الكفيفه

الموضوع في ',, البُريمِي لـ القَصائد المنقولة' بواسطة أمير, بتاريخ ‏24 جويليه 2011.

  1. أمير

    أمير ¬°•| عضو مميز جدا |•°¬

    السلام عليكم كيفكم وشو اخباركم؟؟حبيت اشارك معاكم بهالقصيده واتمنى ان تنال على اعجابكم​


    كل شبر بهالوسيعه ملك ربي تعلمين
    وأعلم أن اللي خلقني هو خلق لك هالعيون
    لكن إنتي من جلستي وأنتي فيني تحدقين
    كن مابه ناس غيري بهالكراسي يجلسون
    لوسمحتي عاد اسمعي وحتى لو ماتسمحين
    المهم اللي بقوله تسمعينه ويسمعون
    ع الأقل ليا نظرتك سوي روحك تستحين
    غضي طرفك مثل غيرك خوف ربعي يلمحون
    الركاده عاد زينه والحياء في البنت زين
    وفيك جازم لا ركاده ولا حياء يذكرون
    تعرفيني؟!أعرفك؟! ما أذكر أنا ملتقين
    لا أعرف من تكوني ولا تعرفي من أكون
    وإطمأني إن كان قصدك بس فيني تشبهين
    ما هو أنا اللي تعرفينه والبشر يتشابهون
    مادريتي من التشابه يخلق الله أربعين
    وأعرف أربع يشبهنك بس والله يستحون
    وإن قصدك شي ثاني عاد قولي وش تبين
    خايف انا نصير فرجه واللي ماأشتروا يتفرجون
    وإذا ببالك عاجبتني لا يحوشك تحلمين
    صح ربعي من جمالك فيك صاروا يمدحون
    بس وش لي في حلاتك دام فيها ترخصين
    حشمة البنت والكرامه يلفتون
    ولو توفر فيك هذا مع حلاتك تبشرين
    ماهو أنا ألف غيري باب بيتك يطرقون
    وش علامك رغم كل اللي أقوله وتسكتين
    مو طبيعي هالسكوت و هالبرود وهالسكون
    أنتي خرسا أسألك ولا منتي تسمعين؟!
    قالوا ربعي ذي كفيفه قلت لا لا تمزحون
    لين شفتك يوم رحتي يمسكونك باليدين
    مادريت إلا عيوني أربع اربع يذرفون
    آه ياني من مشهد يوم شفتك ترحلين
    جيت اشوف عيون ربعي لقيت الكل يدمعون
    قلت سنة هالحياة وحن ترانا مؤمنين
    الله اللي مسيرنا بين كاف وبين نون
    وكل أبونا نختلف مع اننا من اصل وطين
    سبحان اللي مسيرنا ولله في خلقه شؤون
    يعني حنا كل ابونا عاد اسمنا آدميين
    وليا قضى ربك أمر وقال له كن فيكون
    فينا يلي رازقه خير رب العالمين
    وفينا يلي ماشكى من علة كالآخرين
    صم وبكم وعمي فهم لايفقهون
    بس قليل عاد فينا للنعم هم شاكرين
    والله يرزق هالخلايق من حيث لايعلمون
    وتدرين عاد يالكفيفه حنا ترى متشابهين
    وإن ما أنعمت أبصارنا قلوبنا هم اللي يعتمون
    يالكفيفه يالعفيفه إن قلت آسف تقبلين
    يغفر الله ذنوب عبده ليا خطأ وهل تغفرون....؟؟!​


    وسلامتكم​
     
    أعجب بهذه المشاركة Queen Love
  2. شناصيه عسوله

    شناصيه عسوله ¬°•| للتميـز عنـوان |•°¬

    صح لسانك يالشاعر ع هالأبيات الطيبه

    لا هنت
     
  3. ضاوي

    ضاوي ¬°•| عضو فعّال |•°¬

    أمير أوجعتنا

    قال عليه الصلاة والسلام عندما سئل من أشد بلاءاً قال ؛ الانبياء فالصالحون فالأمثل فالأمثل

    اللهم اجعلنا عبيد امتنان ولا تجعلنا عبيد امتحان


    أشكرك على المشاركة
     
  4. ◊ٌ κ ɪ α й

    ◊ٌ κ ɪ α й ¬°•| مشرفة سابقة |•°¬

    صح الله لسانك


    في انتظار جدييييدك
     
  5. أمير

    أمير ¬°•| عضو مميز جدا |•°¬


    صح بدنك أختي
    وثانكس للمرور الطيب
     
  6. أمير

    أمير ¬°•| عضو مميز جدا |•°¬


    اللهم آمين

    العفو اخوي
    نورت موضوعي بردك الحلو
     
  7. أمير

    أمير ¬°•| عضو مميز جدا |•°¬


    صح بدنك اختي

    إن شاء الله راح تشوفوا كل جديد مني

    نورتي موضوعي بردك
     
  8. Queen Love

    Queen Love ✗ الفريق التطويري الأعلامي ✗

    صح لسانك واعتلى شانك

    تستاهل التقييم ع القصيده الطيبه
     
  9. أمير

    أمير ¬°•| عضو مميز جدا |•°¬


    صح بدنك أختي
    ومشكوووووره ع التقييم

    نور الموضوع بوجودك وردك الرائع
     
  10. الحراصي

    الحراصي ¬°•| فخر المنتدى |•°¬

    صح لسانك اخوي
    كلامات حلوه
    تقبل مروري
     
  11. أمير

    أمير ¬°•| عضو مميز جدا |•°¬

    صح بدنك اخوي

    الأحلى مرورك اللي عطر الصفحه
     
  12. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    صح الله لسان الشاعر على هذه القصيده الجمييييله ,

    وربي يعطيك العافيه أخوي ع النقل الطيب .
     
  13. أمير

    أمير ¬°•| عضو مميز جدا |•°¬


    الله يعافيك أخوي
    مرورك الأجمل
     

مشاركة هذه الصفحة