو ونااايس .,.,
    تسلمين موزاني عالطرح ..
     
  10. reemo_909

    reemo_909 ¬°•| ريـشة مبدعة |•°¬

    1- طبعااا لا
    2-ما اعتقد بيكون تفاهم بين الطرفين

    3-طبعا مهم هاا من وجهه نظري ..

    :approved:
    موضوع رائع
     
  11. امممم عادي اتزوج واحد أكبر عني بس ما يتعدى 4 الى 5 سنواات

    لأني أبا أعيش معه حياتي خطوة بخطوة أبا نبني حياتنا من الصفر و نأسسها بأساس يجمعنا نحن الاثنين.

    بس لو كان واحد أكبر مني بواايد ف أكيد بيكوون عااايش حياته الي شبعان من أيي أنا بس أكون زوجة و كل يوم مشاكل و سوالف
    لأن أكيد أكون أطمح لشيء معين بيقول >> شوف هذي من زمان أنا مسوي هالشي

    و لا أبا أساافر>> بيقول خلاص مليت من السفر 10 سنوات و أنا من بلاد لبلاد

    هذي وجهة نظري العجيبة
     
  12. غيثي متهور

    غيثي متهور ¬°•| عضو مميز جدا |•°¬

    انا فنظري الريال عادي يكون اكبر من زوجته بس بسنين معقوله مثل اربع سنوات او بالكثير خمس لانه الريال تكون له هيبة ف البيت
    وايضا الزوج يحب ان تكون شخصيته قويه


    اما العكس ف تكون صعبه شوي " الزوجه اكبر!!!!" تريد تفاهم كبير من بينهم


    وهذا رأيي الخاص

    تقبلي مروري المتواضع " موزاني "
     
    آخر تعديل: ‏13 سبتمبر 2011
  13. Queen Love

    Queen Love ✗ الفريق التطويري الأعلامي ✗

    للحين جميع ردودكم متشآبهة
    كلكم رافضين :eek:



    بخصوص البنت اذا تزوجت شخص أكبر منها تقريبا 15 سنه ..

    انا اعرف بنت شخصيا زوجها تقريبا اكبر منها 14 او 15 سنه بصراحه ماذكر العمر بالضبط كم بس تقريبا الفرق جي ..
    المهم سالتها كيف حياتج معاه وشو رايج بفرق السن الكبير الي بينكم ؟

    جوابها كان :
    علاقتهم كزوجين علاقة حلوة تسودها المحبة ومرتاحة معاه
    فرق السن حلو وكل ما كان الريال أكبر من حرمته بيكون أعقل منها ..
    وحلو انه البنت تزوج شخص عاقل ..






    هي قالتلي كلام وايد وانا اختصرت لكم اياه
    بس كانت مأيدة الفكرة لانها مجربه
    ( اسأل مجرب ولا تسأل خبير )


     
  14. reemo_909

    reemo_909 ¬°•| ريـشة مبدعة |•°¬

    فيه اهالي وايد يزوجون بناتهم من كبار ف السن وايد والسبب عشان البيزات
    بس يرتاحون وياااهم
    هاا اللي سمعته
     
    آخر تعديل: ‏13 سبتمبر 2011
  15. عالية

    عالية ¬°•| عضو فعّال |•°¬

    انا بصررراحة أأيد انه الريال يكون كبير حتى لو بعشر سنوات لانه بيكون الاعــقل وهو اللي يدلعني ,,,, مب انا هع
    وعاد بيرحمني لاني اصغر عنه ف ما بيزعلني بــشي
    تقبلووو مروووري
     
  16. Queen Love

    Queen Love ✗ الفريق التطويري الأعلامي ✗

    اختي الموضوع ماله دخل بالفلوس الحين :364370309157ae42e12

    والسؤال موجهة للبنات والشباب > خلي الاهل فصوب
     
  17. Queen Love

    Queen Love ✗ الفريق التطويري الأعلامي ✗

    صحيح خيتو . انا مؤيدة لوجهة نظرج :asd2:

    شكرا ع مرورج الطيب
     
  18. reemo_909

    reemo_909 ¬°•| ريـشة مبدعة |•°¬

    :364370309157ae42e12
    شكلي ظهرت خاري الموضوع
    هع
    سوري
     
  19. لمسة إحتراف

    لمسة إحتراف ¬°•| عٌضوٍ شَرًفِ|•°¬

    يتزوج الرجل عادة امرأة تقاربه في السن،
    ولا يكبرها إلا قليلاً.
    وسبب ذلك أن البنت التي تنضج (بالنسبة للشاب) في سن مبكرة تريد أن تتزوج أسرع مما يريد الرجال.
    ويضاف إلى هذا أن الرجل هو العائل الأساسي للأسرة،
    فهو المسؤول عن كسب الرزق وتدبير العيش لزوجته وأولاده.
    ويؤخره هذا عن المرأة قليلاً في طلب الزواج.

    في أمريكا، كان فرق السن بين الزوجين ست سنوات (سنة 1890)، وأصبح الآن ثلاثين شهراً أي 5ر2 سنة فقط.

    أما في أوربا، فظل فرق السن بين الزوجين كبيراً.
    ويبدو أن مسايرة كل من الزوجين للآخر لا تتطلب تقارب الزوجين أو تباعدهما في السن. وإذا كان الزوجان في سن واحدة في ميعة الشباب، فاحتمال نجاح الزواج قليل. ولو كان أحدهما أ:بر سناً، لكان احتمال نجاحهما أكبر.
    وإذا كان فرق السن بين الزوجين ثماني سنوات أو عشر سنوات أو أكثر، فقد تكون العلاقة بينهما، مثل علاقة الوالد وابنته (إذا كان الرجل هو الأكبر سناً). وتصبح علاقة الزوجين مثل علاقة الأم بابنها (إذا كانت المرأة هي الأكبر).
    ويحقق هذا الزواج سعادة كبيرة في الحالتين السابقتين،
    لأن الزوجين يفضلان هذه العلاقة الخاصة (علاقة الوالد أو الوالدة بالطفل) ـ على علاقة المساواة بين الزوجين.
    وينطوي هذا الزواج على مشاكل واضحة: فإذا كانت المرأة أكبر بكثير من زوجها، فقد تنخفض قدرتها على ولادة عدد من الأطفال.
    أما إذا كان الرجل هو الأكبر كثيراً، فالغالب أن تطول فترة ترملها. وإذا ترملت وأطفالها صغار، وقع عليها وحدها عبء تربية الأطفال وتنشئتهم وتدبير المال لهم.
     
  20. Queen Love

    Queen Love ✗ الفريق التطويري الأعلامي ✗

    معلومات إضافية حلوة ..
    بس حبيت أعلق ع الترمل للمرأه
    أختي هالشي ماله دخل بسن الرجل
    حريم ترملن من أزواج صغار بالسن .. الموت مايعرف صغير والا كبير


    أشكرج ع وجهة نظرج :imuae63:
     
حالة الموضوع:
مغلق

مشاركة هذه الصفحة