مهداة لاخوي ضاوي (بو حمدان )

الموضوع في ',, البُريمِي لِـ/ للشٌعرٍوالْقصِيْد,,' بواسطة طلال الشامسي, بتاريخ ‏30 جويليه 2011.

  1. طلال الشامسي

    طلال الشامسي ¬°•| مُشْرِفْ سابق |•°¬

    السلام عليكم

    هذي القصيدة كتبتها لاخوي وصديقي الشاعر ضــــــــــاوي

    لو ان ابياتها ما توفي ولا توصل الى مكانه

    ولو اني ما اصل بمنطوقي للشاعر ... ولكن اتمنى ان تنال على اعجابه خاصة وعامة للجميع








    عن حضور القصيد و بيت لا ضايع ولا مبيوق

    لعدك يا الشعر شيخن معشي اهلـــــــه ونوقه

    ولدغشبك على من يبخص المسحوب م المطلوق

    ابو من يكرم اليمنى وشعره مرتفع سوقــــــه

    هلا من وين ما طــــاب النسيم وفيح الزملوق

    وصيح مرتع البدوان من راعده وبروقـــــــه

    هلا وادريها ما تكفي عن الملزوم والمرموق

    لكن الدرب قدامي وانا المجنون بطروقـــــه

    لدعدعها واحملهـــا ثمر من سيرته وعذوق

    واكتب فوقها توصل لبوحمدان مسيوقــــــه

    واما بعد يا النشمي على طاري السقم والعوق

    فأنا أكثر من بلاه الله بعوق ويا كبر عوقــه

    اموت واندفن ويطيح من فوقي الوله والتوق

    على اللي غاب واهداني عظيم الجرح وفتوقه

    رحل وافتج مكنون الضمير واستباح الموق

    يغني مثل من دربه بلا موية ولا روقــــــــه

    رحل وادركت وش قيمة حياتي وداخلي محروق

    على المقتل رمى واجتث معلوقي من عروقه

    بعد ما كنت من وده انا السابق وانا المسبوق

    تخيل عاد آخرها سما العاشق ومعشوقــــــه

    نظى فيني الصبر واصبحت لا لاحق ولا ملحوق

    يا كبرك الفراق تخم طعم الضحك وفروقــــه

    احبه لين مــــا تكبي مشاعيق الامل والشوق

    واحبه لين م عظامي يضمها القبر وشقوقــــه

    (من عيونه) علــــى كثر الملاقه مالها مملوق

    يا ربي جعله الجنه ولو قاتلني عقوقـــــــــه

    رحل واظلمة الدنيا وبابي من الهوى مغلوق

    هضم وش تعني حقوقي وهضم وش تعني حقوقه



    طلال الشامسي
     
    آخر تعديل: ‏30 جويليه 2011
  2. عيون البريمي

    عيون البريمي ¬°•| عضو مميز |•°¬

    احللىى ششيي انا ااوول ووحده ببرد
    يستتااهل شاعرناا ضاوي
    وررببيي ااببداااااااع طرررر
     
  3. همس المحبه

    همس المحبه ¬°•| عضو فعّال |•°¬

    يشرفني اني ارد ثاني وحده ع الموضوع الطرررر

    يستاهل شاعرنا واخونا ابوحمدان كل القصيد

    ابداااع يا شاعرنا طلال الشامسي
     
  4. نسايم ريف

    نسايم ريف ¬°•| شاعرة |•°¬

    صح لسانك يالشاعر وربي يعطيك العافيه على القصيده الرائعه

    يستاهل الزوود بوحمدان وربي يجبر جروحك

    وننتظر الجديد
    تقبل مروري
     
  5. محمد الخروصي

    محمد الخروصي ¬°•| شـــاعر |•°¬

    نظى فيني الصبر واصبحت لا لاحق ولا ملحوق

    يا كبرك الفراق تخم طعم الضحك وفروقــــه

    احبه لين مــــا تكبي مشاعيق الامل والشوق

    واحبه لين م عظامي يضمها القبر وشقوقــــه


    صاروخ أرض جو ...


    ننتظر بو حمدان ولي عودة بإذن الرب ..

    نشكر الأستاذ طلال وأقوله ما عليك زود يا دكتور ...

    وأعلم بأن عارف الطب يعلم كيف يداوي جرحه ...

    وهذا ما جديد يا شاعر وضاوي أشهد أنه كفو ...
     
    آخر تعديل: ‏30 جويليه 2011
  6. بنت المقابيل

    بنت المقابيل ¬°•| مشرفة سابقة |•°¬

    صح لسانــــــــــــــــــــــــــك الشامي

    الله لا هان منطوقك ... تسلم

    يستااهل شاعرنــــــــــــــــــــــــــا ضاري
     
  7. ضاوي

    ضاوي ¬°•| عضو فعّال |•°¬

    طلال ناوي توهقني ولاّ شو المريض ما يعالج مريض يالغالي
    لكن ييك راي شرحت مرضك وبشرح لك مرضي وعلى قولة
    علي السبعان ؛

    وحده بوحده والخواطر صوافي = ليه الزعل مادام وحدة بوحدة






    مراحب يالسنافي والمعنّى صيحته مالعوق
    على شقف السنين الممحلة خطواته تسوقه

    وانا هيجنت حرفك ياطلال وطاب لي الطاروق
    واعسف مهرتي عسف الحكيم وفارسه فوقه

    احمس البن وآسوقه فبطن الثايرة مدقوق
    وأزلّه في الدلال الطيّبه والطيّب يذوقه

    سلامي لك سلام يكسر المجموع والمفروق
    ويتعدى حدود التغطية ويسابق بروقه

    يقولون السعد ولّى وانا اقول السعد ملحوق
    وبيبان الامل ماشفتها في يوم مغلوقه

    الد بعيني اليمنى على يمنى تحب البوق
    خذت مني السعادة والفرح والكبد محروقه

    جنوبية توزّع سمّها من قدّها الممشوق
    وتكسر خاطرٍ هام بدلعها وانبرى شوقه

    وانا اللي مثل ماقالوا لك الله موت يامخنوق
    تحمّل جرحك وعوقه وكلن خابرن عوقه

    وجودي من وزاهم وجد حرِ في لزم لسبوق
    وعينه في السما ودّه يمزّع مربط سبوقه

    الا يادمعة من حر ذارفها تمش الموق
    دفعها القلب من ناره وسال المدمع وموقه

    مآسي يارفيقي صمتها ما عرقل المنطوق
    يترجمها ولد مجنون مايتذكر حقوقه





     
    آخر تعديل: ‏30 جويليه 2011
  8. محمد الخروصي

    محمد الخروصي ¬°•| شـــاعر |•°¬


    وانا اللي مثل ماقالوا لك الله موت يامخنوق
    تحمّل جرحك وعوقه وكلن خابرن عوقه

    وجودي من وزاهم وجد حرِ في لزم لسبوق
    وعينه في السما ودّه يمزّع مربط سبوقه




    يا ربي يا رحمن يا عزيز يا منان ارحم قلوبا تسمع وعيوننا تقرأ هذا القصيد ...

    لا هنت يا طلال ولا هنت يا ضاوي ما عليكم زود وفالكم الغنيمة ....


    ربما تكون لي عودة جزالكما الله خيرا ووفقكم وأبرا جراحكما ...
     
    آخر تعديل: ‏30 جويليه 2011
  9. miss 6air

    miss 6air ¬°•|مُشِرفَة سَابقة |•°¬

    واما بعد يا النشمي على طاري السقم والعوق

    فأنا أكثر من بلاه الله بعوق ويا كبر عوقــه


    مــآ شآء الله على القصيد الرآئع
    صح لسآنك أخوي

    وربي يعآفي كل مسلم ،،،

    وأخونا بو حمدآن ما قصر !!
    مـآ شآء الله ع المبدعين ​
     
  10. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    صح الله لسانك يالشاااعر ..

    ويستااهل أخونا ضاوي..

    أبدعت بما قدمته لنا في هذه القصيده .

    تقبل مروووري .. وربي يعطيك العافيه ..
     
  11. بو جسيمـ

    بو جسيمـ ¬°•| شاعر |•°¬

    سنافـــا وعوقنــآ واحد من اللاهوب والمحروق
    تبشّرنــــــــــــآ بنظرات وقطفنـآ داني عذوقهـ

    مــــحبهـ من فواد اللي على خده تغيب بروق
    وغــــاير هالسماء بصافي وجنتينهـ ومدقوقهـ

    ألا يـــا ويل قلب ن ف الهوى كله سبب زملوق
    يميــل وردفهـ يحكـّـمـ ريـــاح الكوس ويسوقهـ

    تعـــــال ولاعب العشره وسليهـآ مع المعلوق
    وشحـّـمـ كبدي بشوقك وريـّـح نفس مخنوقهـ



    ابداع من الصوبين والسموحهـ ع ابياتي ..

    تستاهلون التقييمـ ..

    استاذي بو محمد والخوي ضاوي انتوا ع الراس

    نترياكمـ دومـ يالوافين .. ربي حافظكم
     
  12. ضاوي

    ضاوي ¬°•| عضو فعّال |•°¬

    تسلم يابوجسيم ولالاعليك زود

    تحياتي
     
  13. خاطر

    خاطر ¬°•| عضو مبتدى |•°¬

    طلال الشامسي قصيدة جزلة ولاهنت

    ضاوي أشهد انك قهويتنا ياخوشمّه

    تحياتي للجميع
     
  14. Queen Love

    Queen Love ✗ الفريق التطويري الأعلامي ✗

    يستااهل اخونا ضاوي

    صح الله منطووقك يالشاعر

    ونترقب الزوود منك ^^
     
  15. سهيل

    سهيل ¬°•| عضو مبتدى |•°¬

    دايمن الشوااااااااااامس مبدعين
     
  16. روح الأمل

    روح الأمل ¬°•| عضو مبتدى |•°¬

    كتير حلوه
    الله لا يحرمكم من بعض
     
  17. ســــحـــايـــب شــــوق

    ســــحـــايـــب شــــوق ¬°•| قيادية متميزة |•°¬

    ابدااااااااااااااااااااع وربي ابدااااااااااااااااااااااع


    تسلم يا طلاااال وصح الله لسانك يستاهل بوحمدان




    وصح الله لسان بوحمدان على الرد ع القصيده



    تميز وربي تميز


    لا تحرمونا من كتاباتكم الرائعه


    مع خالص احترامي
     
  18. ساعديه طر

    ساعديه طر ¬°•| عضو مثالي |•°¬

    الا يادمعة من حر ذارفها تمش الموق
    دفعها القلب من ناره وسال المدمع وموقه


    صح لسانك واقووووول،،،،

    ياطلال قولك كفــو والله ماتهوووون
    شعرك صراحه يبهرالقلب والعين

    تحياتي لك وماقصرت والله يعطيك العافيه
    دمت بود،،،،،،،،،،،ويستااهل الشاعر

    ضاوي
     

مشاركة هذه الصفحة